Morgunblaðið - 05.11.2004, Blaðsíða 2
2 FÖSTUDAGUR 5. NÓVEMBER 2004 MORGUNBLAÐIÐ
FRÉTTIR
ARAFAT ILLA HALDINN
Mjög misvísandi fréttir bárust í
gær af líðan Yassers Arafats. Full-
yrt var að Arafat væri í dauðadái og
að hann væri heiladauður en þessum
fregnuðu vísuðu sumir nánustu sam-
starfsmenn hans á bug. Þeir stað-
festu hins vegar að Arafat væri afar
þungt haldinn.
Nýr orkuforði?
Borun á 5 km dýpi eftir 400–600
gráða heitri gufu gæti leitt til end-
urmats á orkuforða þjóðarinnar, að
mati jarðfræðings hjá Íslenskum
Orkurannsóknum. Byrjað verður að
bora fyrstu djúpborholuna af þrem-
ur á næstu vikum á vinnslusvæði
Hitaveitu Suðurnesja á Reykjanesi
og er þess vænst að hver þeirra geti
gefið allt að 50 megawött.
Atlanta-þota í árekstri
Alvarlegt flugatvik varð á Man-
chesterflugvelli síðdegis í gær þegar
farþegaþota Atlanta Europe, sem
flugfélagið Excel Airways er með á
leigu, lenti í árekstri við þotu frá
flugfélaginu British Midland. Ekki
urðu slys á fólki en vélarnar lösk-
uðust talsvert.
Fjölgun „frávika“ í flugi
Rannsóknarnefnd flugslysa skráði
í fyrra 454 frávik í flugi, bæði ís-
lenskra loftfara og erlendra, en af
þeim fjölda voru 76 tekin til nánari
skoðunar. Til samanburðar skráði
RNF 93 atvik árið 2002 en fjölgunin
er m.a. rakin til mikillar fjölgunar
stórra þotna í flotanum, meiri um-
svifa og aukinnar áherslu á að skrá
slík frávik í flugi.
Mun stokka upp
George W. Bush mun stokka upp í
stjórn sinni nú þegar ljóst er að hann
verður áfram forseti Bandaríkjanna.
Þykir a.m.k. líklegt að John Ash-
croft dómsmálaráðherra muni biðj-
ast lausnar. Þá eru vangaveltur um
stöðu Colins Powells utanrík-
isráðherra og Donalds Rumsfelds
varnarmálaráðherra.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
Í dag
Sigmund 8 Umræðan 30/33
Viðskipti 14 Minningar 34/37
Erlent 16/19 Bréf 34
Austurland 21 Brids 38
Akureyri 21 Dagbók 42/44
Suðurnes 24 Menning 45/53
Landið 24 Fólk 48/53
Listir 25 Bíó 50/53
Forystugrein 28 Ljósvakamiðlar 54
Viðhorf 30 Veður 55
* * *
!
"
#
$
%&' (
)***
FULLORÐINN maður eða ung-
lingspiltur, úr því hefur ekki verið
skorið formlega enn, hefur sótt um
hæli hér á landi vegna ofsókna sem
hann kveðst verða fyrir í heimalandi
sínu, Albaníu. Hann segist vera 16
ára og því barn samkvæmt lögum en
Útlendingastofnun telur miklar líkur
á að hann sé eldri, miðað við útlit og
gervileika hans.
Að sögn Georgs Kr. Lárussonar,
forstjóra Útlendingastofnunar, kom
maðurinn til landsins frá París 6.
október sl. en hann hafði farið frá
Albaníu til Grikklands, þaðan til
Spánar og Frakklands áður en hann
kom hingað. Hann var með falsað
grískt vegabréf og var hann því
handtekinn af lögreglunni á Kefla-
víkurflugvelli. Daginn eftir óskaði
hann eftir hæli hér á landi. Hann
kvaðst vera 16 ára gamall og gæti
ekki snúið aftur til Albaníu þar sem
þar væri líf hans í hættu vegna fjöl-
skyldudeilna. Að sögn Georgs hefur
hann ekki gefið neinar upplýsingar
um hvar fjölskylda hans er niður-
komin.
