Morgunblaðið - 27.05.2000, Blaðsíða 11
MORGUNBLAÐIÐ
__________________________________LAU.GARDAGUR 27. MAÍ 2000. 11
FRÉTTIR
Kaffíhús í Láruhúsi á Seyðisfírði
Hyggst framleiða E1 Grillo- og Þokubjór
Morgunblaðið/Helgi Bjarnason
Eyþór Þórisson hótelstjóri hefur opnað kaffihús í hinu sögufræga
Láruhúsi. Hann stendur hér fyrir framan húsið.
• •
Okumað-
ur bif-
hjóls slas-
aðist
alvarlega
ÖKUMAÐUR bifhjóls slasaðist al-
varlega í árekstri við bifreið í
Hafnarfirði í gær. Hann var flutt-
ur á slysadeild Landspítalans í
Fossvogi og síðan lagður inn á
gjörgæsludeild þar sem hann átti
að gangast undir aðgerð.
Að sögn læknis á slysadeild
hlaut ökumaðurinn alvarlega
áverka en var þó ekki í bráðri lífs-
hættu. Við áreksturinn kastaðist
ökumaðurinn af hjólinu en öku-
maður bifreiðarinnar slapp með
minniháttar meiðsl. Bæði ökutæk-
in eru óökufær eftir áreksturinn.
Areksturinn varð með þeim
hætti að bifreiðinni var ekið út frá
Húsagötu á móts við Sparisjóð
Hafnarfjarðar yfir Reykjavíkurveg
í veg fyrir bifhjólið, sem ók norður
Reykjavíkurveg og skall á bifreið-
inni með fyrrgreindum afleiðing-
um.
EYÞÓR Þórisson hótelstjóri á Seyð-
isfirði hefur opnað kaffihús í húsi frú
Láru, Kaffi Láru. Hann er einnig að
byggja við Hótel Seyðisfjörð og
hyggt láta framleiða fyrir sig seyð-
firskan bjór, E1 Grillo og Þokuna.
Láruhús er liðlega 100 ára gamalt.
Það er kennt við frú Láru Bjarna-
dóttur sem rak þar verslun og var
einnig með veitingarekstur. Eyþór
keypti húsið og lagði í nokkurn
kostnað við endurbætur og hefur nú
sett þar upp kaffihús.
Kaffihúsið er á neðri hæð hússins.
Eyþór er með áform um að vera þar
einnig með aðstöðu til að skipta
gjaldeyri fyrir ferðamenn og kallar
það Síldarbankann. Niðri í kjallara á
að vera brugghús, eins og einu sinni
var í húsinu, og vonast Eyþór til að
geta framleitt þar eigið öl í framtíð-
inni. A efri hæðinni eru Veiðimanna-
stofa, Sjómannastofa og Vínstofa frú
Láru. Hann á húsið við hlið Láru-
húss og stefnir að þvi að setja þar
upp ullarvöruverslun. Telur hann að
með fleiri verslunum og öflugra
starfi verði hægt að fá fleiri ferða-
menn til að staldra við í götunni og á
Seyðisfirði.
Eyþór er að byggja veitingaskála
við Hótel Seyðisfjörð, sem fram und-
ir þetta hefur heitið Hótel Snæfell.
Hann segist hafa verið í vandræðum
með að taka á móti stórum hópum.
Með kaffihúsinu og stækkun hótels-
ins telur hann sig geta tekið við 100
manns í einu. Ferðamál á Seyðisfirði
snúast töluvert um að þjóna farþeg-
um Norrænu. Þannig er hlaðborðið á
Hótel Seyðisfirði á miðvikudags-
kvöldum, daginn fyrir ferjudaginn,
afar vinsælt.
Eyþór er með margt á prjónunum
sem hann telur að geti orðið til að
efla ferðaþjónustu á staðnum. Hann
verður með hestaleigu í sumar og
heldur víkingahátíð 16. til 20. ágúst,
svo dæmi séu nefnd.
Sem dæmi um hugmyndir Eyþórs
má nefna áform hans um að fram-
leiða og selja seyðfirskan bjór. Og
Seyðfirðingar segja að hann fram-
kvæmi ótrúlega margar hugdettur
sínar. Bjórinn verður kyrfilega
merktur Seyðisfirði. Önnur tegundin
á að heita E1 Grillo, í höfuðið á skipi
sem liggur á botni fjarðarins. Sá bjór
verður sterkur og að sjálfsögðu
dökkur eins og olían sem rennur úr
skipinu. Hinn bjórinn á að heita Þok-
an, í höfuðið á Austfjarðaþokunni, og
hann á að vera léttari. Á flöskumið-
um beggja tegundanna á að standa:
Kveðja frá Eyþóri v/v, sem stendur
fyrir Eyþór vinur vina sinna.
