Morgunblaðið - 05.11.2004, Blaðsíða 6

6 FÖSTUDAGUR 5. NÓVEMBER 2004 MORGUNBLAÐIÐ
FRÉTTIR
edda.is
Kristofer Boone er stærðfræðisnillingur en veit ekkert um
tilfinningar. Þegar hann finnur dauðan hund nágrannans
hefur hann rannsókn. Lausnin er stærri en nokkurn hefði
órað fyrir ... hún breytir lífi hans.
Trúið öllu hrósinu!
„Trúið öllu hrósinu:
Stórkostleg og hrífandi bók.“
- The Scotsman
Frumútgáfa bæði í kilju
og bandi. Þú velur!
Ein mest selda og vinsæl-
asta bók hins ensku-
mælandi heims á árinu 2004!
1.500.000 eintök seld! Ein af þessum
örfáu bókum sem allir verða að lesa.
WHSmith
Barnabók ársins
2004
WHSmith
Skáldsaga ársins
2004
Whitbread
verðlaunin
2004
LA Times-
verðlaunin
Guardian-
verðlaunin 2003
1. sæti
Metsölulisti PE -
Börn og unglingar
8. sæti
Skáldverk
27. okt. – 2. nóv.
LÍÐAN mannsins sem ráðist var á
með eggvopni í íbúð á Hverfisgötu
aðfaranótt miðvikudags er stöðug,
að sögn læknis á gjörgæsludeild
Landspítala – háskólasjúkrahúss.
Hann gekkst undir aðgerð og var
um tíma í öndunarvél en losnaði úr
henni fljótlega.
Meintur árásarmaður situr nú í
einangrun á Litla-Hrauni. Lög-
reglan í Reykjavík lagði hald á
nokkra hnífa í íbúð hans en ekki er
að fullu ljóst hverjum var beitt við
árásina.
Ekki ljóst hvaða
vopni var beitt
ÚRVINNSLUGJALD verður lagt á
heyrúlluplast frá og með næstu
áramótum eða væntanlega 25 krón-
ur á hvert kíló en gjaldinu er ætlað
að standa undir kostnaði vegna
meðhöndlunar notaðs heyrúllu-
plasts og þeim kostnaði sem hlýst af
endurnýtingu þess. Á bilinu 1.600–
1.800 tonn af heyrúlluplasti eru
flutt árlega til landsins en fram til
þessa hefur plastinu ekki verið
safnað með skipulögðum hætti.
Hefur mestu af því verið hent á
sorphauga eða það verið brennt en
urðun plasts eða brennsla heima á
bæjum er nú ekki heimil.
Ólafur Kjartansson, fram-
kvæmdastjóri Úrvinnslusjóðs, segir
að nú á næstunni verði auglýstir
skilmálar fyrir aðila til þess að
starfa við að safna plastinu saman
og koma því endurvinnslu.
Ólafur segir úrvinnslugjaldið á
plastið muni eingöngu renna til
endurvinnslu þess.
Gjald lagt á hey-
rúlluplast bænda
Morgunblaðið/RAX
ORKUVEITA Reykjavíkur (OR)
mun kaupa og reka kaldavatns-
veitu á Álftanesi frá og með næstu
áramótum ef samningar nást við
Sveitarfélagið Álftanes. Bæjarráð
Álftaness samþykkti á fundi sínum í
gær að fela bæjarstjóra að ljúka
samningaviðræðum við OR.
Guðmundur Þóroddsson, for-
stjóri OR, segir að það liggi beint
við að taka yfir rekstur kaldavatns-
veitunnar á Álftanesi, enda sjái OR
nú þegar um hitaveituna þar í bæ.
Kaupi OR vatnsveituna á Álfta-
nesi mun verð til neytenda haldast
svipað og áður, en Guðmundur seg-
ir að notað verði annað kerfi en nú
til þess að reikna út kostnað. „Þeir
eru með hlutfall af fasteignamati
en við notum fermetra í íbúð. Hjá
einstökum notendum getur þetta
breyst eitthvað en að jafnaði er
þetta mjög svipað verð.“
Guðmundur segist vonast til þess
að gengið verði frá samningum um
kaupin á næstu dögum. Ekki er
ljóst hvert kaupverðið verður, enda
ekki búið að ganga frá samningum.