Georg bendir á að samkvæmt
Dyflinnarreglugerðinni sé hælisleit-
anda tryggð hælismeðferð í ein-
hverju aðildarríki sáttmálans. Sé
viðkomandi á hinn bóginn yngri en
18 ára sé óheimilt að senda hann úr
landi, nema fyrir liggi staðfestar
upplýsingar um að hann sé í raun
eldri. Ekkert liggur fyrir um að mað-
urinn hafi sótt um hæli annars stað-
ar.
Læknisskoðanir
Georg segir því mikilvægt að
skera úr um hversu maðurinn sé
gamall. Þar sem hann ber því við að
hann sé í lífshættu í heimalandi sínu
og að stjórnvöld þar geti ekki veitt
honum vernd, sé Útlendingastofnun
óheimilt, samkvæmt flóttamanna-
sáttmála Sameinuðu þjóðanna, að
óska upplýsinga um hann hjá alb-
önskum yfirvöldum. Ofsóknir vegna
fjölskyldudeilna veita ekki vernd
samkvæmt flóttamannasamningi
SÞ, að sögn Georgs.
Til þess að fá úr því skorið hversu
maðurinn er gamall í raun hefur
hann gengist undir læknisskoðanir
en niðurstöður liggja ekki fyrir enn.
Þá hefur tengslanet Rauða krossins
verið virkjað til að leita að upplýs-
ingum um fjölskyldu hans.
Í desember í fyrra sóttu tveir pilt-
ar frá Sri Lanka um hæli hér á landi.
Þeir kváðust vera 17 ára gamlir en
þar sem Útlendingastofnun taldi
fullsannað að þeir væru 26 ára var
þeim vísað úr landi og þeir sendir til
Þýskalands. Georg segir að þýsk
stjórnvöld hafi staðfest að þeir væru
eldri en 18 ára. Frekari upplýsingar
hafi hann ekki fengið um afdrif
þeirra.
Hælisleitandi kveðst
vera 16 ára gamall
Útlendingastofnun telur hann eldri miðað við útlit
SAMKEPPNISSTOFNUN breytti
um viðmiðunartímabil sem samráð
olíufélaganna á að hafa náð yfir og
lengdi um tvö ár frá því sem var í
frumskýrslu hennar og því sem
birtist í endanlegu útgáfunni.
Þetta kemur fram í greinargerð
Jón Þórs Sturlusonar og Tryggva
Þórs Herbertssonar frá Hagfræði-
stofnun Háskóla Íslands í blaðinu í
dag vegna gagnrýni samkeppnis-
ráðs á sérfræðiálit þeirra fyrir olíu-
félögin þar sem því var haldið fram
að mat Samkeppnisstofnunar á
meintum ávinningi olíufélaganna
vegna samráðs væri algjörlega
órökstutt.
„Skýrt skal tekið fram að við
notuðum það tímabil sem miðað
var við í frumskýrslu Samkeppn-
isstofnunar, án þess að hafa undir
höndum forsendur þeirrar ákvörð-
unar,“ segja höfundarnir. „Ekki
virðist skýrt út í ákvörðun sam-
keppnisráðs af hverju breytt var
um viðmiðunartímabil frá því sem
gert var í frumathugun Samkeppn-
isstofnunar. Þá er órökstutt hvern-
ig mæla megi áhrif samráðs á ein-
ingarframlegð með því að bera
saman tvö tímabil þar sem samráð
er talið hafa átt sér stað í báðum
tilfellum. Samkeppnisráð telur í
ákvörðun sinni að samráð hafi ver-
ið viðhaft allt frá því að samkeppni
var gefin frjáls, þ.e.a.s. samráð hafi
einnig verið viðhaft á viðmiðunar-
tímabilinu. Um þetta atriði höfðum
við ekki vitneskju við vinnu okkar
skýrslna. Augljóst má þó vera að
þessar upplýsingar draga enn frek-
ar úr áreiðanleika mats Samkeppn-
isstofnunar á áhrifum samráðs.“
Segja þeir Jón Þór og Tryggvi
að hefði þeim verið þetta ljóst hefði
sennilega grundvallargagnrýni
þeirra á Samkeppnisstofnun snúist
um þá aðferðafræði að bera saman
einingarframlegð á tveimur tíma-
bilum þar sem samráð ríkti á báð-
um tímabilum og álykta út frá því
að breytingar á framlegð milli
tímabilanna hafi mátt rekja til
samráðs.
