Börn og menning - 2024, Qupperneq 48

46
b&m
Tilvistarkreppa undir
biðukollunni
við mannfólkið óttumst, óháð aldri. Ótti er raun-
veruleg tilfinning, líka þótt við vitum að hann sé í
raun ástæðulaus. Lokasíða bókarinnar sem og titill
hennar undirstrika þó vellíðan Pómelós undir biðu-
kollunni fremur en vanlíðan: sé ekkert sérstakt að
valda honum hugarangri er staðurinn undir biðu-
kollunni hans besta skjól. (Fullorðinn lesandi kann
að velta fyrir sér einæru eðli biðukollunnar og hvað
Pómeló muni gera þegar tími hennar verði liðinn,
en í heimi þar sem pínulitlir fílar búa undir biðu-
kollum er heldur ekkert víst að náttúran lúti þeim
lögmálum sem við erum vön.)
Blómleg útgáfa Kvists
Bókaútgáfan Kvistur, sem gefur út bókina um
Pómeló, hefur sett mark sitt á íslenska bóka-
flóru undan farin misseri með fjölbreyttu úrvali
af þýddum barnabókum. Vorið 2023 hreppti bók
frá Kvisti, Einu sinni var mörgæs eftir Mögdu Brol,
barnabókaverðlaun Reykjavíkur fyrir bestu þýddu
barnabókina og geta áhugasöm lesið umfjöllun
Magneu Matthías dóttur um þá bók annars staðar í
þessu tölublaði.
Eitt af því sem veldur Pómeló hugarangri er raninn
á honum. Honum finnst raninn alltof langur, alla-
vega í vissum aðstæðum – en stundum má líka gera
ýmislegt sniðugt með honum. Þannig er sýnt með
einföldum hætti hvernig einn og sami eiginleikinn
getur fært okkur ýmist gleði eða depurð, veikleika
eða styrkleika, eða hvort tveggja í bland. Eins og
Pómeló undir biðukollunni geta börn líka átt sér
örugga staði sem stundum verða óöruggir. Þannig
getur rúm til dæmis verið griðastaður þegar barninu
líður vel og það er öruggt með sig, en sama rúm
getur orðið uppspretta óöryggis og ótta ef barnið
verður myrkfælið eða kvíðið.
Pómeló óttast stundum að einhver steli staðnum
hans undir biðukollunni, líkt og barn getur óttast
að lítið systkini velti því úr sessi innan fjölskyld-
unnar. Stundum óttast hann líka að biðukollan
hreinlega hverfi, eða að raninn á honum hverfi –
að hans helsta líkamlega sérkenni hafi í raun verið
ímyndun. Þannig eru óttaefnin misjafnlega rök-
rétt og sennileg, en það má líka segja um margt sem
Pómeló © Benjamin Chaud