Bjórinn verður framleiddur í inn-
lendu brugghúsi. Eyþór hyggst hafa
hann til sölu á veitingastöðum sínum
í sumar og reyna að koma honum
líka inn í ríkið og á sem flesta veit-
ingastaði. „Austfirðingar þurfa að fá
eigið öl,“ segir Eyþór.
Morgunblaðið/Jón Svavarsson
Áreksturinn var mjög harður og voru bæði ökutækin óökufær á eftir.
Fyrsta
flug Go
til Islands
FYRSTA flugvélin í áætlunarflugi
Go, dótturfélags British Airways,
milli íslands og Bretlands Ienti á
Keflavíkurflugvelli um klukkan eitt
í fyrrinótt. Samkvæmt upp-
lýsingum frá Kynningu og markaði
hf., sem sér um kynnningarmál fyr-
ir flugfélagið, var fullbókað í vélina
frá Bretlandi, og einnig í flug frá
Keflavík til London klukkan tvö um
nóttina. Fékk flugstjóri vélarinnar
afhent blóm af nýkjörinni ungfrú
Islandi, Elínu Málmfríði Magnús-
dóttur, við komuna hingað til lands.
Vél Go-flugfélagsins, sem er
svokallað lágfargjaldaflugfélag, er
Morgunblaðið/Jón Svavarsson
Tvær af flugfreyjum Go í fyrsta flugi félagsins til íslands.
af gerðinni Boeing 737-300 og tek- þúsund krónur, og flogið er öll
ur 148 farþega. Samkvæmt upp- mánudags-, fimmtudags-, föstu-
lýsingum Go kostar flugfarið 10-24 dags- og sunnudagskvöld í sumar.
Greint frá verkefni Ferðaklúbbsins 4X4 á ráðstefnu um samgöngumál og landupplýsingakerfí
Ætla að skrá GPS-
hnit slóða á hálendinu
Sparar tíma
og vinnu
FERÐAKLÚBBURINN 4X4 vinn-
ur nú að því að safna staðsetningar-
punktum, sem fylgja slóðum á há-
lendinu og munu ferðalangar geta
hlaðið punktunum inn í GPS-stað-
setningartæki sín og þannig vitað
nákvæmlega hvemig þeim gengur
að fylgja slóð sinni á hverjum tíma.
Ómar Sigurðsson, tölvunarfræð-
ingur í umhverfisnefnd Ferða-
klúbbsins 4X4, greindi frá þessu á
ráðstefnu Samtaka um landsupplýs-
ingar á íslandi fyrir alla (LÍSÁ), á'
fimmtudag. Ráðstefnan var liður í
því markmiði samtakanna að leiða
saman þá fjölmörgu aðila, sem fram-
leiða og vinna með landupplýsingar
um samgöngumál á þeirri forsendu
að möguleikar á samnýtingu og úr-
vinnslu aukist ef gagnagrunnar séu
aðgengilegir og hægt að tengja þá
saman.
Hyggjast skrá á neti
og gefa út kort
„Við erum að byrja að safna GPS-
punktum á slóðum á hálendinu og
búa til gagnasafn um þessa slóða,“
sagði Ómar. „Við höfum hug á að
þetta verði annars vegar gert að-
gengilegt á heimasíðunni okkar,
f4x4.is og erum hins vegar í sam-
starfi við Hans H. Hansen kortag-
erðarmann, sem hefur gefið út kort í
samvinnu við Mál og menningu og
hefur hug á að gefa út svona kort af
hálendinu."
Ómar sagði að þetta kerfi nýttist
með ýmsum hætti. Þegar allir slóð-
arnir á hálendinu hefðu verið skráðir
vissu menn að hverju þeir gengju og
einnig væri öryggisatriði að menn
vissu hvemig slóðar lægju ef þeir
lentu í þoku.
„Stundum er ógreinilegt hvar
slóðar liggja,“ sagði hann. „Þetta
tryggir það frekar að fólk keyri í
slóðanum í stað þess að fara villur
vegar og út af honum.“
Hann sagði að með því að kort-
leggja hvar slóðarnir liggi væri hægt
að flokka þá eftir því hvort þeir eru
færir venjulegum bílum eða hvort
aðeins væri um að ræða slóða fyrir
jeppa eða mjög breytta bfla. Einnig
verði hægt að flokka slóðana út frá
því hvort yfir höfuð megi keyra þá
eða á hvaða árstíma.
Meiri nákvæmni eftir að hætt
var að rugla GPS-kerfíð
Að sögn Ómars er rétt byrjað að
vinna að skráningunni. Reyndar hafi
menn átt dálítið af slóðum hjá sér,
sem þeir hafi farið í gegnum tíðina,
en það hafi ekki verið vilji til þess að
nota þau hnit vegna þess að Banda-
ríkjastjóm hafi ruglað staðsetning-
arkerfið. Hins vegar hafi verið slökkt
á ruglaranum 1. maí og nú sé öll
skráning mun nákvæmari.
