Börn og menning - 2024, Síða 5

3
b&m
hvert ár og er samstarfsverkefni Norræna hússins,
Borgarbókasafnsins, Rithöfundasambands Íslands,
SÍUNG, IBBY á Íslandi og Háskóla Íslands. Þema
hátíðarinnar í ár var Á kafi út í mýri – eða sjórinn
og neðansjávarheimurinn í barnabókum. Fjöldi er-
lendra gesta flutti erindi og hátíðin vakti mikla at-
hygli eins og endranær.
Í lok nóvember fengu stjórnarliðar IBBY að kynna
starf félagsins á Bókamessunni í Hörpu. Borðið
okkar var staðsett við barnahornið og við nutum
þess að hlusta á upplestra barnabókahöfunda og
fá börn og foreldra þeirra að borðinu okkar til að
snúa lukkuhjóli og fá að verðlaunum veggspjöld úr
smiðju IBBY, eintök af bókinni Nesti og nýir skór,
sælgætismola eða jólakort hönnuð af Ragnheiði
Gestsdóttur eða Brian Pilkington. Það var því eftir
miklu að slægjast! Við vonum að við fáum aftur að
taka þátt í Bókamessunni í Hörpu á þennan hátt,
enda fátt skemmtilegra en að fá að kynna félagið
og hitta annað fólk sem hefur áhuga á barnabók-
menntum.
Handhafar Vorvinda 2023. Frá vinstri: Fulltrúi Kristínar Bjargar Sigurvinsdóttur rithöfundar,
Vignir Ljósálfur Jónsson, bókasafnsfræðingur í Laugarnesskóla, Svakalega sögusmiðjan – verkefni
Evu Rúnar Þorgeirsdóttur og Blævar Guðmundsdóttur og Elías Rúni, myndhöfundur.
Í byrjun febrúar 2024 fór fram ráðstefna um stöðu
bókarinnar í Veröld – húsi Vigdísar á vegum menn-
ingar- og viðskiptaráðuneytisins. Helsta umfjöll-
unar efni ráðstefnunnar var áhrif endurgreiðslukerfis-
ins á bókaútgáfu. Árið 2019 gengu í gildi lög um
sérstakan stuðning við útgáfu bóka. Markmið lag-
anna var að styðja bókaútgefendur til útgáfu bóka á
íslensku, frumsaminna og þýddra. Lögin gengu úr
gildi 31. desember 2023. Formaður IBBY, Katrín
Lilja Jónsdóttir, sat í pallborði í lok ráðstefnunnar
og nefndi að gæta þyrfti sérstaklega að því að aukn-
ing í fjölda barnabóka kæmi ekki niður á gæðunum.
Þótt framleiðslukostnaður hefði lækkað gæfi það
ekki tilefni til að slá af kröfunum. Einnig gagnrýndi
hún skort á unglingabókum. Að öðru leyti hefur
endurgreiðslan þótt mikilvæg innspýting í rekstur-
inn sem hafi auðveldað rekstrarumhverfi fyrir bóka-
útgefendur landsins.
Í mars hvert ár hefur verið hefð fyrir því að halda
Gerðubergsráðstefnuna, ráðstefnu um barna- og
unglingabókmenntir, í Gerðubergi. IBBY á fulltrúa