Börn og menning - 2024, Page 53

51
b&m
Auk þess gefur stofnunin út ýmiss konar bæklinga
og skrár yfir mismunandi efni, s.s. skrá yfir nýút-
komnar bækur, bækur um ákveðin áhugaverð við-
fangsefni og svo framvegis.
Verslun
Í stofnuninni er lítil verslun þar sem hægt er að
kaupa efni til lestrarhvatningar, póstkort, myndir og
ýmiss konar leikföng og efni sem hvatt getur börn
til lesturs, svo og efni sem tengist bókum og lestri.
Finnska barnabókasafnið er ekki gamalt. Það kom
þannig til að árið 1971 ákvað Tampere-borg að
kaupa 8000 barnabækur af Raija-Leena Tikkanen,
barnabókaverði í Kuopio, og setja á fót barna-
menningarstofnun. Síðan þá hefur stofnunin vaxið
og eflst og einkum er það samvinna, þjónusta og
hugmyndaauðgi starfsfólksins sem gerir hana að
algerum gimsteini og fyrirmynd annarra sem vilja
koma upp sambærilegum söfnum í sínum heima-
löndum. Alls staðar skiptir lestrarkunnátta og les-
skilningur máli og safn af þessu tagi getur verið einn
múrsteinn í þann mikla vegg sem hvert samfélag
þarf að byggja upp fyrir sína borgara.
Á vefsíðu safnsins má fá gott yfirlit yfir þá fjölbreyttu
starfsemi sem stofnunin sinnir. Ég hvet öll sem hafa
áhuga á þjónustu bókasafna til að efla barnamenn-
ingu og áhuga barna á lestri til að kíkja á heimasíð-
una: www.lastenkirjainstituutti.fi. Þar opnast heill
heimur hugmynda og verkefna sem gaman væri að
koma í framkvæmd hér á landi.
Höfundur er prófessor emerita í upplýsingafræði
og fyrsti formaður IBBY á Íslandi.

Ljúfasti
bóka-
klúbbur
landsins?
bokhildur.is