Skógræktarritið - 15.10.2010, Blaðsíða 18

17SKÓGRÆKTARRITIÐ 2010
ÓÐUR UM TRÉ OG SKÓGA
VI
Áfram stíginn
áfram skógarstíginn
Skógardísir og gyðjur
skógarpúkar og ilmur
og skógarþrestir
allir saman nú
áfram skógarstíginn
inn að lindinni
innst inni
Skógarhugsun
vígir ósamstæð atriði
í eina merkingarheild
heilagri vígslu
Brotabrot úr bergi
brot úr þjóð brot úr ljóði
úr hugarheimi
raðast saman í merkingu
mósaíkmynd
Skógarhugsun
segulmagn sem dregur
dregur mig að sér
dregur þig að sér
dregur okkur að okkur
að skóginum í sjálfum okkur
hinu heilaga ólýsanlega
ósnertanlega svæði
innra með okkur
ÓÐUR UM TRÉ OG SKÓGA
V
Stofn sem sprettur af rót
ber greinar og lauf
veitir skjól
Kennir
allt sem manneskjan
þarf að læra getur ekki lært
nema hjá trjám og skógi
Ólífutréð mætti kalla
skólameistara skógarakademíunnar
Ólífutréð er rólegast allra trjáa
tekur sér hálfa öld
að bera ávöxt fyrsta sinni
en þegar það er á annað borð byrjað
þá býr það til tugi kílóa af ólívum
á hverju ári
og sá sem á ólífutré
getur sett það í erfðaskrána
því olífutréð er að störfum
öldum saman
Kennir okkur að vöxtur tekur tíma
vextir taka tíma