Börn og menning - 2024, Page 6

4
b&m
í skipulagsteymi ráðstefnunnar, sem er venjulega
mjög vel sótt. Vegna endurbóta á húsnæði Gerðu-
bergs hefur ráðstefnunni verið frestað fram á haust
þetta árið.
Fjórða apríl verður flutt frumsamin barnasaga á Rás
1 í tilefni af degi barnabókarinnar sem er 2. apríl.
Sagan í ár heitir Fullkomnun og er eftir Hilmar
Örn Óskarsson. Hilmar hefur skrifað fjölda barna-
bóka, til dæmis Holupotvoríur alls staðar og Dred-
fúlíur flýið! Einnig sendi hann frá sér unglingabók-
ina Húsið í september. Íslensk börn eiga því von á
góðu! Unnur María Sólmundardóttir, sem stendur
að heimasíðunni Kennarinn.is, hannar námsefni
í kringum söguna. Sögunni er jafnan vel tekið og
nemendur og kennarar hafa notið þess að brjóta
upp hversdagsleikann þennan fimmtudag í apríl.
IBBY hefur ár hvert fengið barnabókahöfund til að
semja smásögu í tilefni af degi barnabókarinnar og
við erum stolt af að geta boðið börnum landsins upp
á vandaðar og skemmtilegar sögur, með námsefni.
Sagan í ár er bráðskemmtileg! Námsefnið verður
aðgengilegt á heimasíðunni Kennarinn.is og sagan
verður aðgengileg í spilara RÚV.
IBBY hefur í samstarfi við Bókmenntaborgina gefið
út veggspjald sem sent er á öll almennings- og skóla-
bókasöfn á landinu. Íslenskur myndhöfundur er
jafnan fenginn til að teikna og hanna veggspjaldið
og í ár var Brian Pilkington fenginn til verksins. Á
myndinni má sjá tröllafjölskyldu njóta bókar og
yfir skrift myndarinnar er: Allir elska að lesa. Sem er
alveg satt! Allir eða öll elska að lesa, líka tröll!
Í vor verða Vorvindarnir haldnir hátíðlegir 26.
maí. Vorvindarnir eru viðurkenning IBBY til ein-
staklinga, hópa eða stofnana sem hafa lagt eitt-
hvað gott fram til barnamenningar. Fyrri handhafar
viðurkenningarinnar hafa verið myndhöfundar,
barnabókahöfundar, bókaklúbbar, skólabókasafns-
fræðingar og svo margt fleira. Það má leggja til
barnamenningar á svo fjölbreyttan hátt. Vorvind-
arnir eru nokkurs konar uppskeruhátíð samtakanna
og hafa veisluhöldin langoftast verið í Gunnarshúsi.
Nú munum við bregða út af vananum og verður
viðurkenningin afhent á Borgarbókasafninu í Gróf-
inni. Vonir standa til að það veki enn frekari athygli
á starfi samtakanna. Að venju býður félagið upp á
veitingar og spjall að lokinni afhendingu.
Fyrir hönd stjórnar IBBY
Katrín Lilja Jónsdóttir
Formaður IBBY á Íslandi
Myndhöfundur: Anna C. LeplarMyndhöfundur: Brian Pilkington
Allir elska að lesa