Skógræktarritið - 15.05.2011, Side 34

SKÓGRÆKTARRITIÐ 201132
Skógarfurur í Skotlandi
Loch Claire í Torridon. Snjókrýndur tindur Liathach fyrir miðju.
Höfundur Daníel Bergmann
Í janúar 2011 fór ég til Skotlands í ljósmyndaferð.
Ætlunin var að mynda skoska veturinn sem getur
verið snjóþungur og fallegur í norðurhluta landsins.
Í desember hafði allt verið á kafi í snjó og erfitt að
komast um, því fáförnum vegum er ekki haldið opið
ef þeir lokast vegna snjóþyngsla. En í janúar, þegar
ég lenti í Glasgow, var allur snjór farinn og hlýindi
tekin við. Það var farið að vora um miðjan vetur í
skosku hálöndunum.
Hlýindin komu svosem ekki á óvart því hvað lofts-
lag varðar getur hvað sem er gerst hvenær sem er í
Skotlandi, ekki ólíkt og á Íslandi. En það er einmitt
ástæða þess að Skotland er einn uppáhaldsstaður
margra ljósmyndara því veðrabrigðin mynda einstök
birtuskilyrði.
Í þessari heimsókn fór ég aðallega um tvö svæði,
fyrst í Torridon og síðar í Glencoe. Bæði svæðin eru
þekkt fyrir fjalllendi og þar er að finna mestu víðerni
Skotlands. Einkennistré þessara svæða, sem og Skot-
lands alls, er skógarfuran (Pinus sylvestris). Hún var
áður útbreidd í landinu en sökum eyðingar skóga af
völdum manna og veðurfars er nú aðeins um 1%
eftir af náttúrulegum furuskógum Skotlands.
Eins og meðfylgjandi ljósmyndir sýna er skógar-
fura afar myndarlegt tré og glæsileg í sínu náttúrlega
umhverfi þar sem vötn og vígalegir fjallstindar eru
sérkenni landslagsins ásamt furunni sígrænu, þar
sem hennar nýtur enn. Skógarfura er nú töluvert
notuð í skógrækt í Skotlandi í því skyni að endur-
heimta horfna náttúruskóga.