Morgunblaðið - 15.03.1983, Blaðsíða 13
MORGUNBLAÐIÐ, ÞRIÐJUDAGUR 15. MARZ 1983
13
Hættuleg
Ilandrit: Kgill Eðvarðsson, Snorri
Þórisson og Björn Björnsson. Leik-
stjórn: Egill Eðvarðsson. Kvik-
myndataka: Snorri Þórisson. Leik-
myndir: Björn Björnsson. Fram-
kvsmdastjórn: Jón Þór Hannesson.
Hljóðstjórn: Sigfús Guðmundsson.
Búningar: I)óra Einarsdóttir. Klipp-
ing: Snorri Þórisson, Egill Eðvarðs-
son. Tónlist: Þórir Baldursson. Aðal-
hlutverk: Lilja Þórisdóttir, Jóhann
Sigurðarson, Helgi Skúlason, Þóra
Borg, Róbert Arnfinnsson, Baldvin
Halldórsson, Margrét Ólafsdóttir
o.n. Framleiðandi: Saga film, tekin
1982. Fuji color, Dolby stereo.
Húsið er einsog haglega gert
púsluspil þar sem illmögulegt er að
sjá fyrir heildarmyndina fyrr en
síðasti myndhlutinn er kominn á
sinn stað. Myndin gerist nefnilega
á þrem sviðum; í veruleikanum,
draumum og undirmeðvitund
stúlkunnar Bjargar. Ég hef oftar
séð efni sem þessu klúðrað, hér
smellur allt saman.
Aðalpersónur Hússins, Björg,
(Lilja Þórisdóttir) og Pétur (Jó-
hann Sigurðarson), eru ungt par í
húsnæðishraki og búa I myndar-
byrjun inni á gamalli konu (Þóru
Borg), kunnugri Björgu. Pétur er
hljómlistarmaður og tónskáld sem
skortir tilfinnanlega gott næði og
aðstöðu fyrir tónsmíðarnar en
Björg er fyrirvinnan, kennari við
hey rnleysingj askólann.
Það verða því straumhvörf í lífi
þeirra er Húsið kemur skyndilega
uppí hendur þeirra eftir langa og
árangurslausa íbúðarleit. Nú tekur
allt að ganga þeim í haginn. Pétur
lýkur við tónlistarverk sem er vel
tekið og fær langþráðan styrk til
tónlistarnáms í Vínarborg. Björg
Kvíkmyndir
Sæbjörn Valdimarsson
fær úrskurð um að hún sé þunguð
að fyrsta barni sínu.
En nú fara einnig ýmsir ill-
útskýranlegir hlutir að gerast. Ná-
grannarnir eru kyndugir, sumir
hverjir, Björg fer að fá síendur-
teknar martraðir. En þá taka fyrst
hjólin að snúast fyrir alvöru er hún
fer að sjá og heyra atburði sem til-
heyra sögu Hússins og finnur síðar
myndir hjá Unni af þeim persónum
sem búa í martröðum hennar og
undirmeðvitund.
Leit Bjargar að sannleikanum er
erfið og raunaleg og ekki bætir úr
skák að maður hennar er haldinn
til náms i Vínarborg þegar Björg er
að upplýsa leyndardóma Hússins.
Meira má ekki segja þvi lausn gát-
unnar er trúnaðarmál gagnvart
þeim sem eiga eftir að sjá myndina.
Hér kveður við allt annan tón en
í öðrum íslenskum kvikmyndum.
Söguþráðurinn drama sem um
miðja mynd breytist í sálfræði-
legan þriller. Yfir Húsinu hvílir
nosturslegur blær I hvívetna,
myndin er óvenjulega vandvirknis-
leg og smekklega gerð í alla staði.
Hún ber svo sannarlega því vott
hversu marga flinka atvinnukvik-
myndagerðarmenn við eigum.
Myndmálið er notað meira en mað-
ur á að venjast og inná milli koma
hægari kaflar þar sem áhorfandinn
fær að melta það sem áður hefur
fyrir augun borið.
leit
Trúnaðarmálið, bakgrunnur
myndarinnar, er vel hugsað og út-
fært „plot“ og ekki ósennilegt að
hér sé komin mynd sem gæti náð
vinsældum erlendis, ekki síður en
hér. Efnisþráðurinn er forvitni-
legur, yfirbragðið mátulega
„commercial" og skemmtanagildið
mikið.
En ekkert Hús er fullkomið,
hversu sem smiðirnir eru miklir
fagmenn. En að mínum dómi eru
gallar Hússins svo smávægilegir og
skipta svo litlu máli þegar á heild-
ina er litið að uppúr stendur
óvenjulega góð mynd sem ég spái
mikilli velgengni.
Ég ætla mér ekki að fara að hæla
einum öðrum fremur, ég álít þenn-
ann góða árangur afrakstur frá-
bærs hóps þar sem hver einstakl-
ingur hefur skilað sínu með prýði.
