Morgunblaðið - 05.11.2004, Blaðsíða 16

16 FÖSTUDAGUR 5. NÓVEMBER 2004 MORGUNBLAÐIÐ
ERLENT
Komdu í næsta útibú,
kanna›u máli› á kbbanki.is
e›a hringdu í síma 444 7000.
KYNNTU fiÉR HVERNIG
fiÚ GETUR LÆKKA‹
GREI‹SLUBYR‹I fiÍNA
ME‹ KB ÍBÚ‹ALÁNI
– kraftur til flín!
Félag íslenskra hjúkrunarfræðinga býður hjúkrunar-
fræðingum til 85 ára afmælishófs í Listasafni
Reykjavíkur, Hafnarhúsinu, föstudaginn 5. nóvember
kl. 17:00-19:00.
Allir hjúkrunarfræðingar velkomnir
Afmælishóf
Félags íslenskra
hjúkrunarfræðinga
í Listasafni Reykjavíkur
kl. 17.00-19.00
SAMFARA þing- og forsetakosningunum í Bandaríkj-
unum á þriðjudag var kosið um ýmis önnur mál. Í 11
ríkjum var samþykkt með miklum meirihluta að banna
hjónabönd samkynhneigðra, sem var eitt af hitamál-
unum í kosningabaráttunni, og í Kaliforníu var sam-
þykkt að verja þremur milljörðum dollara, um 207 millj-
örðum ísl. kr., til rannsókna á stofnfrumum.
Alls var kosið um 163 mál af þessu tagi í 34 ríkjum og
var tillagan um bann við hjónaböndum samkynhneigðra
samþykkt í öllum ríkjunum þar sem hún var á dagskrá.
Þar er um að ræða Arkansas, Georgíu, Kentucky, Mich-
igan, Mississippi, Montana, Norður-Dakóta, Ohio, Okla-
homa, Oregon og Utah. Var munurinn yfirleitt 3 á móti 1
nema í Oregon þar sem 55% studdu bannið.
Fréttaskýrendur telja, að deilurnar um þessi mál,
hjónabönd samkynhneigðra, hafi átt allmikinn þátt í að
auka fylgi við George W. Bush forseta.
Stofnfrumurannsóknir
samþykktar í Kaliforníu
Í Kaliforníu var tillaga um að ríkið kostaði miklu fé á
næstu 10 árum til rannsókna á stofnfrumum fósturvísa
samþykkt með 59% atkvæða gegn 41%. Sögðu stuðn-
ingsmenn tillögunnar, að þessar rannsóknir myndu
stuðla að lækningu ýmissa sjúkdóma, til dæmis krabba-
meins, alnæmis, mænuskaða og fleiri, og gera Kaliforníu
að forysturíki í líftækniiðnaði í heiminum. Andstæðing-
arnir mótmæltu því, að fósturvísar yrðu notaðir í þessum
tilgangi og sögðu, að ríkið hefði ekki efni á þessum rann-
sóknum en talið er, að með vöxtum fari kostnaðurinn yfir
400 milljarða ísl. kr. á næsta áratug.
Bush forseti hefur í raun bannað alríkisframlög til
rannsókna af þessu tagi en leikarinn og repúblikaninn
Arnold Schwarzenegger, ríkisstjóri í Kaliforníu, studdi
tillöguna.
Af tillögununum 163 voru margar heldur smávægileg-
ar og náðu yfirleitt ekki fram að ganga. Í Suður-Karólínu
var þó samþykkt að afnema 30 ára gamalt bann við því,
að barþjónar helltu víni í glös gesta úr venjulegum flösk-
um en það hafði þá neytt þá til að notast í staðinn við
smáflöskur eins og þær, sem fást í flugvélum. Í Maine
var lagt til, að bannað yrði að freista bjarndýra með mat
en ekki er ljóst hvort það var samþykkt.
Hert að ólöglegum innflytjendum
Í Arizona var samþykkt tillaga um aðgerðir gegn ólög-
legum innflytjendum en með henni verður bannað að
veita þeim ýmsa opinbera þjónustu. Montana varð 10.
ríkið til að leyfa marijúana í lækningaskyni en í Alaska
var fellt að leyfa almenna neyslu þess og líta það sömu
augum og áfengi.
Á Flórída var samþykkt að hækka lágmarkstímalaun
um einn dollara eða í 6,15 dollara, 425 kr. ísl., og eru þau
þá dollaranum hærri en lágmarkslaunin, sem alrík-
isstjórnin hefur ákveðið.
Í Colorado var felld tillaga um að skipta kjörmönnum
hlutfallslega milli frambjóðenda og í Suður-Dakóta var
felld tillaga um að lækka virðisaukaskatt á matvöru. Í
Maine var felld tillaga um að setja þak á fasteignaskatta
en andstæðingar hennar sögðu, að það myndi kalla á
uppsagnir meðal kennara og slökkviliðsmanna. Að lok-
um má nefna, að í Colorado, Oklahoma og Montana var
samþykkt að hækka skatta á tóbaki.
