Morgunblaðið - 15.03.1983, Blaðsíða 2
2
MORGUNBLAÐIÐ, ÞRIÐJUDAGUR 15. MARZ 1983
Kosningaráðstefna sjálfstæðismanna:
„Mikil eindrægni
og baráttuhugur“
MORGIINBLAÐINU barst í gær eftirfarandi fréttatilkynning frá skrifstofu
Sjálfstæöisflokksins:
„Dagana 12. og 13. mars héldu
þingfjokkur Sjálfstæöisflokksins,
miðstjórnarmenn og frambjóðendur
i aðalsætum við næstkomandi al-
þingiskosningar fund í Borgarnesi
um kosningaundirbúning vegna al-
þingiskosninganna. Á fundinn
Vesturland:
Framboðs-
listi Sjálf-
stæðisflokks
Borgarnesi, 14. mars.
Á FUNDI kjördæmisráös Sjálfstæðis-
flokksins í Vesturlandskjördæmi sem
haldinn var í Borgarnesi i gær var sam-
þykkt tillaga kjörnefndar aö fram-
boöslista flokksins í kjördæminu fyrir
næstu alþingiskosningar. Tillagan var
samþykkt samhljóða. Listinn verður
þannig skipaður:
1. Friðjón Þórðarson, dóms- og
kirkjumálaráðherra, Stykkishólmi,
2. Valdimar Indriðason, fram-
kvæmdastjóri, Akranesi, 3. Sturla
Boðvarsson, sveitarstjóri, Stykkis-
hólmi, 4. Davíð Pétursson, bóndi
Grund Skorradal, Borgarfjarðar-
sýslu, 5. Bjarni Helgason, garðyrkju-
bóndi, Laugalandi, Stafholtstungum,
Mýrasýslu, 6. Kristjana Ágústsdótt-
ir, verslunarmaður, Búðardal, 7.
Björn Arason, umboðsmaður, Borg-
arnesi, 8. Guðrún Víkingsdóttir,
hjúkrunarfræðingur, Akranesi, 9.
Kristófer Þorleifsson, héraðslæknir,
Ólafsvík og 10. Ingiberg J. Hannes-
son, sóknarprestur, Hvoli, Saurbæj-
arhreppi, Dalasýslu.
Þrír efstu menn listans hlutu
bindandi kosningu í prófkjöri sem
haldið var í janúar sl. Ingu Jónu
Þórðardóttur framkvæmdastjóra
Sjálfstæðisflokksins, sem hlaut
fjórða sætið í prófkjörinu, var boðið
að skipa það en hún gat ekki tekið
það sæti vegna starfs síns hjá
flokknum.
HBj.
mættu allir núverandi þingmenn
Sjálfstæðisflokksins sem verða í
framboði fyrir flokkinn í næstu al-
þingiskosningum og flestir aðrir
frambjóðendur í aðalsætum.
Geir Hallgrímsson formaður
Sjálfstæðisflokksins setti fundinn
kl. 13.00 á laugardag, en Friðjón
Þórðarson dómsmálaráðherra bauð
fundarmenn velkomna í Vestur-
landskjördæmi.
Á fundinum var fjallað um tvö
meginatriði. Annars vegar skipu-
lagningu kosningabaráttunnar og
hins vegar gerð kosningayfirlýs-
ingar.
Á fundinum fóru fram ítarlegar
umræður um stefnumál flokksins og
kosningastefnuna og í fundarlok var
samhljóða samþykkt kosningayfir-
lýsing sem kynnt verður fljótlega. Á
fundinum ríkti mikil eindrægni og
baráttuhugur."
VÖRUBIFREIÐASTJÓRAR stóöu að mótmælum fyrir utan Alþingishúsið í
gær, til þess að lýsa andstöðu sinni viö frumvarp um veggjald, en það átti aö
vera ein króna fyrir hvert kfló sem bifreið vegur. Þetta frumvarp dagaöi
raunar uppi á Alþingi, en talið er aö sett verði bráðabirgöalög um þetta efni.
Vörubílstjórar höfðu áður staðið að mótmælum vegna veggjaldsins,
og einnig hafði þingflokkur sjálfstæðismanna mótmælt þessu frum-
varpi.
Á meðfylgjandi ljósmynd sem Ólafur K. Magnússon ljósmyndari tók
er Ragnar Arnalds, fjármálaráðherra, á tali við bílstjórana, en hann
tjáði þeim m.a. að hver einasta króna af veggjaldinu myndi renna til
vegamála. Morgunblaðið/Ól.K.M.
