Morgunblaðið - 27.05.2000, Síða 16

16 LAUGARDAGUR 27. MAÍ 2000
LANDIÐ
MORGUNBLAÐIÐ
Ljósmynd/Sigurgeir Jónasson
Grettir Jónsson frá Bakkaflugvelli, Bjarni Sighvatsson, Vestmanneyja-
flugvelli, Einar Jónsson, flugumferðarstjóri á Bakkaflugvelli, Kjartan
Sigurðsson frá slökkviliðinu á Reykjavíkurflugvelli og Jóhann I. Guð-
mundsson, flugvallarstjóri Vestmannaeyjaflugvallar, voru viðstaddir
brunaaefinguna.
Brunaæfing á flug-
vellinum
Vestmannaeyjum - Þegar Morgun-
blaðsmenn voru á ferð við flugvöll-
inn í Vestmannaeyjum rákust þeir á
starfsmenn Vestmannaeyjaflug-
vallar og starfsmenn frá Bakka-
flugvelli í Landeyjum þar sem þeir
voru æfðir í meðferð slökkvitækja
í Eyjum
og slökkvibifreiða vallanna. Kveikt
var í tveimur bflum og starfsmenn-
irnir æfðir í því að ráða niðurlögum
elds í þeim, æfingin tókst vel og er
hluti af stöðugri þjálfun starfs-
manna flugmálastjórnar við réttum
viðbrögðum á hættustund.
Vortónleikar í
Þórshafnarkirkju
Þórshöfn - Vortónleikar Tónlistar-
skólans á Þórshöfn voru að þessu
sinni haldnir í hinni nýju Þórshafn-
arkirkju í fyrsta sinn. Sóknar-
presturinn, Sveinbjörn Bjarnason,
lýsti ánægju sinni yfir því og sagði
meðal annars að fátt ætti betur við
á þessu ári kristnihátíðar en að fá
börn og unglinga með söng og tón-
list inn í kirkjuna.
Um tuttugu nemendur stunduðu
nám við tónlistarskólann á vorönn
og lærðu á ýmis hljóðfæri, einnig
stunduðu nokkrir söngnám. Kenn-
ari er Aleksandra Pitak frá Póll-
andi en hún hefur verið á Þórshöfn
í fjögur ár. Hún er nú á förum frá
Þórshöfn eftir farsælt starf og
þykir að henni mikill missir enda
hefur hún unnið frábært starf
þessi fjögur ár, svo sem tónleik-
arnir bera vitni um. Einnig hefur
hún þjálfað kirkjukórinn og sam-
kórinn. Áheyrendur voru á einu
máli um að tónleikarnir hefðu verið
vönduð og góð skemmtun og ekki
spillti fallegt umhverfi og góður
hljómburður í kirkjunni.
Skólastjóri grunnskólans og
tónlistarskólans er Ásgrímur Ang-
antýsson og upplýsti hann að búið
væri að ráða tónlistarkennara í
stað Aleksöndru svo uppbygging
tónlistarlífs á Þórshöfn heldur
áfram. Fyrirhugað er að starfsemi
tónlistarskólans flytji í stærra hús-
næði á næsta starfsári og verði í
næsta húsi við grunnskólann, þ.e. í
þeim hluta félagsheimilisins sem
áður voru skrifstofur sveitarfélags-
ins. Það mun bæta aðstöðuna og
hlúa enn fremur að tónlistarstarf-
semi í grunnskólanum.
Vaknandi tónlistaráhugi er í
grunnskólanum en auk Aleksöndru
hafa skólastjórahjónin Ásgrímur
og Berglind Magnúsdóttir komið
með gott innlegg í tónlistarlífið yfir
veturinn en þau eru bæði mikið
músíkfólk. Á árshátíð grunnskól-
ans settu þau upp með nemendun-
um atriði úr söngleiknum Gaura-
gangur en það heppnaðist sérlega
vel og var verkefni sem krakkarnir
höfðu mjög gaman af, svo ekki sé
talað um áheyrendur.