Hjónabandi samkyn-
hneigðra hafnað
Í þing- og forsetakosningunum í Bandaríkjunum var að
auki kosið um alls 163 sérmál í 34 sambandsríkjum
Los Angeles. AFP.
Reuters
Arnold Schwarzenegger, ríkisstjóri Kaliforníu, með
stuðningsmönnum sínum á kosninganótt. Hann studdi
ákaft tillögu um að styðja rannsóknir á stofnfrumum.
LEIÐTOGAR Evrópuríkja hvöttu í
gær George W. Bush forseta til að
eiga náið samstarf við bandamenn
Bandaríkjanna í málum eins og bar-
áttunni gegn hryðjuverkastarfsemi
og umhverfisvernd á síðara kjör-
tímabili hans. Þeir sem gagnrýnt
hafa Bush höfðu þó áhyggjur af því
að endurkjör hans yrði til þess að
hann fylgdi íhaldssamri stefnu sinni
enn fastar eftir.
Mörg evrópsk blöð létu í ljósi von-
brigði með sigur Bush og á forsíðu
svissneska vikublaðsins Facts var
honum lýst sem „martröð Evrópu“.
Spænska íhaldsblaðið El Mundo,
sem lagðist gegn innrásinni í Írak,
birti skopmynd þar sem Osama bin
Laden og Bush héldust í hendur og
hrósuðu sigri. „Eftirköst 11. sept-
ember, óttinn við hryðjuverk og þrá-
in eftir sterkum leiðtoga, urðu
þránni eftir breytingum yfirsterkari
vegna þess að flestir Bandaríkja-
menn vilja einföld svör við flóknum
vandamálum,“ sagði í forystugrein
El Mundo. „Því miður bendir allt til
þess að haukarnir kringum Bush líti
á úrslitin sem eindreginn stuðning
við kenninguna um fyrirbyggjandi
stríð og innrásina í Írak.“
Viðbrögð stjórnmálamannanna
voru jákvæðari og þeir vonuðust eft-
ir sáttum milli Bandaríkjanna og
Evrópulanda á síðara kjörtímabili
Bush.
„Í forsetatíð George W. Bush hef-
ur verið vaxandi spenna milli
Bandaríkjanna og Evrópuríkjanna.
Ég vona að hann geri sér far um að
bæta úr því og leggi meiri áherslu á
alþjóðlega samvinnu,“ sagði Kjell
Magne Bondevik, forsætisráðherra
Noregs, á miðvikudag.
Göran Persson, forsætisráðherra
Svíþjóðar, kvaðst hins vegar ekki
búast við neinni breytingu á utanrík-
isstefnu Bush. Anders Fogh Rasm-
ussen, forsætisráðherra Danmerk-
ur, var bjartsýnni og sagðist viss um
að Bush myndi gera sér far um
aukna samvinnu, jafnt við Samein-
uðu þjóðirnar sem Evrópu.
Franski utanríkisráðherrann Mic-
hel Barnier sagði að kominn væri
tími til að endurnýja samskipti
Bandaríkjanna og Frakklands á
jafnréttisgrundvelli. „Bandaríkja-
menn mega ekki ímynda sér að þeir
einir geti ráðið lögum og lofum í
heiminum,“ sagði Barnier.
Telja auknar líkur á sigri í
baráttu gegn hryðjuverkum
Vladímír Pútín, forseti Rússlands,
sagði að endurkjör Bush myndi
auka líkur á sigri í baráttunni gegn
hryðjuverkastarfsemi í heiminum.
Margir leiðtogar Asíuríkja tóku í
sama streng og sögðust einnig vona
að Bush stuðlaði að friðsamlegri
lausn deilunnar um kjarnavopna-
áætlun Norður-Kóreu. Aðrir létu í
ljósi áhyggjur af því að endurkjör
Bush leiddi til vaxandi ólgu meðal
múslíma og meiri spennu milli Vest-
urlanda og múslímaheimsins.
Tony Blair, forsætisráðherra
Bretlands, kvaðst ætla að knýja á
stjórn Bush um að beita sér meira
fyrir friði í Mið-Austurlöndum sem
hann lýsti sem „brýnasta pólitíska
úrlausnarefni heimsins“.
Viðbrögð einkennast af
óskum um bætt samskipti
London, París. AP, AFP.
Kjell Magne
Bondevik
Vladímír
Pútín
Bush hvattur til
að hafa meira
samstarf við
bandalagsþjóðir
Vönduð ryðfrí húsaskilti
Fjölbreytt myndaval
HÚSASKILTI
Klapparstíg 44,
sími 562 3614
18. nóvember er
síðasti pöntunar-
dagur fyrir jól
Pantið tímanlega
til jólagjafa
Rakarastofan
Klapparstíg
S: 551 3010