Skógræktarritið - 15.05.2020, Page 106

SKÓGRÆKTARRITIÐ 2020104
minningasíðunni verður mynd af hinum látna
og allar þær minningargreinar sem skrifaðar
voru um viðkomandi. Í dag er erfitt að finna
gamlar minningargreinar en þarna verða þær
varðveittar á aðgengilegan hátt.
Tvenns konar skilaboðamöguleikar
verða á minningasíðunni. Annars vegar
verður hægt að skrifa skilaboð sem birtast
á minningasíðunni og allir sem hana
heimsækja sjá og hins vegar verður hægt að
skrifa skilaboð sem eingöngu sá sem þau
ritar hefur aðgang að. Nauðsynlegt verður
að skrá sig inn í kerfið til þess að geta
skrifað opinber eða persónuleg skilaboð til
þess að losna við amafærslur.
Persónulegu skilaboðin eru hugsuð sem
vettvangur fyrir nánustu aðstandendur
til að fá útrás fyrir sorgartjáningu sína
þegar ástvinur er fallinn frá. Þetta er í raun
dagbók þar sem fólk getur skrifað niður
minningar, líðan sína, tjáð saknaðarorð
og fengið útrás fyrir öllum þeim skala
tilfinninga sem hellast yfir okkur við missi
og enginn annar hefur aðgang að. Í raun er
hægt að hugsa þetta þannig að við séum að
skrifa skilaboð til hins látna.
Opinberu skilaboðin eru til þess að veita
samstöðu í sorginni og til þess að halda
minningu hins látna á lofti. Gamlir skóla-
félagar, vinnufélagar, kunningjar, vinir og
fjölskylda geta þannig skrifað skilaboð til
að minnast hins látna við ólík tækifæri,
hvort sem er á útskriftardögum, afmælisdegi
hins látna eða ef hinn látni hefur heimsótt
einhvern í draumi. Þegar fráfall hefur
orðið finnst fólki oft að minning hins látna
gleymist að einhverjum tíma liðnum en
við viljum gefa fólki vettvang til að halda
minningunni lifandi og gefa aðstandendum
fullvissu um að minning hins látna lifi hjá
mörgum þó að tíminn líði.
Persónulegur gagnagrunnur
– áður en ég fer
Minningasíðan, bálstofan og minninga-
garðarnir eru allt atriði sem varða
aðstandendur, sorgarúrvinnslu og það
sem tekur við eftir andlát. Þar sem að
valfrelsi er eitt af grunngildum Trés lífsins
töldum við mikilvægt að boðið yrði upp á
öruggan stað til þess að skrá niður hinstu
óskir fólks áður en að andláti kemur
til þess að tryggja að vilji þeirra yrði
virtur. Þannig hófst þróun persónulega
gagnagrunnsins okkar.
Persónulegi gagnagrunnurinn er þitt
heimasvæði hjá Tré lífsins sem þú skráir
þig inn, greiðir fyrir aðgang og notar svo
til þess að halda utan um atriði sem skipta
þig máli úr lífsgöngu þinni. Þetta svæði er
eins og netbankinn þinn, það hefur enginn
aðgang að þeim gögnum og upplýsingum
sem þú skráir inn nema þú, þangað til eftir
andlát þitt þegar nánustu aðstandendum
eru afhent gögnin.
Í persónulega gagnagrunninn getur
þú skráð niður söguna þína með þínum
eigin orðum svo nánustu aðstandendur
eigi hana eftir að þú ert fallin/n frá. Sögur
og minningabrot frá æskuárum þínum,
sögur af hvernig þú kynntist ástinni þinni,
frá dýrmætum vinskap, af ferðalögum,
frá áskorunum í lífinu, sorgum og sigrum
er ómetanlegt að eiga og varðveita fyrir
afkomendur þína. Með þessum hætti getum
við í raun haldið utan um menningararf
þjóðarinnar og fundið til enn sterkari
tengingar við forfeður okkar og mæður
sem fallin eru frá.
Þú velur þá aðstandendur sem eiga að fá
gögnin afhent að þér látinni/látnum en Tré
lífsins mun ekki afhenda nein gögn fyrr en
eftir andlát þitt og eingöngu þeim aðstand-
endum sem þú hefur skráð í persónulega
gagnagrunninn þinn. Öryggi og gagnavernd
eru okkur mjög mikilvæg og verða tryggð
til hins ítrasta.
Oft standa aðstandendur frammi fyrir
erfiðri ákvarðanatöku þegar andlát ber að
garði, svo sem varðandi skipulag útfarar,
hvort hinn látni vildi jarðsetningu eða
bálför, gróðursetningu eða dreifingu á ösku,
en með því að hinn látni hafi skráð sinn
hinsta vilja í persónulega gagnagrunninn