Skógræktarritið - 15.05.2011, Side 29

27SKÓGRÆKTARRITIÐ 2011
fjallinu, snjóskrið, kal og snjóalög gerðu erfitt að
viðhalda girðingum svo sauðfé hafði allgóðan að-
gang að landinu. Fyrir vikið missti fólk trú á því að
þarna mætti rækta tré og kannski hvergi í Siglufirði
– reynslan hefði jú sýnt það og sannað. Í þetta svæði
var þó gróðursett á árunum 1946–52, einkum sitka-
greni en lítið eitt af rauðgreni og furu, auk þess sem
reynt var að sá birkifræi í sérstakan gróðurreit.
Umskipti verða
Árið 1948 tók ný stjórn, undir forystu Jóhanns Þor-
valdssonar, að leita fyrir sér með nýtt ræktunarland.
Leitað var til Sigurðar Jónssonar, skógarvarðar í
Varmahlíð. Landið sem leitað var að þurfti að vera
allstórt, hafa stækkunarmöguleika og henta vel sem
útivistarsvæði, sem því var einnig ætlað að vera.
Sigurður taldi Skarðdalsland uppfylla þau skilyrði
– þar væri jarðvegur hentugur til trjáræktar, svæðið
vel stórt og kjörið til útivistar vegna legu sinnar og
landsháttar. Árið 1950 fékk Skógræktarfélagið svo
suðurhlutann af Skarðdalslandinu hjá Siglufjarð-
arbæ, um 5,5 ha svæði og var landið girt á árunum
1950 –51. Það var ljóst frá upphafi að viðhald girð-
inga yrði mikið og á vissum stöðum þyrfti árvissa
endurnýjun vegna sligaðra girðinga og brotinna
staura. Við því var ekkert að gera – það skiptust á
góðir og slæmir vetur eins og áður – en landkostir
til ræktunar voru allt aðrir og betri á mestum hluta
þessa nýja svæðis. Nokkur afföll urðu þó á vissum
svæðum vegna snjóalaga og snjóskriðs, einkum í
skjólgóðum brekkum móti suðri og sól, enda var
hætt að planta í þær eftir fyrstu árin. Vel gekk með
aðra ræktun. Skógræktarfélagið gerði samning við
átthagafélög Skagfirðinga og Þingeyinga í Siglufirði
um að taka þátt í gróðursetningu á hluta svæðis og
taka þátt í kostnaði við girðingar í hlutfalli við um-
fang þess svæðis.
Næstu þrjá áratugina (1950 –80) voru gróðursettar
á þessu svæði rúmlega hundrað þúsund plöntur.
Mest var sett niður af sitkagreni, um fimmtíu þúsund
plöntur, en því næst voru blágreni (14.000 plöntur),
birki (10.000 plöntur) og rauðgreni (10.000 plöntur).
Skarðdalur. Siglfirsku „Alparnir“ í baksýn, skíðasvæði Siglfirðinga. Mynd: Einar Gunnarsson
Séð inn Hólsdal. Mynd: Einar Gunnarsson