Ég verð þó að geta listamanns-
handbragðs Snorra Þórissonar, lýs-
ing og taka eru á heimsmæli-
kvarða. Best er að spara hin stóru
orðin, en Lilja Þórisdóttir er besta
kvikmyndaleikkona sem fram hef-
ur komið hérlendis. Að auki bráð-
falleg og fótógenísk. Jóhann Sig-
urðarson skilar einnig vel sínum
hlut sem á köflum er talsvert erfið-
ur í meðförum. Leiksvið og munir
Björns eru einkar vandvirknislegir,
líkt og búast mátti við úr þeirri
áttinni. Tónlist Þóris Baldurssonar
og Egils fellur vel að efninu, spar-
samlega notuð og notkun effekta
heppnast fullkomlega.
„Það er stórt orð Hákot," sagði
karlinn, en ég get með mikilli
ánægju fullyrt að Húsið er ein
besta mynd sem ég hef lengi séð,
þökk sé samvöldum hóp úrvals-
fólks.
Aðalleikaramir í Húsinu,
um.
Lilja og Jóhann, standa sig með miklum ágæt-
Að baki myndavélinni. Snorri Þórisson og Egill leikstjóri fyrir miðju.
Löng starfsreynsla við sjónvarp og ekki síður við auglýsingagerð hafa
gert þá að einum hæfustu mönnum við fslenska kvikmyndagerð.
Færeyjar:
Meira af ufsa nú
en í manna minnum
Þórshöfn, 11. marN.
ÞORSKVEIÐAR hafa gengið svipað
og undanfarnar vertíðar. Hinsvegar
hefur aflast ótrúlega vel af ufsa. Síð-
ari hluta febrúar og það sem af er
mars hafa togararnir fengið meiri
ufsaafla austur af Færeyjum en í
manna minnum.
Lögmaður Færeyinga, Pauli Ell-
efsen, hefur enn ekki svarað bréfi
því, sem ólafur Jóhannesson,
utanríkisráðherra, sendi honum í
vikunni. Efni bréfsins um tilmæli
vegna laxveiða Færeyinga hefur
til þessa aðeins verið kynnt í
viðskiptanefnd Lögþingsins, en
búist er við að Landsstjórnin taki
það til afgreiðslu innan tíðar.
Pauli Ellefsen vill ekki tjá sig um
efni bréfsins á þessu stig.
Laxveiðarnar hafa gengið vel í
vetur og nokkur skip hafa þegar
aflað upp í kvóta sinn. Nákvæmar
upplýsingar um heildarlaxveiðina
liggja hins vegar ekki fyrir.
— Arge.
Hnjukasel — einbýli
Ca. 200 fm fallegt einbýlishús á tveimur hœöum. Húsiö er allt mjög vandaö og
ber eigendum góöan vott um smekkvísi. Góö staösetning. Innangengt úr húsi í
bílskúr. Verö 3,4 millj.
Símí 2-92-77 — 4 línur.
'ignaval
Laugavegi 18, 6. hæö. (Hús Máls og menningar.)
Parhús — Kópavogi
Höfum í einkasölu 140 fm 5 herb. mjög fallegt parhús
I á tveimur hæöum viö Skólagerði.
Stórar suðursvalir. 36 fm bílskúr fylgir. Mjög vönduö
og snyrtileg eign. Húsiö getur veriö laust fljótlega.
Uppl. gefur
Agnar Gústafsson hrl.,
Eiríksgötu 4,
símar 12600 og 21750.
tiiD PIOIMŒER
Frábær hljómflutningstæki
með tæknilega yfirburði og hönnun
fyrir fagurkera.
KR. 19.760.-
x-noo
HI-FI SYSTEM
MAGNARI: 2X25 WÖTT RMS
ÚTVARP: 3 BYLGJUR, FM MUTING
KASETTUTÆKI: DOLBY B NR
PLÖTURSPILARI: HALFSJALFVIRKUR
HÁTALARAR: 40 WÖTT
ÚTSÖLUSTAÐIR Portiö. Akranesi — KF Borgt Borgamesi —
Verls Inga. Hellissandi — Patróna. Patreksfiröi — Seria. Isafiröi —
Sig Pálmason, Hvammstanga — Alfhóll, Siglufiröi — Cesar. Akureyn —
Radióver. Húsavik — Paloma. Vopnafiröi — Ennco. Neskaupsstaó —
Stálbúöin. Seyöisfiröi — Skógar. Egilsstöóum — Djúpiö. Djúpavogi —
Hornbær. Hornafiröi — KF. Rang Hvolsvelti — MM. Selfossi —
Eyjabær. Vestmannaeyjum — Rafeindavirkinn. Gnndavik — Fataval. Keflavík
HUOMBÆR
m\\\w—----1
HLJÐM*HEIMILIS*SKRIFSTOFUT/EKI HVERFISGÖTU 103 SÍMI 25999