Skógræktarritið - 15.10.2010, Blaðsíða 20

19SKÓGRÆKTARRITIÐ 2010
Álmurinn er talinn gróðursettur árið 1945. Húsið
sem stendur við Heiðarveg 35 er byggt af Ólafi Á.
Kristjánssyni og mun það hafa verið kona hans,
Marý Friðriksdóttir, sem gróðursetti tréð.
Tréð var formlega útnefnt við athöfn þann 10.
september. Við athöfnina lék Lúðrasveit Vest-
mannaeyja nokkur lög og síðan tók Margrét Lilja
Magnúsdóttir, varaformaður Skógræktarfélags
Vestmannaeyja, við. Sagði hún að það gæfi starfinu
í Eyjum byr undir báða vængi að slík viðurkenning
væri veitt í Eyjum. Magnús Gunnarsson, formaður
Skógræktarfélags Íslands, flutti stutt ávarp og veitti
síðan eigendunum á Heiðarvegi 35 viðurkenningu
af þessu tilefni, þeim Huldu Pétursdóttir og Sigurði
Franz Þráinssyni. Þá flutti Páley Borgþórsdóttir,
fulltrúi Vestmannaeyjabæjar, kveðju og sagðist
fagna slíku framtaki og það væri mikil hvatning og
fyrirmynd fyrir bæjarbúa að sjá að athygli væri beint
að ræktunarstarfi í Eyjum. Væri hún þess fullviss að
bæjarbúar héldu áfram að fegra og bæta bæinn.
Tréð var síðan mælt hátt og lágt og reyndist vera
6,5 m að hæð. Meginstofnar voru sex og var þver-
mál og ummál þess stærsta mælt og var hann 17,5
cm í þvermál og 22,2 cm í ummál. Félagar úr lúðra-
sveitinni léku svo síðustu tóna þessarar athafnar.
Sigurður Franz Þráinsson, Hulda Pétursdóttir og fjöl-
skylda, eigendur Heiðarvegar 35.
Páley Borgþórsdóttir, fulltrúi Vestmannaeyjabæjar, flytur ávarp.