Skógræktarritið - 15.05.2020, Qupperneq 87

SKÓGRÆKTARRITIÐ 2020 85
Þriðjudagur 1. október
Dagurinn byrjaði á heimsókn hluta hópsins
í Neustift-klaustrið í nágrenni Brixen,
þar sem boðið var upp á leiðsögn um
klaustrið. Það var upphaflega stofnað á
12. öld og er ekki munkaklaustur, heldur
klaustur kanúka/kórbræðra. Á fyrri öldum
var mikil handritavinnsla í klaustrinu,
en með tilkomu prentvéla var skriftaher-
berginu breytt í bókasafn, þar sem nú eru
um 20.000 rit, sum hver fágæt. Til að
vernda bækurnar er takmörkuð lýsing í
bókasafninu og þekur gróður stóran hluta
glugga bókasafnsins, sem hjálpar til við
að halda úti ljósi, en þekjugróðurinn hafði
einmitt vakið athygli hópsins áður en inn
var haldið. Frá bókasafninu var haldið til
kirkju klaustursins, sem er að grunni til
frá 12. öld, en var tekin rækilega í gegn
á átjándu öldinni og er nú í síð-barokk
stíl. Eftir geistlega hressingu í kirkjunni
var svo komið að líkamlegri hressingu í
vínsmökkun, en klaustrið framleiðir um
900.000 flöskur af víni á hverju ári, af um
Gönguferðin endaði í Zanser Alm selinu
þar sem boðið var upp á hefðbundinn
hádegismat – pylsur, ost, knödel
(soðbollur) og að sjálfsögðu pasta.
Eftir matinn var skógarfólkið kvatt,
haldið aftur upp í rútu og ekið til bæjarins
St. Ulrich (Ortisei upp á ítölsku), sem
fyrir okkur Íslendinga er einna þekktastur
fyrir að vera fæðingarbær Sigurðar
Demetz Franzsonar, óperusöngvara og
söngkennara. Fyrir aðrar þjóðir er bærinn
þekktur fyrir viðarhandverk, sérstak-
lega útskurði. Þarna var ferðalöngunum
gefinn frjáls taumur – hluti hópsins fylgdi
fararstjórum að byggðasafni bæjarins
á meðan hluti skoðaði bæinn á eigin
vegum. St. Ulrich hefur verið vinsæll
ferðamannabær frá 19. öldinni og í honum
er mikið af fallegum byggingum, búðum og
öðru því sem ferðamannastöðum tilheyrir,
auk þess sem hægt er að taka togbraut úr
bænum upp á fjall og njóta þaðan stórkost-
legs útsýnis til Dólómíta-fjallanna. Frá St.
Ulrich var svo haldið aftur til Brixen.
Í klausturgarði í Neustift klaustrinu í nágrenni Brixen. Byggingin vinstra megin á myndinni, með fléttunni utan á, er
bókasafnið, en eins og sjá má þekur gróður gluggana og hjálpar það til við að halda birtu frá viðkvæmum bókum og
handritum í safninu, auk þess sem það setur skemmtilegan svip á bygginguna. Mynd: RF