Ágætar horfur eru í kennara-
málum á næsta skólaári í grunn-
skólanum á Þórshöfn þótt ekki sé
búið að fullmanna endanlega í
kennarastöður. Þar vegur þungt að
skólastjórahjónin Asgrímur og
Berglind hafa ráðið sig áfram
næsta vetur og er það styrkur fyrir
skólann. Mikill mannauður er fólg-
inn í ungu og hæfileikaríku fólki og
gildir það ekki hvað síst á lands-
byggðinni því í fámenninu verður
vægi hvers einstaklings mikið.
r j i jd’ - . jf
F /v- mff 'ÆShBBí
&m . V j 1
ymm IV sÆ ILai
Morgunblaðið/Silli
Útskriftarárgangur Framhaldsskólans á Húsavík.
Skólaslit Framhalds-
skólans á Húsavík
Húsavík - Skólaslit og brautskráning
nemenda frá Framhaldsskólanum á
Húsavík fóru fram í Húsavíkur-
kirkju laugardaginn 20. maí. Fjöl-
Kóramót
eldri borgara
á Selfossi
Selfossi - Fimm kórar eldri
borgara af suðvesturhorni
landsins halda tónleika í sam-
komusal Fjölbrautaskóla Suð-
urlands á Selfossi laugardaginn
27. maí klukkan 16. Aðgangs-
eyrir er kr 1000.
Kóramir sem koma fram eru
Gafiarakóririn í Hafnarfírði,
Vorboðar í Mosfellsbæ, Eldey á
Suðumesjúm, Samkórinn
Hljómur frá , Akranesi og
Hörpukórinn í Árborg.
Kórarnir syngja hver fyrir
sig og síðan allir saman og að
venju er efnisskráin fjölbreytt
hjá þessum kórum. Kórarnir
hvetja Sunnlendinga til að
koma til þessara tónleika.
menni var við athöfnina sem var hin
hátíðlegasta. 35 nemendur vom
brautskráðir, þar af 28 stúdentar,
tveir af verknámsbraut, 2 af iðn-
braut vélsmíði og 3 með verslunar-
próf.
Skólameistari, Guðmundur Birkir
Þorkelsson, kom víða við í ræðu sinni
og lagði m.a. út af hinum tíðu veðra-
brigðum sem minna okkur á breyt-
ingamar sem mannlífið tekur næst-
um dag hvem og spurði hvort þessar
breytingar væru ekki nauðsynlegur
aflvaki framfara. Gunnar Baldurs-
son aðstoðarskólameistari flutti ann-
ál skólastarfsins, Kristján Bjarni
Halldórsson áfangastjóri stjómaði
útskriftarathöfn og verðlaunaveit-
ingu og Aðalgeir Þorgrímsson
nýstúdent flutti ávarp fyrir hönd út-
skriftamema. Við athöfnina söng
Margot Kees við undirleik Valmars
Valjouts en þau era bæði búsett í
Þingeyjarsýslu.
Bestum árangri á stúdentsprófi
náði Sigurveig Gunnarsdóttir frá
Húsavík sem var á náttúrufræði-
braut og var meðaleinkunn hennar
9,22. Hún fékk fern verðlaun fyrir
frábæran námsárangur á náttúraf-
ræðibraut frá Landvist ehf., í stærð-
fræði og eðlisfræði frá Tækniþingi
hf., í efnafræði frá Efnafræðifélagi
íslands og í þýsku frá þýska sendi-
ráðinu. Aðrir sem hlutu verðlaun
fyrir góðan námsárangur voru Krist-
ín Sigríður Pétursdóttir í íslensku
frá Máli og menningu og í þýsku frá
þýska sendiráðinu, Rannveig Guð-
mundsdóttir í frönsku frá Islands-
banka á Húsavík, Ingunn Vigdís
Sigmarsdóttir í samfélagsgreinum
frá Pricewaterhouse Coopers hf. og í
dönsku frá danska sendiráðinu, Að-
algeir Þorgrímsson í eðlisfræði og
tölvufræði frá E.G. Jónassyni ehf.,
Magnús Halldórsson og Kristinn
Haukur Guðnason fyrir félagsstörf
frá Tómstundanefnd Húsavíkur,
Jóna Árný Sigurðardóttir í ensku frá
Skipaafgreiðslu Húsavíkur, Stein-
grímur Gunnarsson í stærðfræði og
raungreinum frá Bókaverslun Þór-
arins Stefánssonar, Guðrún Björg
Aðalsteinsdóttir í samfélagsgreinum
frá Landsbanka íslands hf. og Unn-
ur Guðjónsdóttir frá Menningarsjóði
þingeyskra kvenna.