Prófkjör Alþýðuflokksins á Vestfjörðum:
Utanaðkomandi þátttaka og
framkvæmd veldur óánægju
SAMKVÆMT heimildum, sem Morg-
unblaðið metur traustar, ríkir mikil
óánægja meðal gamalgróins stuðn-
ingsliðs Alþýðuflokksins á Vestfjörð-
um vegna framkvæmdar og niður-
staðna prófkjörs flokksins í kjördæm-
inu. Óánægjan beinist einkum að
tvennu. I fyrsta lagi mikilli prófkjörs-
þátttöku fólks utan Alþýðuflokksins,
sem hafi kosið af ýmsum ástæðum að
hafa áhrif á röðun listans án þess að
hafa hugsað sér að styðja hann í þing-
kosningum. Prófkjörsþátttaka f Bol-
ungarvík hafi t.d. verið langt umfram
kjörfylgi flokksins í sveitarstjórnar-
kosningum. f annan stað er fram-
kvæmd utankjörstaðakosningar f
Reykjavík umdeild. Talið er að próf-
kjörseðlar hafi verið sendir til einstakl-
inga í pósti og dreift til annarra, sem
ekki komu á kjörstað í borginni, með
þeim hætti, er ekki standist fyllstu
kröfur um framkvæmd.
Tilmæli munu hafa borizt til upp-
stillinganefndar Alþýðuflokksins í
Vestfjarðakjördæmi að kannað verði
hvort tilteknir prófkjörsþátttakend-
ur séu fáanlegir til liðveizlu við
framboð flokksins, t.d. með setu á
væntanlegum framboðslista.
Vestfirðir:
Karvel efstur í próf-
kjöri Alþýðuflokksins
KARVEL Pálmason varð hlutskarpast-
ur í prófkjöri Alþýðuflokksins í
Vestfjarðakjördæmi, hlaut 24 atkvæð-
um fleira en Sighvatur Björgvinsson,
sem skipað hefur efsta sæti lista Al-
þýöuflokksins í kjördæminu við síð-
ustu kosningar.
Karvel hlaut 442 atkvæði í fyrsta
sæti og Sighvatur 418. Sighvatur
hlaut alls 694 atkvæði í 1. og 2. sætið.
og Gunnar R. Pétursson Patreksfirði
alls 866 atkvæði í 1. til 3. sæti.
Alls tóku 937 manns þátt í próf-
kjörinu. Gild atkvæði voru 866 og
ógild 71.
Skiptar skoðanir um ræðu Gunnars í gærkvöldi:
Kveðjuræða til Alþingis
eða Sjálfstæðisflokksins?
— kveðja undir
belti, sagði
Albert Guðmundsson
AÐ LOKINNI ræðu Gunnars Thor-
oddsen, forsætisráðherra, í eldhús-
dagsumræðunum á Alþingi í gær-
kvöldi, voru skiptar skoðanir um það
í þinghúsinu, hvort líta bæri á ræðu
forsætisráðherra sem kveðjuræðu til
Alþingis eða kveðjuræðu til Sjálf-
stæðisflokksins og þar meö fram-
boðsræðu.
Morgunblaðið beindi þeirri
spurningu til ráðherrans í gær-
kvöldi, hvort skilja mætti ræðuna
á þann veg, að hann hygði ekki á
sérstakt framboð í komandi al-
þingiskosningum. Svar forsætis-
ráðherra var svohljóðandi: „Ræða
mín segir ekkert um það.“
Albert Guðmundsson sagði i um-
ræðunum, að kveðja Gunnars
Thoroddsen til Sjálfstæðisflokks-
ins væri „undir belti" og að ræðan
væri „tímaskekkja á því herrans
ári 1983“.
í ræðu sinni kvaðst Gunnar
Thoroddsen hafa starfað í Sjálf-
stæðisflokknum frá stofnun hans.
Frá ungum aldri hef ég unnið að
Albert Guðmundsson
því, að flokkurinn yrði víðsýnn og
frjálslyndur flokkur sem legði
áherzlu á félagslegar þarfir fólks.
Umburðarlyndur flokkur.
Nú í seinni tíð hefur syrt í álinn,
sagði ráðherrann, og blikur dregið
á loft. Um hefur verið að ræða
Gunnar Thoroddsen
nokkurt fráhvarf frá þeim grund-
vallarhugsjónum, sem Sjálfstæðis-
flokkurinn hefur lengst af starfað
eftir. Þröngsýni í stefnumótun hef-
ur rutt sér til rúms og hugmyndir
komið fram um harkalegt flokks-
ræði.
Gunnar Thoroddsen sagði að sér
hrysi hugur við því kæruleysi, sem
einkenndi tal sumra sjálfstæð-
ismanna um atvinnumál og at-
vinnuleysi. Þá væri ekki síður al-
varlegt það hugarfar, sem beindist
frá umburðarlyndi til flokksræðis.
