Morgunblaðið - 15.03.1983, Blaðsíða 17

MORGUNBLAÐIÐ, ÞRIÐJUDAGUR 15. MARZ 1983
17
Nýju lífi blásið í
Reykjavíkurfélagið
Skagafjöröur:
Hofsstaðakirkju
berst stórgjöf
Mælifelli, 8. marz.
FYRIR skömmu ritaöi Björn Egils-
son frá Sveinsstööum í Lýtings-
staöahreppi grein um Hofstaða-
kirkju í Viðvíkursveit og hina æva-
gömlu helgi Maríukirkju á staðnum
í blaðiö Feyki á Sauðárkróki. Segir
hann þar nokkuð frá hinni sn.
Hofstaða-Maríu, tréskurðarmynd,
sem var í kirkjunni á llofstöðum frá
13. öld að talið er til loka forns siðar.
Var svo raikil helgi á Hofstaða-
Maríu, að næst gekk trúnaði á
krossinn í Kaldaðarnesi í Flóa. Á
þeim tíma var mikil mannaferð að
Hofstöðum og oftlega heitið á kirkj-
una. Var helgi hennar slík í hugum
Norðlendinga, að hún mun hafa
gengið næst sjálfri Hóladómkirkju.
Þannig er það ekki lengur.
Hofstaðir eru byggðir, en gamli
heimastaðurinn rústir einar og
kirkjuhúsið, sem er einstaklega
falleg smíði frá árinu 1905, mjög
farið að láta á sjá. Er það einkum
vegna fámennis safnaðarins og
hinnar löngu umræðu um að
leggja skuli kirkjuna niður og
skipta sókninni til nágrannasókn-
anna í Viðvík og á Flugumýri. —
En nú getur endurreisn Hofstaða-
kirkju hafizt, þar sem Björn Eg-
ilsson hefur nýlega afhent for-
manni sóknarnefndar Elínborgu
Bessadóttur í Hofsstaðaseli sextíu
þúsund krónur til byrjunar-
framkvæmda við endurbætur
kirkjunnar. Má segja, að með
þessari miklu gjöf hafi Björn tekið
af skarið um framtíð kirkjunnar
og mun hið haglega gerða kirkju-
hús vonandi standa lengi enn á
hinum víðsýna og fagra kirkju-
stað. Er mikill hugur í safnaðar-
fólkinu í þessu máli, þótt fullnað-
arákvörðun hafi enn eigi verið
tekin, og gjöfum og framlögum til
kirkjunnar þakksamlega veitt
móttaka af formanni sóknar-
nefndar.
G.L. Ásg.
ÞANN 10. júní árið 1940 stofnuðu
nokkrir frammámenn í Reykjavík
Reykjavíkurfélagið, félag sem hafði
það að markmiði sínu að auka átt-
hagarækni meðal Reykvíkinga og
láta sig varða útlit, afkomu og menn-
ingu höfuðstaðarins. Þetta félag hef-
ur legið í láginni síðustu 10 árin, en
nú stendur til að blása í það nýju lífi.
Á aðalfundi félagsins þann 4. nóv-
ember sl. voru samþykktar laga-
breytingar, sem gera öllum Reykvík-
ingum kleift að gerast félagsmenn,
innfæddum og aðfluttum, ungum
sem öldnum. Aður voru inngöngu-
skilyrðin þrengri, menn þurftu m.a.
að hafa búið í Reykjavík nokkuð
langan tíma til að geta gengið í fé-
lagið.
í dag, 15. mars, verður fyrsti
kynningar- og skemmtifundur fé-
lagsins um árabil. Fundurinn
verður haldinn að Hótel Borg og
hefst kl. 20.30. Á fundinum mun
Páll Líndal flytja fyrirlestur, og
hjónin Hjálmtýr Hjálmtýsson og
Margrét Matthíasdóttir syngja,
bæði saman og sitt í hvoru lagi.
Anna Guðný Guðmundsdóttir
leikur undir á píanó. Fyrirhugað
er að halda annan fund að mánuði
liðnum og eru félagsmenn og gest-
ir þeirra velkomnir á báða fund-
ina.
í stjórn Reykjavíkurfélagsins
sitja nú Jón Bergmann, Þorsteinn
Ólafsson, Sighvatur Bjarnason,
Áslaug Gassada, Erla Geirsdóttir,
Guðrún Agnarsdóttir, Pálína
Þorleifsdóttir og Sverrir Þórðar-
son.
Þrír úr stjórn Reykjavíkurfélagsins. Frá vinstri: Sighvatur Bjarnason gjaldkeri, Áslaug Cassada ritari og formaður-
inn, Jón Bergmann.
Þrjú úr þessum höpí
dæmdúrleík
1i h V i HTTTT^T?f
Ryöjum hættunum úrvegí þeirra
Ýmsar hættur leynast á vegi uppvaxandi
kynslóöar. Ein sú skæðasta fylgir ofneyslu
áfengis og annarra fíkniefna. U.þ.b.tíundi
hver einstaklingur lendir í erfiðleikum —
jafnvel hörmungum af þessum sökum.
Þetta jafngildir þremur einstaklingum í
meðal skólabekk.
íslendingar þúsundum saman standa nú
í baráttu við að losa sig úr greipum áfengis-
sýkinnar. Margfalt fleiri standa í skugga
þeirrar baráttu: börnin, makarnir, ætt-
ingjarnir, vinirnir.
Árangurinn er háður markvissu hjálpar-
starfi. Brýnasta verkefnið í því er að Ijúka
byggingu nýrrar sjúkrastöðvar SÁÁ við
Grafarvog í Reykjavík. Þar fá áfengis- og
fíkniefnasjúklingar hvaðanæva af landinu
tækifæri til að stíga fyrstu skrefin á nýrri
lífsbraut.
Jafnhliða eflum við fræðslu- og varn-
aðarstarf í skólum landsins. Baráttan er
hörð og hana verður að heyja á öllum víg-
stöðvum.
Við minnum á gjafabréf SÁÁ — framlag þitt til betra lífs í þessu landi.
Reisum saman sjúkrastoð
luossujplggitri