Morgunblaðið - 05.12.1987, Page 59

MORGUNBLAÐIÐ, LAUGARDAGUR 5. DESEMBER 1987
59
Þórður Bogason,
Hellu — Minning
Fæddur 31. mars 1902
Dáinn 29. nóvember 1987
Það þarf sjálfsagt ekki að koma
á óvart þótt aldraður maður farinn
að heilsu kveðji lífið á þessari jörð.
Þó fer ekki hjá því að þau um-
skipti hafi áhrif á þá sem næstir
standa og aðra samstarfs- og sam-
ferðamenn.
Þórður Bogason var fæddur 31.
mars 1902 í Varmadal á Rangár-
völlum. Foreldrar hans voru Bogi
bóndi þar Þórðarson bónda í Ketil-
hússhaga á Rangárvöllum Jónsson-
ar og kona hans Vigdís Þorvarðar-
dóttir í Sandvík í Flóa
Guðmundssonar. Þórður fór til
náms í Flensborgarskóla og lauk
þar prófi árið 1923. Hann var kenn-
ari á Rangárvöllum 1924—1929.
Bóndi í Varmadal 1931-1941,
Brekkum í Holtum 1941—1943 og
Eystri-Kirkjubæ á Rangárvöllum
1943— 1944. Flutti að Hellu árið
1944. Var afgreiðslumaður hjá
Kaupfélaginu Þór á Hellu
1944— 1946 og gjaldkeri
1946—1966. Hreppsnefndarmaður
í Rangárvallahreppi 1946—1966 og
oddviti hreppsnefndar 1950—1966.
Þórður kvæntist 3. júní 1934
Kristínu Sigfúsdóttur, bónda í Hró-
arsholti, Thorarensen, Skúlasonar,
læknis og konu hans Stefaníu Stef-
ánsdóttur, Stephensens, prests.
Börn þeirra eru: Sigfús, bankafull-
trúi, Selfossi, kvæntur Þóru Björk
Þórarinsdóttur, Bogi Vignir, íoft-
skeytamaður í Reykjavík, kvæntur
Gunnhildi Svövu Helgadóttur, Stef-
anía Unnur, skrifstofumaður, Hellu,
gift Braga Gunnarssyni, Ragnheið-
ur húsmóðir á Akranesi, gift Jóni
Ólafi Sigurðssyni, og Sigrún, skrif-
stofumaður í Reykjavík. — Þannig
er þetta skráð í uppsláttarritum og
getið hér vegna þeirra, sem vilja
vita nokkur deili á ætt og uppruna
fólks.
Þegar Þórður er sex ára gamall
árið 1908 missir hann föður sinn.
Vigdís móðir hans bjó áfram í
Varmadal allt til ársins 1931, að
þrír synir hennar taka þar við búi.
Þegar Vigdís í Varmadal missti
mann sinn áttu þau hjón 6 böm og
það 7. ófætt. Elsti sonurinn 12 ára
gamall. Ytri aðstæður hafa því vart
mulið undir þetta fólk, en það efld-
ist við hverja raun. Vigdís kom
bömum sínum vel til manns. Heim-
ilið var það sem kallað var bjargálna
og vel það. Peningar vom heldur
sjaldséðir á venjulegum sveitaheim-
ilum, en féllu þeir til, vom þeir
geymdir til greiðslu sveitargjalda á
haustdögum.
Þórður Bogason var af þeirri
kynslóð, sem við svo oft köllum
aldamótamenn. Enda var hann öld-
inni nær jafnaldra. Það er þetta
fólk, sem lagði gmndvöllinn að því
velferðarþjóðfélagi, sem við njótum
nú. Fólkið sem lagði metnað sinn í
að vera sem minnst upp á aðra
komið og gera meiri kröfur til
sjálfra sín en annarra. Hugur Þórð-
ar hneigðist ekki sérstaklega til
búskapar umfram það sem eljusemi
hans og samviskusemi var honum
ásköpuð. Þó bjó hann góðu búi.
