Morgunblaðið - 27.05.2000, Blaðsíða 14

14 LAUGARDAGUR 27. MAÍ 2000
AKUREYRI
MORGUNBLAÐIÐ
Fyrsti aðalfundur verkalýðsfélagsins Einingar - Iðju
Fjárhagsleg afkoma
lakari en vonast var til
FJÁRHAGSLEG afkoma verka-
lýðsfélagsins Einingar-Iðju á síðasta
ári var lakari en vonast hafði verið
eftir. Tæplega 6,5 milljóna króna tap
varð af reglulegri starfsemi félags-
ins en vegna mikilla endurbóta á or-
lofshúsum félagsins, sem allar eru
gjaldfærðar á árinu, samtals að upp-
hæð 21,7 milljónir króna, varð 20,7
milljóna króna halli á orlofssjóði.
Petta kom fram á fyrsta aðalfundi
Einingar-Iðju í vikunni en sem
kunnugt er var félagið stofnað fyrir
ári við sameiningu Verkalýðsfélags-
ins Einingar og Iðju, félags verksm-
iðjufólks á Akureyri og nágrenni.
Eining-Iðja er þriðja stærsta stétt-
arfélag landsins og það langstærsta
utan höfuðborgarsvæðisins. Aðalfé-
lagar eru nú 4.596 og aukafélagar
652, samtals 5.248. Er það fækkun
um 306 milli ára.
Björn Snæbjömsson, formaður
Einingar-Iðju, sagði að síðasta ár
hefði verið félaginu dýrt að ýmsu
leyti. Þótt sameining félaganna hefði
gengið vel, þá kostaði hún engu að
síður töluverða fjármuni og þótt
fjárhagslegur ábati yrði af samein-
ingunni til lengrí tíma litið væri
hann ekki farinn að koma fram í
reikningum síðasta árs. Bjöm sagði
að undirbúningur kjarasamninga og
kjarasamningaviðræður hefðu líka
kostað sitt, sem og endurbætur á Al-
þýðuhúsinu.
Félagsgjöld hækkuð
Stjórn félagsins hefur nú ráðist í
ákveðnar aðgerðir sem eiga að snúa
þessu við en þó er ljóst að yfirstand-
andi ár getur einnig orðið kostnað-
arsamt. Síðasta ár einkenndist af því
hversu marga fundi félagið hélt og
þar bar hæst undirbúning kjara-
samningaviðræðna. Sagði Björn að
félagið hefði aldrei staðið jafn vel að
þeim málum. Niðurstöður samninga
hefðu hins vegar þurft að vera betri.
Tap félagssjóðs jókst einnig nokk-
------------------------;--------
uð á milli ára, úr 6,3 milljónum
króna í 10 milljónir króna. Hins veg-
ar jókst hagnaður vinnudeilusjóðs
og var 6,3 milljónir króna á árinu.
Fræðslusjóður skilaði einnig nokkr-
um hagnaði. Rekstur sjúkrasjóðs
var áfram lítillega neikvæður en
greiðslur dagpeninga úr sjóðnum,
sem vega langþyngst í rekstri hans,
námu rúmum 25 milljónum króna á
árinu.
Á aðalfundi félagsins var sam-
þykkt að hækka félagsgjald í 1,3%
og er tilgangur þess tvíþættur. Ann-
ars vegar er ákvæði í síðustu samn-
ingum um hærra framlag í starfs-
menntasjóð og hins vegar er verið
að hækka framlög í vinnudeilusjóð,
úr 0,1% og í 0,25%. Markmiðið er að
tvöfalda vinnudeilasjóðinn á samn-
ingstímanum en hann er nú um 60
milljónir króna.
Stjóm félagsins, þ.e. formaður,
varaformaður, ritari og gjaldkeri,
var öll endurkjörin á aðalfundinum.

Morgunblaðið/Kristj án
Harður árekstur á Akureyrí
Fjónr fluttir
FJÓRIR voru fluttir á slysadeild
Fjórðungssjúkrahússins á Ákureyri
eftir mjög harðan árekstur tveggja
fólksbfla á gatnamótum Smárahlíðar
og Skarðshlíðar skömmu eftir há-
degi í gær.
Höggið var svo mikið að annar
bfllinn valt á hliðina og þurfti að nota
tækjaklippur Slökkviliðs Akureyrar
á sjúkrahús
til þess að ná ökumanni bflsins út.
Tvennt var í hvorum bfl og voru allir
fluttir á slysadeild FSA. Annar far-
þeginn fékk að fara heim að lokinni
skoðun en hinir þrír sem í slysinu
lentu voru áfram til skoðunar á
slysadeildinni. Auk lögreglu og
tækjabfls slökkviliðsins komu þrír
sjúkrabflar á slysstað.
