Börn og menning - 2024, Qupperneq 59

57
b&m
BÓKARÝNI
Myndirnar eru ekki aðeins til að styðja við
textann heldur taka þær söguna yfir á köflum.
VeikindaDagur er því blanda af skáldsögu og
myndasögu. 
Dagur er einn heima því foreldrar hans eru í
útlöndum, hann gleymdi að taka ADHD-lyfin
sín og er orðinn eitthvað slappur. Einkennin
virðast í fyrstu vera hefðbundin unglingaveiki,
þreyta og svengd, en svo versna þau. Dagur
dettur reglulega út og finnur fyrir undarlegu
hungri. Höfundur laumar inn bráðfyndnum
vísunum í dönskumælandi zombía í sögu-
byrjun og kannist lesendur við kenndir upp-
vakninga er þá farið að gruna hvað er á seyði.
Spennan felst í því hvort og hvenær Dagur
lætur undan hungrinu. Þegar það gerist tekur
myndlýsing Sigmundar yfir með þriggja síðna
myndasögu sem sýnir Dag gæða sér á bekkjar-
bróður sínum. Dagur vaknar daginn eftir,
endur nærður, sjálfsöruggur og kraftmeiri en
áður. Lesendur vita hvað hefur gerst en Dagur
gerir sér ekki fyllilega grein fyrir því.
Togstreita milli unglings og
uppvaknings
Zombí sem fyrirbæri hefur þróast töluvert frá upp-
runalegu haítísku útgáfunni þar sem særingamenn
vöktu hina dauðu aftur til lífsins með vúdúgaldri, í
því skyni að stjórna þeim. Á seinni hluta 20. aldar
breyttist uppvakningurinn, fór að þyrsta í heila
hinna lifandi og sýkti fórnarlömb sín. 
Bergrún setur sinn eigin snúning á zombíinn svo
að minnir á þorsta vampírunnar og umbreytingu
Jekyll læknis yfir í herra Hyde. Dagur er ólíkur heila-
lausum uppvakningum að því leyti að hjá honum
fer fram mikil innri barátta milli saklausa unglings-
ins og morðóða svanga zombísins. Þessi togstreita
gefur sögunni kómíska vídd þar sem Dagur gómar
sjálfan sig við að þrá að éta mann og annan.
Svo rak ég allt í einu augun í þrútna æð á
hrukkóttum hálsinum. Eftir því sem hún
varð æstari stækkaði blá æðin og varð enn
girnilegri ... nei, ég meina greinilegri (14).
Zombíveikin veldur því sömuleiðis að heilsu Dags
hrakar ef hann étur ekki mannakjöt. Þegar zombí-
Dagur tekur yfir hverfur hinn mennski Dagur og
kemur ekki aftur til meðvitundar fyrr en zombí-
inn hefur nærst. Aftarlega í sögunni kemur svo