Eftir að hann hafði búið sjálfstæð-
um búskap í þrettán ár ákveður
hann að bregða búi og flytja að
Hellu. Byggðu þau hjón þar íbúðar-
hús árið 1944, sem þau hafa búið
í síðan. Þegar Þórður flutti að Hellu
var byggð þar lítil og fámenn.
Mátti telja íbúðarhús á fingmm
annarrar handar. Hann telst því
einn af fmmbyggjum þessa byggð-
arlags.
í gjaldkerastarfínu hjá Kaup-
félaginu Þór í tvo áratugi undi
Þórður sér vel og eins og áður var
sagt var hann jafnframt hrepps-
nefndaroddviti í Rangárvallahreppi
lengst af þeim tíma. Með þessu
mætti ætla að Þórður hefði haft
ærið að starfa, en það er stundum
með ólíkindum hvað mikil vinna
getur safnast að einum manni.
Samhliða gjaldkerastarfínu hjá
kaupfélaginu hafði hann ýmis önn-
ur störf þar og auk þess að vera
oddviti fjölda annarra starfa fyrir
sveitarfélagið. Var einhverntíma
sagt að störf hans fylltu nær tvo
tugi, þegar allt var talið. Vinnudag-
ur hans var því oft ærið langur.
Enda hirti hann ekki um að hafa
sem mest af löngum frítíma.
Allt sem Þórður tók sér fyrir
hendur vann hann af einstakri elju
og samviskusemi. Átti það jafnt við
um störfin hjá kaupfélaginu og
hreppnum. Hann var næmur á þarf-
ir manna og getu, sér í lagi þeirra
^ði3f||b
sem minna höfðu umleikis og hag-
aði störfum sínum í samræmi við
það, enda naut hann vinsælda langt
umfram það sem flestum hlotnast.
Meðan Þórður var oddviti á Hellu
sá hann byggð þar breytast úr ör-
fáum húsum í blómlega byggð, enda
átti hann með störfum sínum drjúg-
an þátt í þeirri þróun. Honum
auðnaðist þannig að sjá góðan
árangur verka sinna, enda gladdist
hann þegar vel tókst til.
Árið 1966 var af heilsufars-
ástæðum klippt á starfsþrek Þórðar
og bar hann merki þess áfalls eftir
það. Þótt starfsþrek hans væri búið
síðustu tuttugu æfiárin mætti hann
þeim örlögum með þeirri rósemi
hugans, sem ekki er öllum gefín.
Hlutur eiginkonu Þórðar á þessu
tímabili er minnisstæður þeim sem
til þekkja og verður ekki frekar
lýst með orðum. Við fráfall Þórðar
Bogasonar er löngum og farsælum
æfíferli lokið. Þeim sem eftir lifa
er hann fyrirmynd í því að. vera
starfí trúr og gera kröfur til sín
umfram það að vera sífellt að krefja
aðra. Við þessi leiðarlok þakka hin-
ir fjölmennu viðskiptamenn kaup-
félagsins Þór störf hans. Rangvell-
ingar þakka honum störf hans í
þeirra þágu, sem unnin voru af ein-
stakri fómfýsi og trúmennsku.
Þess er nú ljúft að minnast að
móðir höfundar þessara orða kom
ung að Varmadal, eftir sjúkrahús-
vist á Vífilsstöðum, þegar Vigdís
bjó þar með bömum sínum. Minnt-
ist hún þess oft hvað gott atlæti
hún átti og bar hlýjan hug til fólks-
ins alla tíð. Samskipti við fólkið frá
Varmadal em því orðin ærið löng
og eru Þórði og hans fólki fluttar
þakkir fyrir samskipti og samstarf
í marga áratugi.
Kristínu, bömum þeirra hjóna og
öðmm vandamönnum em fluttar
samúðarkveðjur frá mér og mínu
fólki.
Jón Þorgilsson
FORD ||
SIERRA
Ford Sierra 1988, Glæsilegur þýskur gœðabíll,
vel búinn og traustur.
Verð frá kr. 596.800
Útborgun aðeins 25% og eftirstöðvar lánaðar
í allt að 30 mánuði.
SVEINN EGILSSON HF.
Framtíð við Skeifuna. S. 685100/689633