OR kaupir vatns-
veitu á Álftanesi
STARFSMENN Bensínorkunnar
voru að störfum í Súðavík í vikunni
við að setja upp nýja sjálfs-
afgreiðslustöð þar sem áður var
bensínstöð Skelj-
ungs. For-
ráðamenn Bensín-
orkunnar ákváðu
að opna stöð í
Súðavík vegna
óánægju með að fá
ekki kost á lóð á
Ísafirði undir
bensínstöð. Þó að Orkustöðin hafi
verið opnuð verður hún formlega
vígð á morgun, laugardag.
Orkan með
stöð í Súðavík
LÖGÐ hefur verið fram á Alþingi tillaga til
þingsályktunar um stuðning við einstæða for-
eldra í námi. Flutningsmaður tillögunnar er
Bjarkey Gunnarsdóttir, varaþingmaður
Vinstrihreyfingarinnar – græns framboðs.
Meginefni tillögunnar er að Alþingi álykti að
fela menntamálaráðherra að skipa starfshóp
sem móti tillögur um aðgerðir til að bæta að-
stöðu einstæðra foreldra í námi með fjárhags-
legum og félagslegum stuðningi. Markmiðið sé
að einstæðir foreldrar geti fylgt jafnöldrum
sínum í námi á framhaldsskólastigi og stundað
nám á efri skólastigum til jafns við aðra.
Varaþingmaðurinn segir í greinargerð tillög-
unnar að hér sé um gríðarstóran þjóðfélagshóp
að ræða sem geti átt harla erfitt um vik þegar
komi að því að sækja sér menntun og stunda
sitt nám. Hún segir ennfremur að einstæðar
mæður skili sér illa í framhaldsskólanám. „Að-
eins 32,9% þeirra sem eru 19 ára eða yngri
stunda nám á framhaldsskólastigi,“ segir hún.
„Þá eru rúm 4% einstæðra mæðra 30 ára og
eldri við nám á framhaldsskólastigi.“ Í grein-
argerðinni segir einnig að hlutfall einstæðra
foreldra, feðra og mæðra, á aldrinum 20–29 ára
sem stundi nám á háskóla- eða sérskólastigi sé
um 15,1%.
Geti orðið mörgum ofviða
„Kostnaðurinn við að afla sér menntunar
getur hæglega orðið mörgum ofviða og þarf þá
ekki einstæða foreldra til,“ segir ennfremur í
greinargerð. „Hins vegar gefur auga leið að
fjárhagsstaða þeirra [einstæðra foreldra]er yf-
irleitt erfiðari en vísitölunámsmannsins ef svo
mætti að orði komast. Lánasjóður íslenskra
námsmanna hleypur undir bagga með skóla-
fólki upp að vissu marki en það takmarkast við
háskólanám og það sérskólanám sem telst láns-
hæft samkvæmt reglum lánasjóðsins. Út af
stendur allt almennt nám á framhaldsskólastigi
og kemur það afar illa við einstæða foreldra
sem hafa orðið að gera hlé á skólagöngu sinni
vegna fjölskylduaðstæðna. Eðlilegt væri að sá
starfshópur, sem hér er gerð tillaga um, færi
vandlega yfir það hvort ekki þurfi að breyta
lögum um Lánasjóð íslenskra námsmanna á
þann veg að námslán verði einnig veitt til for-
eldra sem eru að hefja nám á framhalds-
skólastigi á nýjan leik.“
Að fleiru þurfi þó að hyggja en fjárhagslegri
hlið málsins. „Félagslegar aðstæður verða að
vera þannig að einstæðir foreldrar geti yfir
höfuð sinnt sínu námi. Þar verður einkum að
staldra við húsnæðismál, dagvistun og leik-
skólamál. Verðlag á almennum leigumarkaði
hér á landi er með þeim hætti að slíkt húsnæði
er engan veginn á færi venjulegra einstæðra
foreldra ætli þeir sér að taka nám fram yfir
vinnu. Víst er að margir eiga ekki annarra
kosta völ en að búa í foreldrahúsum til að láta
enda ná saman þótt sú leið sé ekki endilega
ávísun á betri aðstæður til að sinna t.d. heima-
námi,“ segir í greinargerð tillögunnar.
„Við viljum öll státa af jafnrétti til náms í
okkar þjóðfélagi og það felur m.a. í sér greiðan
aðgang að námi á framhalds- og háskólastigi
án tillits til efnahags, búsetu eða fjölskyldu-
aðstæðna,“ segir að síðustu.
Stuðningur við einstæða í námi
HÆSTIRÉTTUR sýknaði í gær
ökumann bíls sem ákærður var
fyrir manndráp af gáleysi með því
að hafa ekið bíl sínum yfir á rang-
an vegarhelming á Vesturlands-
vegi með þeim afleiðingum að far-
þegi í bíl sem kom úr gagnstæðri
átt lést.