Ómar sagði að rúmlega 1.300 fé-
lagar væru í klúbbnum og ættu
margir þeirra GPS-tæki. Hann sagði
að hann vonaðist til að nokkuð góðu
safni yrði komið upp í sumar, en
sennilega tæki verkefnið nokkur ár.
Verið væri að huga að samstarfi við
Náttúravernd, Landmælingar og
Vegagerðina um þetta verkefni.
„Eg held að það sé af hinu góða að
reyna að safna þessum gögnum,“
sagði Ómar. „Hægt verður að fara
inn á vefinn, sækja hnitin fyrir slóð-
ann og keyra eftir þeim. Nákvæmnin
eftir að hætt var að ragla staðsetn-
ingarkerfið er það mikil að það
skeikar innan við fimm metrum.“
Allsherjargrunnur í Grindavík
Á ráðstefnunni var einnig greint
frá því með hvaða hætti Grindavík-
urbær hefur tekið upp hið nýja
hintakerfi, sem notað verður í fram-
tíðinni.Viðar Már Aðalsteinsson,
bæjartæknifræðingur og byggingar-
fulltrúi í Grindavík, sagði að upplýs-
ingagrunnur, sem byggður væri á
loftmyndum, væri komin á öll kerfi
bæjarfélagsins.
„Síðan höfum við verið að byggja
ofan á þetta ýmsa grunna, til dæmis
vatnsveitukerfi, hitaveitukerfi og sí-
makerfi," sagði hann. „Síðan höfum
við haldið þessu áfram og eram kom-
in með skipulagsgrann fyrir allt
svæðið, sem er mjög stórt, á tölvu-
tækt form í þessu landshnitakerfi.
Við þetta bætist vegagerðargrann-
ur.“ Grindavík þykir í fararbroddi í
þessum efnum. Viðar Már sagði að
Grindavík hefði byrjað á þessu fyrir
þremur áram, eins og önnur sveitar-
félög, en lagt áherslu á að sinna
verkefninu og reka það áfram.
„Þetta kemur sér vel til í skipulag-
sverkefnum, hvort sem það er vega-
hönnun eða hafnargerð," sagði hann.
„Hlutirnir komast vel til skila í þessu
kerfi og þetta er framtíðarformið.“
Viðar Már sagði að þetta virkaði
þannig að öll kort og veitukerfi,
skipulag og hönnun, byggðu á þess-
um eina granni, sem mætti nýta á
ýmsa vegu. Nú væri búið að uppfæra
granninn þannig að framvegis yrði
hægt að uppfæra hann um leið og
breytingar ættu sér stað. Nú væri
Vegagerðin til dæmis að vinna að
Suðurstrandarvegi og hefði fengið
granninn hjá Grindavíkurbæ. Hann
fengi síðan gögnin til baka á tölvu-
tæku formi og gæti sett nýjustu upp-
lýsingar inn í granninn hjá sér. Sama
mætti segja um nýtt skipulag, sem
tekið hefði verið í gegn um daginn.
Það hefði verið byggt á granninum
og unnið áfram.
„Þetta sparar bæði tíma og vinnu
og allt verður mun aðgengilegra og
nákvæmara," sagði hann. „Áður fyrr
vora sveitarfélögin að notast við 30
ára gömul kort, sem vora bæði úrelt
og vitlaus þannig að lítið var hægt að
byggja á þeim.“
Hann sagði að einnig væri verið að
nýta þekkingu gamalla starfsmanna
til að koma inn í kerfið upplýsingum
um hvar leiðslur liggi.
„Maður sér einnig fyrir sér að
þægindi fyrir verktaka, sem hafa
þurft að labba milli stofnana til að sjá
hvar hinar ýmsu leiðslur liggi,“ sagði
hann. „Nú er meiningin að hægt
verði að fá allar upplýsingar á einum
stað.“
Viðar Már sagði að þetta verkefni
hefði sennilega kostað milli fjórar og
fimm milljónir króna og býst hann
við sú hagræðing, sem af hljótist,
skili sér á næstu tveimur til þremur
árum.
Hann sagði Grindavíkurbær væri
einnig á leið í samstarf við Sigling-
astofnun, sem ætli að birta kort af
öllum höfnum landsins í tölvutæku
formi. Ætlunin sé að sveitarfélögin
sjái um ákveðinn hluta af þessu og
sýndi Viðar Már dæmi um það
hvemig sú samvinna gæti farið fram
á ráðstefnunni.
Á heimasíðu Grindavíkur sjá
menn fyrir sér að verði svokölluð
Grindavíkursjá. „Almenningur fer
nú að sjá þetta með beram augum,“
sagði hann og bætti við að möguleik-
arnir væru nánast ótæmandi.