Börn og menning - 2024, Síða 54

52
b&m
lífskrydd
HÁSKALEGT
Dýr hafa löngum vakið forvitni, gleði og skelfingu
barna. Allt frá smæstu skordýrum til stærstu gram-
eðla og risaeðla. Skrímslavinafélagið, barnabók Tóm-
asar Zoëga og Sólrúnar Ylfu Ingimarsdóttur, fjallar
um börn sem verða hugfangin af hinu smáa lífi allt í
kringum sig. Ein tegund lífveranna sem þau heillast
af getur þó orðið að risastóru vandamáli.
SKRÍMSLAVINAFÉLAGIÐ
Texti: Tómas Zoëga
Myndir: Sólrún Ylfa Ingimarsdóttir
Útgefandi: JPV útgáfa 2023
Óhefðbundið gildismat kryddar lífið
Eitt af því sem einkennir bókina er sjónarhorn
barnanna – sem beinist að smáum lífverum og því
sem þykir jafnan ómerkilegt eða ógeðslegt.
Pétur og Stefanía una sér vel í leik við Skítalækinn
svokallaða. Skítalækurinn heitir svo vegna sögu-
sagna um að öllu sem sturtað sé niður í skólanum
renni í lækinn. Tekið er fram að þrátt fyrir það sé
lækurinn fallegur og „fullur af alls kyns áhugaverðu
dóti“. (5–6) Um er að ræða rusl sem grotnar niður
í læknum, hornsíli og sílamáfa sem dýfa sér og éta
sílin með bestu lyst. Semsagt engir gullfiskar, dádýr
og einhyrningar. Hér kemur strax vísbending um
það óhefðbundna gildismat sem birtist hér og þar
í bókinni.
Elín Edda Þorsteinsdóttir BÓKARÝNI