/-------------------------
VSÓ RÁÐGJÖF
A K U R E Y R 1 ehf KAUPANGi SÍMI: 460 4404 FAX: 460 4401
VSÓ Ráðgjöf Akureyri óskar eftir tækni-
eða viðskiptamenntuðum starfsmönnum
á sviði rekstrarráðgjafar til starfa á
Akureyri. Leitað er eftir jákvæðum og
sjálfstæðum starfsmönnum sem eru
reiðubúnir að ferðast innanlands og
erlendis.
VSÓ Ráðgjöf Akureyri ehf. er ungt ráðgjafarfélag á
Norðurlandi í samstarfi við leiðandi ráðgjafar-
fyrirtæki á íslandi. Félagið býður ráðgjöf á sviði
rekstrar, gæða- og umhverfisstjórnunar og þjónustu
við sveitarfélög.
Umsóknir sendist: VSÓ Ráðgjöf Akureyri, Kaupangi
v. Mýrarveg, 600 Akureyri. Vinsamlegast merkið
umsóknir „Ráðgjafi" og látið ferilskrá fylgja. Farið
er með allar umsóknir sem trúnaðarmál.
__________________________________________________J
Yallakirkja
vígð
Dalvík. Morgfiinblaðið.
VALLAKIRKJA verður vígð þann
28.maí næstkomandi kl. 14. Biskup
íslands herra Karl Sigurbjörnssson
vígir kirkjuna. Sr. Magnús Gamalíel
Gunnarsson, sóknarprestur og Sr.
Jón Helgi Þórarinsson fyrrverandi
sóknarprestur í Dalvíkurprestakalli
þjónavið altarisgönguna.
Viðstaddir verða nokkrir núver-
andi og fyrrverandi prestar sem búa
í Eyjafjarðarprófastsdæmi, svo og
Prófastur Eyjafjarðarprófastsdæm-
is sr. Hannes Örn Blandon. Samkór
Svarfdæla syngur við athöfnina, und-
ir stjórn Rósu Kristínar Baldursdótt-
ur organista og söngstjóra. Einnig
munu nokkur börn úr Húsabakka-
kórnum Góðir hálsar syngja við at-
höfnina. Kaffisamsæti verður eftir
vígsluna að Rimum í Svarfaðardal.
Sóknamefnd Vallakirkju vill nota
tækifærið og þakka öllum þeim sem
á einhvern hátt hafa stutt endur-
byggingu kirkjunnar.
----------------
Kirkjustarf
AKUREYRARKIRKJA: Fermingar-
messa í Akureyrarkirkju kl. 10.30 í
dag, laugardag. Kvöldmessa í
kirkjunni kl. 20.30 á morgun, sunnu-
dag. Taize-tónlist. Morgunsöngur kl.
9 á þriðjudagsmorgun. Sjálfsstyrk-
ingarnámskeiðið „Konur eru konum
bestar" verður haldið í fundarsal
Safnaðarheimilis Akureyrarkirkju á
mánudag, 29. maí og miðvikudaginn
31. maí, kl. 20 bæði kvöldin. Leiðbein-
andi er Jóna Lísa Þorsteinsdóttir.
Skráning fyrir hádegi í Akureyrar-
kirkju, þátttökugjald er 3000 krónur.
GLERARKIRKJA: Fermingarmessa
verður í Lögmannshlíðarkirkju á
morgun, sunnudag kl. 14.
HJALPRÆÐISHERINN: Almenn
samkoma kl. 20 annað kvöld, sunnu-
dagskvöld.
HRÍSEYJARKIRKJA: Aðalsafnað-
arfundur Hríseyjarsóknar verður
haldinn í Hríseyjarkirkju á mánu-
dag, 29. maí kl. 17. Á dagskrá eru
venjuleg aðalfundarstörf, umræður
um viðbygginguna við kirkjuna og
önnur mál.
HVÍTASUNNUKIRKJAN: Bæna-
stund verður kl. 20 í kvöld. Sunnu-
dagaskóli fjölskyldunnar verður kl.
11.30 á morgun, sunnudag. Kennsla
úr Orði Guðs íyrir alla aldurshópa. G.
Theodór Birgisson predikar. Léttur
málsverður að samkomu lokinni.
Vakningarsamkoma þar sem Ester
Jakobsen og Vörður L. Traustason
predika hefst kl. 16.30. Fyrirbæna-
þjónusta og bamapössun.
