Skógræktarritið - 15.05.2011, Side 43

41SKÓGRÆKTARRITIÐ 2011
Laugardagur 4. september
Veður var ágætt þennan morgun. Við pökkuðum
saman því ekki átti að gista aðra nótt í Giljanesi. Ég
flýtti mér að pakka þar sem ég sá út um gluggann að
búið var að ræsa rútuna og opna farangursrýmið.
Skipt hafði verið yfir í minni rútu daginn áður eftir
að stærsti hluti hópsins fór heim. Ég hafði þó tíma
að fá mér smá árbít með hinum. Svo þegar við förum
út er rútan horfin! Bílstjórinn kemur og virðist einnig
undrandi á þessu. Hann fer að svipast um ásamt fé-
laga sínum og þá kemur í ljós að rútan hefur runnið
af stað mannlaus niður stæðið við farfuglaheimilið
yfir veginn fyrir neðan og tekið með sér grjóthnull-
ung við brúnina og steypst niður brekku og hafnað
á klettum niðri í fjöru. Hún var öll skökk og rúður
brotnar en ennþá í gangi. Eins og gefur að skilja varð
uppi nokkur fótur og fit. Dró nú að fólk og eftir all
nokkra stund birtist lögreglan. Loks var afráðið að
haldið skyldi af stað á þeirri stóru sem notuð hafði
verið allan fyrri hluta ferðarinnar. Sú litla var klár-
lega ónýt eftir þessa uppákomu!
Nú var haldið til Gásadals sem einnig er á eynni
Vágar. Gásadalur var lengi vel ein einangraðasta
byggð Færeyja. Nokkur hús eru í Gásadal en þar búa
fáir. Árið 2006 voru opnuð jarðgöng til Gásadals en
áður þurfti að ganga stíg sem liggur upp bratta fjalls-
hlíð og nær upp í 400 m h.y.s. til að komast í kaup-
stað. Ekkert almennilegt bátalægi er við ströndina
en þar létu Bretar þó gera ógnar langar tröppur á
hernámsárunum í kringum 1940 úr fjörunni og upp
en Gásadalur stendur talsvert hátt ofan við yfirborð
sjávar og síðan eru björg í sjó fram. Á leiðinni til
baka frá Gásadal var komið við í Bøur. Þar var verið
að setja upp útimarkað þegar okkur bar að garði.
Sumir í hópnum gerðu þarna reyfarakaup!
Næst var stefnan tekin til Streymeyjar með við-
komu í kirkjunni í Sandvági þar sem gefur að líta
rúnasteina o.fl. Næst var komið til bæjarins Kví-
víkur á Streymey en þar má sjá minjar um byggðir
víkinga. Næst var stefnan tekin á Saksun með við-
komu í kirkjunni í Hvalvík sem er frá árinu 1829.
Í Saksun er bóndabýlið Dúvugarður sem er frá því
fyrir 17. öld. Það er að hluta til byggðasafn í dag sem
fróðlegt var að skoða.
Síðan var haldið yfir á Eysturey og haldið til Gjógv
þar sem gist var á Gjáargarði. Byggðin dregur nafn
Tjörnuvík. Þar búa um 70 manns. Mynd: ÁÞ