Börn og menning - 2024, Page 61

59
b&m
í ljós að Dagur er ekki með ADHD heldur þjáist
hann af arfgengri zombíveiki sem þarf að bæla með
lyfjum. Zombíveikin er hér fyrst og fremst notuð
sem tæki til að ýta sögunni áfram og virkar vel sem
slík. Slagkraftur hryllingsins eykst hins vegar þegar
Bergrún kafar dýpra í zombí-sjúkdóminn, þegar
Dagur veltir fyrir sér mennsku sinni eða grætur yfir
því að vera orðinn að skrímsli.
Ást sem nær út yfir gröf og dauða
Höfundur blandar ekki aðeins saman fleiri en einum
frásagnarmáta heldur einnig bókmenntagreinum og
er verkið í senn zombí-hrollvekja og ástarsaga. Eftir
að Dagur hefur étið fyrsta fórnarlamb sitt hefst róm-
ans milli hans og Ylfu, bekkjarsystur sem hann er
hrifinn af. 
Rómantík og uppvakningar kunna að hljóma eins
og fyrirbæri sem ganga ekki upp saman. Engu að
síður hefur zombí-rómans notið mikilla vinsælda á
undanförnum árum. Þar má nefna metsölubókina
Warm Bodies (2010) eftir Isaac Marion, sem varð
síðar að samnefndri kvikmynd. Það felur þó í sér
að zombíarnir séu, líkt og hér, með einhverja með-
vitund en ekki bara heilalaus skrímsli.
Bergrún tvinnar unglingaástinni saman við hungrið
sem sækir á Dag. Þræðirnir fléttast saman í kostu-
legri uppákomu þegar turtildúfurnar fara saman í
bíó. Dagur fer út úr bíósalnum til að ná í popp en
endar á að myrða massaðan bíóstarfsmann. Eins
og fyrr er því lýst með myndasögu en myndræn
lýsing á zombí-árásum bókarinnar er snjöll. Við-
bjóðurinn nýtur sín þannig á sem grafískastan hátt
en textalýsingar á slíkum atvikum gætu orðið lang-
dregnar og endurtekningasamar. Sigmundur hefur
feiknargóða stjórn á forminu og þótt myndasög-
urnar fái lítið pláss eru þær fullar af hreyfingu,
húmor og hryllingi.
Raunveruleikinn bankar upp á þegar Dagur er
yfir heyrður af lögreglunni. Nýbúinn að næra sig
er Dagur svo sjálfsöruggur að hann á auðvelt með
að ljúga sig út úr klandri. Á sama tíma er zombí-
eðli Dags að taka yfir, hann er kaldrifjaðri en áður
og enn uppteknari af mannáti. Meinhæðin innri
röddin er sprenghlægileg eins og heyrist þegar hann
er spurður út í „félaga sinn“, Breka:
Félagar. Ég þurfti að passa mig að skella ekki
upp úr. Breki var sko enginn félagi minn,
hvorki lifandi né dauður. Hann var hins
vegar fínasta máltíð, þar til ég ældi honum
upp (55).
Ekkert er hryllilegra en unglingur
VeikindaDagur er unglingahrollvekja fyrir börn frá
miðstigi upp í tíunda bekk en hryllingsaðdáendur
á öllum aldri ættu að geta haft gaman af henni.
Bergrún, sem hingað til hefur aðallega skrifað bækur
fyrir yngri börn, skapar sannfærandi unglinga og
unglingamál (sem mörgum hefur mistekist). 
Hryllingur bókarinnar er gróteskur og yfirgengi-
legur en er jafnaður út með húmor. Sagan nær
mestu flugi í umbreytingarsenum og persónulegri
samtölum milli karaktera en dettur aðeins niður
þegar leysa þarf úr þráðum sögunnar í seinni hluta
bókarinnar. Aftur á móti nær Bergrún að snúa vel á
lesendur í lokin og það verður forvitnilegt að fylgjast
með því hvort framhaldsbók lítur dagsins ljós – með
tvöfalt fleiri afturgöngum.
Höfundur er rithöfundur og blaðamaður.
Ljósmynd af greinarhöfundi: Svanhildur Gréta