Skógræktarritið - 15.05.2020, Page 90

SKÓGRÆKTARRITIÐ 202088
Í þessari grein verða skógartölum 2018
gerð skil. Árið fór vel af stað en veturinn
var mildur í flestum landshlutum en
gæðum sumarsins var misjafnlega skipt
milli landshluta. Á Suður- og Vesturlandi
var frekar kalt og mikil væta en hlýrra og
minni úrkoma í öðrum landshlutum.
Þar sem úrkoma var mikil kom það niður
á gróðursetningum og kom það fyrir hjá
nokkrum skógræktarfélögum að plöntur
voru geymdar til næsta árs og verður þá
væntanlega gerð grein fyrir gróðursetningu
þeirra í grein um Skógræktarárið 2019.
Aðeins um söguna
á bakvið skógartölur
Árið 1993 birtist samantekt um afhendingu
og framleiðslu skógarplantna auk upplýs-
inga um gróðursetningu plantna og var
hér lagður grunnurinn að núverandi kerfi,
þó um árabil hefðu ýmsar tengdar upplýs-
ingar verið birtar í Ársriti Skógræktarfélags
Íslands.i
Frá 1993 hafa grunnupplýsingar eins
og um skógarplöntur og gróðursetningar
haldist að mestu, en fleiru hefur verið bætt
við og formið breyst. Árið 2009 var í fyrsta
skipti gefið upp flatarmál gróðursetninga
og þá fyrir skógræktarárið 2008.ii
Skógræktarárið 2018
Gróðursettar plöntur
Ánægjulegt var að sjá að árið 2018 varð
örlítil aukning gróðursetninga sem gert er
skil í ritinu eða 3.101.751 plöntur sem er um
50 þúsund meira en árið áður. Það verður
þó að segjast að betur hefði mátt ganga
hjá skógræktarfélögunum með gróðursetn-
ingar. Eins og áður er komið fram gekk
illa að gróðursetja vegna úrkomu, eitthvað
af plöntum komu auk þess seint og voru
ekki gróðursettar þess vegna og í kjölfarið
urðu mikil afföll við geymslu. Vegna þess
hve mikill munur reyndist oftlega á fjölda
þeirra landgræðsluskógarplantna sem
skógræktarfélög höfðu átt að fá samkvæmt
afhendingargögnum og gróðursetningum sem
gerð var grein fyrir í skýrslum, voru einungis
tekin saman gögn þar sem upplýsingar lágu
fyrir um gróðursetningar en fjöldi afhentra
planta ekki notaður í samantekt. Þetta skýrir
umtalsverðan mun hjá Landgræðsluskógum
á skráðum fjölda afhentra plantna (467.990)
og fjölda gróðursettra plantna (391.813).
Flatarmál gróðursetninga
Þéttleiki gróðursetninga í skógrækt á lög-
býlum er 2936 plöntur en þær tölur byggja
á gæðaúttektum sem framkvæmdar eru á
hverri jörð þar sem m.a. þéttleiki gróður-
Flatarmál gróðursetninga í landinu árið 2018
Fjöldi hektara
Skógræktin
þjóðskógar
Skógræktar-
félög
Landgræðslu-
skógar
Skógræktin
nytjaskógrækt á
lögbýlum
Landgræðslan Hekluskógar ALLS
Nýgróðursetning raunmæld (með gps eða Avenza-appi) 44 5 459 20 528
Nýgróðursetning áætluð 85 25 114 196 54 222 696
Endurgróðursetning 2 16 0 18
Alls 85 71 135 655 73 222