Skógræktarritið - 15.05.2011, Side 41

39SKÓGRÆKTARRITIÐ 2011
skuldaða athygli, jafnvel út fyrir landsteinana. Garð-
ar voru skoðaðir í plássinu og fallegur trjálundur við
kirkjuna. Kvöddum við nú okkar stórgóða farar-
stjóra hann Trónd og tók Ólavur Poulsen rútubíl-
stjóri með meiru við farastjórninni ásamt Kristjáni
M. Baldurssyni.
Ólavur og kona hans bjóða upp á bátsferðir um
Sørvágsvatn sem er stærsta stöðuvatn Færeyja. Það
þótti því upplagt að fara í siglingu enda veður gott.
Báturinn var all sérstakur en Ólavur hafði sett hann
saman úr pramma, garðskála og hjólhýsi. Siglt var
eftir vatninu endilöngu og stigið á land við suður-
enda þess. Þar gafst færi á að sjá Bøsdalafoss sem
rennur úr vatninu fram af bjargbrún og í sjó fram.
Síðan var siglt til baka í átt að Vatnsoyrum. Um
nóttina var gist á farfuglaheimilinu Giljanesi miðja
vegu milli Miðvágurs og Sandvágurs.
Í þorpinu Gjógv sem er nyrst á Eysturoy er gömlu húsunum mjög vel við haldið. Mynd: ÁÞ
Íslandsvinurinn Martin Juul og James ræða saman á
byggðasafninu Blásastofu í Götu. Mynd: ÁÞ
Hópurinn heima hjá Martin Juul Jarnskor í Götu.
Mynd: Húsmóðirin á bænum