Hvenær hvarflaði það að Ólafi
Thors að reka 5 þingmenn úr
flokknum, sem voru andvígir
myndun nýsköpunarstjórnarinn-
ar? spurði ráðherrann. Gunnar
Thoroddsen sagði, að Sjálfstæðis-
flokkurinn gæti átt sér glæsta
framtíð, ef hann gætti að grund-
vallaratriðum stefnu sinnar.
Vissulega bera prófkjörin vott
um það hvað fólkið vill. Fram hafa
komið ábendingar, aðvaranir,
straumar. Hinir glæsilegu full-
trúar frjálslyndis og víðsýnis,
Friðjón Þórðarson og Pálmi Jóns-
son, unnu glæsilega stórsigra með-
an foringjarnir hafa farið aðra
leið. Það er tími til kominn að
staldra við og taka mið af þessum
straumum. Gunnar Thoroddsen lét
að lokum í ljós von um, að Sjálf-
stæðisflokkurinn mundi fylgja
fram þeirri grundvallarstefnu, sem
hann hefði verið stofnaður til að
fylgja fram.
Vestfiröir:
Sigurlaug
efst í skoð-
anakönnun
SIGURLAUG Bjarnadóttir varð hlut-
skörpust í skoðanakönnun sérfram-
boðs Sjálfstæðismanna á Vestfjörðum,
en niðurstöðurnar eru bindandi í þrjú
efstu sæti á framboðslista sérfram-
boðsins við næstu þingkosningar.
Sigurlaug hlaut 245 atkvæði í 1.
sæti og samtals 373 atkvæði. { öðru
sæti varð Halldór Hermannsson ísa-
firði með 175 atkvæði í 1. og 2. sæti
og 310 atkvæði alls. I þriðja sæti
varð Guðjón Kristjánsson Isafirði
með 200 atkvæði í 1,—3. sæti og
samtals 269.
í fjórða sæti varð Kolbrún Frið-
þjófsdóttir Litluhlíð á Barðaströnd
með 211 atkvæði í 1,—4. sæti og 267
atkvæði samtals. Og í fimmta sæti
varð Jóna Kristjánsdóttir Alviðru í
Dýrafirði með samtals 228 atkvæði í
1.—5. sæti og samtals 250 atkvæði.
Skoðanakönnunin fór fram um
allt Vestfjarðakjördæmi. Alls kusu
427 og tveir seðlar reyndust ógildir. I
dag, þriðjudag, var fyrirhugaður
fundur aðstandenda sérframboðsins
til að ganga frá framboðslista, og að
sögn Hafsteins Vilhjálmssonar á
ísafirði, var við því búist að fimm
efstu menn í skoðanakönnuninni
skipuðu sömu sæti á listanum.
Guðbjörn
Guðmundsson
prentari
látinn
GUÐBJÖRN Guðmundsson prentari
lézt í Landspítalanum í fyrrakvöld, 88
ára að aldri. Með Guðbirni er genginn
sá starfsmaður, sem lcngst hefur unnið
við gerð Morgunblaðsins, og var hann
m.a. við setningu fyrsta tölublað Morg-
unblaðsins, sem kom út hinn 2. nóv-
ember 1913. Hann lét af störfum fyrir
aldurs sakir árið 1976.
Guðbjörn Guðmundsson fæddist
hinn 23. nóvember 1894 í Vatnskoti í
Þingvallasveit. Foreldrar hans voru
Guðmundur bóndi í Vatnskoti, Fells-
enda og víðar Þórðarson í Melhúsum
við Reykjavík Ásbjarnarsonar og
kona hans Guðfinna Einarsdóttir
frá Skálabrekku Jónssonar. Guð-
björn hóf prentnám í ísafoldar-
prentsmiðju 1. maí 1912 og lærði þar
bæði setningu og prentun. Við stofn-
un Prentsmiðju Morgunblaðsins
varð hann starfsmaður hennar.
Hann tók virkan þátt í félagsmálum
innan Hins íslenzka prentarafélags,
var varaformaður félagsins um skeið
og formaður Byggingasamvinnufé-
lags prentara var hann frá 1944 og
1958. Guðbjörn varð heiðursfélagi
HÍP 1964 og á 100 ára afmæli Iðnað-
armannafélagsins var hann sæmdur
gullmerki félagsins.
Guðbjörn Guðmundsson kvæntist
Júlíu Magnúsdóttur 13. október 1917,
en hún er látin fyrir nokkrum ár-
um. Þeim varð þriggja barna auðið
og eru tvö á lífi.
Morgunblaðið þakkar áratuga
samstarf við Guðbjörn Guðmundss-
on og sendir fjölskyldu hans innileg-
ar samúðarkveðjur.