Skógræktarritið - 15.05.2020, Blaðsíða 66

SKÓGRÆKTARRITIÐ 202064
Þernurnar halda síðan glaðar áfram
verkum sínum í sínu kvennahúsi að safna
vetrarforða og undirbúa vetrardvalann.
Þegar kuldinn fer að hamla þeim um flug
á haustin þá hnipra þær sig þétt saman
utan um drottninguna sína og leggjast í
hálfgerðan dvala. Þær láta samt vængina
þernurnar myndu ekki annast þá, þrífa og
gefa þeim að éta. Þegar ný drottning klekst
út þá fer hún í svokallað mökunarflug,
flýgur út í góða veðrið en hún er frekar
vandlát, vill helst 20°c, logn og sól. Hún
hittir eins marga drunta og hún getur og
þeir heppnu fá á broddinn en láta lífið
við mökun en vonandi í sæluvímu. Þegar
daman hefur fengið nóg fer hún inn í höll
sína og lifir þar sæl með sínum þegnum full
af sæði frá góðum druntum.
Í byrjun ágúst fara býflugurnar að huga
að vetrinum og safna vetrarforða og þá
er druntunum ofaukið. Þernurnar skella
bókstaflega í lás einn daginn og druntarnir
sem fóru glaðir á kvennafar um morguninn
koma þá heim að læstum dyrum um kvöldið
og þar er engin miskunn. Þegar þeir reyna
að troða sér inn fyrir vegg varnarþernanna
þá er ráðist á þá og vængirnir jafnvel bitnir
af þeim ef þeir gefa sig ekki. Þeir lifa ekki
nóttina af fyrir utan býflugnabúin, kaldir,
hraktir og skilja ekkert í systrum sínum sem
hafa það notalegt í hlýjunni.
Fullt bú af flugum.
Hunang í ramma.