Alls hafa 370 nemendur útskrifast
írá Framhaldsskólanum á þeim
þrettán áram sem skólinn hefur
starfað. Þar af era 184 stúdentar, 62
á iðnbrautum og 124 í öðram starfs-
námsbrautum.
Blómlegt
íþróttalíf
á Héraði
Djúpavogi - Það má segja að eitt
af því sem íbúar á Austur-Héraði
geta státað af sé bldmlegt íþrótta-
líf. Enda var líf og fjör þegar fé-
lagar í íþróttafélaginu Hetti héldu
árlegan „Hattardag" í íþróttahús-
inu á Egilsstöðum, þar sem farið
var yfir helstu viðburði síðasta
árs. Valdir voru íþróttamenn fé-
lagsins fyrir árið 1999.
Hlutu eftirtaldir titlana; Hildur
Evlalía Unnarsdóttir, frjáls-
íþróttamaður Hattar, Erna Frið-
riksdóttir, sundmaður Hattar, Val-
dís Lilja Andrésdóttir,
fimleikamaður Hattar, Stefán Þór
Eyjólfsson, knattspyrnumaður
Hattar, Margrét Rán Helgadóttir,
skíðamaður Hattar og Þorbjörn
Björnsson, körfuknattleiksmaður
Hattar.
Að sjálfsögðu sýndu íþrótta-
Morgunblaðið/Hafdís Bogadóttir
Iþróttamenn sýndu gestum lítil-
lega hvað í þeim bjó, meðal ann-
ars með fimleikasýningu, fót-
bolta, skotkeppni í körfubolta
og svo var farið í létta leiki.
mennirnir gestum lítillega hvað í
þeim bjó, meðal annars með fim-
leikasýningu, fótbolta, skotkeppni
í körfubolta auk þess sem farið
var í létta leiki þar sem áhorfend-
ur fengu að spreyta sig.
Að lokum var fólki boðið í sund
eftir ánægjulegan dag.
Morgunblaðið/Ágúst Blöndal
Hjúkrunarfræðingar frá Fjórðungssjúkrahúsinu í Neskaupstað mæla
blóðþrýsing á fólki við verslun Sparkaups.
Heilsudag'ur í Fjarðabyggð
Neskaupstað - Að undanförnu hafa
staðið yfir heilsudagar í Fjarða-
byggð. Umhverfismálanefnd Fjarða-
byggðar stendur fyi-ir þeim í sam-
starfi við „Staðardagskrá 21“ ásamt
félagasamtökum, stofnunum og fyr-
irtækjum. Markmiðið með heilsudög-
unum er meðal annars að gera íbúana
meðvitaðri um umhverfi sitt og að
hvetja þá til bættrar heilsu með meiri
og markvissari hreyfingu.
Meðal þess sem í boði verður á
heilsudögunum er að ókeypis verður í
sundlaugamar á vissum dögum, veit-
ingastaðir bjóða afslátt á heilsusam-
legum réttum, ókeypis tilsögn verður
í golfi, farið verður í gönguferðir með
Ferðafélagi fjarðarmanna og hesta-
menn kynna starfsemi sína. Heilsu-
gæslustöðvar og verslanir á svæðinu
bjóða uppá ókeypis blóðþrýstings-
mælingar og létt þrekpróf, starfs-
menn garðyrkjudeildar og gámavalla
ræða við íbúa um klippingu trjáa og
runna og flokkun á úrgangi, verkefn-
isstjóri Bamaheilla mun flytja erindi
um kynferðisofbeldi gagnvart böm-
um og leiðir til að spoma við því og
fulltrúar SÁÁ flytja fyrirlestur íyrir
íþróttaþjálfara og flokkstjóra vinnu-
skóla.
Þess má geta að á heilsudögum var
haldinn fyrsti borgarafundurinn í
Fjarðabyggð. Þar var fjallað um
„Staðadagskrá 21“ og umræðuefnið
var; Hvemig viljum við hafa sveitar-
félagið okkar? Fundurinn var fjöl-
sóttur. Heilsudagarnir, sem hófust
25. apríl, munu standa fram eftir
sumri.