Morgunblaðið/Kristján
Ráðherra opinberrar þjónustu og landnotkunar á Nýfundnalandi, Ern-
est McLean, sem staddur var á Akureyri í vikunni ásamt Beaton Tulk,
ráðherra byggðamála, og föruneyti gaf sér tíma til að skreppa í golf á
Jaðarsvelli. Með honum spiluðu helstu sfjörnur GA, þeir Ómar
Halldórsson og Sigurpáll Geir Sveinsson.
Golfklúbbur Akureyrar
Metþátttaka
í Arctic-golf-
mótinu
ARCTIC-OPEN alþjóðlega miðnæt-
urgolfmótið verður haldið á Jaðars-
velli á Akureyri dagana 21.-24. júní
í sumar. Rúmlega 200 keppendur
munu mæta til leiks að þessu sinni,
eða fleiri en nokkru sinrii f 14 ára
sögu mótsins. Að vanda koma kepp-
endur víða að úr heiminum en flestir
erlendu kylfingamar koma frá
Bandaríkjunum og Danmörku.
Einnig koma á mótið kylfingar frá
Japan, Sviþjóð, Bretlandi, Spáni og
Þýskalandi.
Kolbeinn Sigurbjömsson, fram-
kvæmdastjóri Golfklúbbs Akureyr-
ar, sagði að á milli 180 og 190 kylf-
ingar hefðu þegar skráð sigtil leiks
en hægt yrði að ræsa út 208 kylfinga
í mótið. „Við treystum okkur ekki til
að taka á móti nema 180 keppendum
á síðasta ári en þá var í fyrsta skipti
biðlisti á mótið. Með örlítið breyttu
fyrirkomulagi í ár treystum við okk-
ur til að taka á móti 208 keppendum.
Við munum örugglega fylla þá tölu
og ég er jafnframt handviss um að
það verður einnig biðlisti í ár,“ sagði
Kolbeinn.
General Motors
styrktaraðili mótsins
Að þessu sinni er mótið í fyrsta
sinn eyrnamerkt sérstökum styrkt-
araðila en aðalstyrktaraðilinn í sum-
ar er bandaríski bílaframleiðandinn
General Motors. Kolbeinn sagði að
sl. vetur hafi verið gerður samning-
ur við fyrirtæki í Bandaríkjunum,
sem sérhæfir sig m.a. í auglýsingum
og leit, að styrktaraðilum, um að það
tæki að sér að fínna stórfyrirtæki
sem vildi koma inn í þetta al-
þjóðamót með GA. Ekki er hægt að
segja annað en að vel hafi tekist til,
enda risafyrirtækið General Motors
eitt af þekktari fyrirtækjum í
Bandaríkjunum.
Kolbeinn sagði að þótt ekki lægi
endanlega ljóst fyrir hvað út úr sam-
starfinu kemur, væru miklar vonir
bundnar við samstarfið og að það
yrði mótinu og klúbbnum til fram-
dráttar. „Þeir eru alla vega sann-
færðir um að á næsta ári þurfum við
að ræsa út í mótið að minnsta kosti
300 manns og það gæti orðið hand-
leggur.“
Völlurinn aldrei komið
betur undan vetri
Golfvöllurinn að Jaðri er orðinn
sumargrænn og fallegur að sögn
Kolbeins „og hér segja langelstu
menn klúbbsins að völlurinn hafi
aldrei komið jafnvel undan vetri. GA
mun því geta boðið upp á gæðavöll í
sumar en þar fer einmitt Landsmót-
ið í golfi fram í ágúst.
Stöðugt er unnið endurbótum á
félagssvæði GA og t.d. hefur nýr par
3 æfingavöllur verið tekin í notkun á
svæðinu, þannig að bæði nýliðar og
aðrir eru þar komnir með mjög góða
æfingaaðstöðu.Við teljum að þeir
séu mjög margir sem aldrei hafi
prófað að spila golf en langi til þess.
Því hefur verið ákveðið að bjóða upp
á golfkynningu á miðvikudögum kl.
18, þar sem fólki gefst kostur á að
kynnast íþróttinni, halda á kylfunni
og slá nokkra bolta, fyrir aðeins 500
krónur. Og ég hef haldið því fram að
þetta hljóti að vera skemmtilegasta
íþrótt sem til er enda ekki til jafn
margir brandarar um nokkra aðra
íþrótt,“ sagði Kolbeinn.
Utskriftar-
sýning
HALLA Gunnlaugsdóttir held-
ur útskriftarsýningu frá Mynd-
listarskóla Arnar Inga í Kletta-
gerði 6 nú um helgina. Sýningin
verður opnuð í dag, laugardag,
kl. 14 og stendur til kl. 18. Opið
verður á sama tíma á morgun,
sunnudag.