Slysið varð í ágúst 2002 við bæ-
inn Fiskilæk í Leirár- og Mela-
hreppi. Að mati Hæstaréttar þótti
sannað að bíll ákærða hefði verið á
röngum vegarhelmingi miðað við
akstursstefnu þegar áreksturinn
varð.
Hvorugur ökumannanna hefði
getið borið um aðdraganda árekst-
ursins vegna minnisleysis, en báðir
slösuðust alvarlega.
Þá taldi Hæstiréttur að skoðun
sem gerð var á bílunum eftir
áreksturinn hefði hvorki verið ít-
arleg né til þess ætluð að leiða í
ljós orsakir árekstursins. Á grund-
velli hennar varð því ekki útilokað
að bilun hefði orðið í bíl ákærða
skömmu fyrir áreksturinn. Komst
Hæstiréttur að þeirri niðurstöðu
að orsök árekstursins væri óupp-
lýst og því ósannað að bíll ákærða
hefði verið á röngum vegarhelm-
ingi vegna gáleysis hans. Málið
dæmdu hæstaréttardómararnir
Markús Sigurbjörnsson, Garðar
Gíslason, Gunnlaugur Claessen,
Hrafn Bragason og Ingibjörg
Benediktsdóttir. Verjandi ákærða
var Guðmundur Ágústsson hdl. og
sækjandi Sigríður Jósefsdóttir frá
ríkissaksóknara.
Gáleysi bílstjór-
ans ósannað
BÆJARRÁÐ Sveitarfélagsins Ölf-
uss hefur samþykkt að veita Vega-
gerðinni framkvæmdaleyfi vegna
lagningar Suðurlandsvegar um
Svínahraun. Bæjarstjórinn segist
hafa vissu fyrir því að þingmenn
kjördæmisins muni tryggja nægilegt
fjármagn til að byggð verði mislæg
gatnamót við Þrengslaveg. Hægt
verður að bjóða framkvæmdina út
fljótlega, samkvæmt upplýsingum
vegamálastjóra.
Vegagerðin hefur verið að undir-
búa lagningu nýs vegar frá Litlu
kaffistofunni, um Svínahraun og að
Hveradalabrekku. Suðurlandsvegur
styttist við þessa framkvæmd og
tvær erfiðar beygjur leggjast af. Til
stóð að bjóða út verkið með stefnu-
greindum gatnamótum á Þrengsla-
vegamótum. Bæjarstjórn Ölfuss
hafnaði beiðni Vegagerðarinnar um
framkvæmdaleyfi nema þar yrðu
byggð mislæg gatnamót. Vegagerðin
taldi að það myndi kosta 100 millj-
ónir til viðbótar, taldi sig ekki hafa
fjármagn til að leggja í það og hefur
ekki treyst sér til að bjóða verkið út
nema fyrir liggi framkvæmdaleyfi.
Bæjarstjórnir flestra stærri sveit-
arfélaga á Suðurlandi, samtök þeirra
og fleiri aðilar hafa tekið undir skoð-
anir bæjarstjórnar Ölfuss. Ólafur
Áki Ragnarsson, bæjarstjóri Ölfuss,
segir að þrátefli hafi verið komið upp
og hætta á að ekkert yrði úr þessari
framkvæmd. Bæjarstjórnin hafi
fengið vissu fyrir því að þingmenn
Suðurkjördæmis mundu tryggja
nægilegt fjármagn til þess að hægt
yrði að byggja þarna mislæg gatna-
mót. Það væri grundvöllur þess að
bæjarráð hefði ákveðið að veita leyfi
til framkvæmda.
Jón Rögnvaldsson vegamálastjóri
segir að verkhönnun sé á lokastigi og
megi búast við því að lagning veg-
arins verði boðin út fljótlega eftir að
framkvæmdaleyfi berst. Hann segist
þó ekki geta tjáð sig um það á þess-
ari stundu hvort gert yrði ráð fyrir
mislægum gatnamótum í útboðinu,
það færi eftir nýju kostnaðarmati
sem nú væri verið að vinna.
Morgunblaðið/Sverrir
Hættuleg beygja á Suðurlandsvegi við Þrengslavegamót lagast hvort sem þar verða byggð mislæg eða stefnugreind vegamót.
Bæjarráð samþykkir framkvæmdaleyfi á Suðurlandsvegi um Svínahraun
Mislæg gatna-
mót verði við
Þrengslaveg