Sérfræðingar Hagfræðistofnunar Háskólans gagnrýna Samkeppnisstofnun
Breytt um viðmiðunartíma-
bil milli frum- og lokaskýrslu
Ómálefnaleg/miðopna
VERULEGA dró úr gosvirkni í
Grímsvötnum í fyrrinótt og sam-
kvæmt mælum er gosið nánast að
líða undir lok. Ragnar Stefánsson
jarðskjálftafræðingur útilokar þó
ekki að kraftur geti komið aftur í
gosið. Í gær komu upp stöku gusur
sem náðu aðeins upp í 100 til 200
metra hæð.
Ragnar sagðist ekki reikna með
að mikil aska bærist út í andrúms-
loftið því krafturinn væri svo lítill í
gosinu. „Þetta er orðið afskaplega
lítið gos sem stendur. Frá því seinni
partinn í gær hefur þetta verið nán-
ast ekkert,“ sagði Ragnar.
Dregur verulega
úr gosvirkni
Ljósmynd/Páll Stefánsson
BORGARRÁÐ samþykkti í gær að
fela Vilhjálmi H. Vilhjálmssyni hrl.
að meta, fyrir hönd Reykjavík-
urborgar, hvort bótaréttur er fyrir
hendi vegna meints ólöglegs sam-
ráðs olíufélaganna við gerð tilboða
í viðskipti við Reykjavíkurborg og
fyrirtæki borgarinnar og hefja
undirbúning kröfugerðar ef svo er.
Í greinargerð segir að niðurstaða
Samkeppnisstofnunar sé m.a. sú að
félögin hafi átt með sér víðtækt
ólöglegt samráð, m.a. við gerð til-
boða í viðskipti við Reykjavík-
urborg, þegar þau voru loks boðin
út árið 1996.
Bótaréttur borg-
arinnar metinn
HOLLENSKA flugfélagið KLM af-
lýsti á miðvikudag átta flugferðum
vegna öskuskýs frá eldgosinu í
Grímsvötnum. Sama dag var tugum
annarra ferða félagsins aflýst en
það var gert vegna þoku á Schip-
hol-flugvelli við Amsterdam.
Frank Houben, talsmaður KLM,
segir að flugferðirnar sem var af-
lýst hafi m.a. verið frá Moskvu og
Kænugarði. Hann hafði ekki upp-
lýsingar um hversu margir farþeg-
ar urðu fyrir töfum af þessum völd-
um. Í gær var flug með eðlilegum
hætti. Hjá SAS-flugfélaginu feng-
ust þær upplýsingar að engar tafir
hefðu orðið af völdum eldgossins.
KLM aflýsti átta
flugferðum
UPPSELT var á útgáfutónleika stúlknasveitarinnar
Nylon í Smáralind í gærkvöld en plata hennar, 100%
Nylon, er vinsælasta íslenska platan um þessar mundir
samkvæmt Tónlistanum svonefnda. Aðdáendur sveit-
arinnar á öllum aldri flykktust í Smáralind og urðu
ekki sviknir af því sem þar bar fyrir augu og eyru, en
ljósa- og hljóðbúnaðurinn, sem notaður var, var sá sami
og notaður var á tónleikum Van Morrison í Laug-
ardalshöll fyrir skemmstu.
Stúlkurnar láta ekki þar við sitja að halda eina út-
gáfutónleika, heldur efna til aukatónleika í Smáralind í
kvöld og annað kvöld.
Morgunblaðið/Þorkell
Nylon á sviði í Smáralind