Morgunblaðið - 05.11.2004, Blaðsíða 32
32 FÖSTUDAGUR 5. NÓVEMBER 2004 MORGUNBLAÐIÐ
UMRÆÐAN
SJÁLFSTÆÐISMENN samein-
ast nú í aðför að Þórólfi Árnasyni
borgarstjóra. Davíð Oddsson segir
að borgarstjóra sé
hlíft í fjölmiðlum og
Birni Bjarnasyni þykir
við hæfi að tiltaka það
sérstaklega að ef hann
væri í sporum borg-
arstjóra, þá myndi
hann segja af sér.
Minni Björns og
sjálfsgagnrýni ná ekki
langt. Hann þurfti að
meta sína siðferðilegu
ábyrgð á málefnum
endurbyggingar Þjóð-
leikhússins og útdeil-
ingu eftirlitslausrar
ábyrgðar til Árna Johnsen. Hvorki
Björn né Árni hafa almennilega
gengist við þeim málum með svo
litlu sem að biðja þjóðina afsök-
unar. Sama máli gegnir um marga
aðra sjálfstæðismenn sem úthlutað
hafði verið ábyrgðarstöðum við op-
inberar stofnanir og hjá Landssím-
anum, en þurftu að segja sig frá
þeim vegna siðferðisbrests.
Margt bendir til að Kristinn
Björnsson, fyrrum forstjóri Skelj-
ungs, hafi verið aðalhvatamaður að
samráði olíufélaganna. Eftir inngrip
Samkeppnisstofnunar var hann
mjög gagnrýninn á störf stofnunar-
innar og heimildir hennar til rann-
sókna á starfsemi fyrirtækja. Nú er
það ljóst að rannsókn þessara mála
tafðist vegna þess að ekki fengust
fjármunir til að fjölga starfsfólki
svo vinna mætti hratt og markvisst
að niðurstöðu. Það er auðvitað ekki
hægt annað en að
skoða hina hörðu
gagnrýni Kristins á
samkeppnisyfirvöld og
synjun á auknu fjár-
magni til rannsókn-
arinnar í því ljósi að
kona hans er ráðherra
í ríkisstjórninni sem
hafði ekki vilja til að
ljúka málinu á skil-
virkan hátt. Talið er
líklegt að það hversu
rannsóknin hefur tekið
langan tíma muni
stuðla að því að refsi-
ábyrgð einstaklinga í málinu sé
fyrnd. Nú er eðlilegt að spyrja
Davíð Oddsson að því hvort það
hafi verið meðvituð ákvörðun að
hafa þennan hægagang í málinu til
að „hlífa“ einhverjum aðilum?
Í fjölmiðlaumfjöllun síðustu daga
hefur þungi umfjöllunarinnar um
samráð olíufélaganna verið látinn á
herðar Þórólfs Árnasonar borg-
arstjóra. Hann hefur lýst því að
hann skilji gremju fólks út af mál-
inu, gengist við sinni ábyrgð, ræðir
hana og horfir beint í augun á
borgarbúum og landsmönnum öll-
um. Forhertur brotavilji forsvars-
manna Skeljungs og samstarfsvilji
Þórólfs koma fram í ákvörðun Sam-
keppnisstofnunar um mismiklar
sektir, þar sem Esso fær mikinn af-
slátt en Skeljungur engan. Hvar er
Kristinn Björnsson í þessari um-
ræðu? Það er ekki mikið um að
hann komi fram í fjölmiðlum eftir
að alvarleiki málsins varð ljós og
útskýri þátt sinn í því sem virðist
vera mikill. Hann mætti þó fyrir
nokkru á fremsta bekk fyrir miðju
á hátíðarsamkomu Sjálfstæð-
isflokksins í tilefni 75 ára afmælis.
Þar stigu þeir hver á eftir öðrum í
pontu og töluðu af sannfæringu og
sjálfbirgingi um óskeikula starfs-
hætti flokksins. Fjölmiðlar mega
ekki „hlífa“ fyrrverandi forstjóra
Skeljungs sérstaklega vegna
tengsla hans við Sjálfstæðisflokkinn
og fyrrverandi dómsmálaráðherra.
Úr múruðu glerhúsi
Gunnlaugur B. Ólafsson fjallar
um vandræði borgarstjóra ’Í fjölmiðlaumfjöllunsíðustu daga hefur
þungi umfjöllunarinnar
um samráð olíufélag-
anna verið látinn á
herðar Þórólfs Árnason-
ar borgarstjóra.‘
Gunnlaugur B. Ólafsson
Höfundur er
framhaldsskólakennari.
UNDARLEGUM áfanga náði
Morgunblaðið í gær þegar blaðið
birti grein eftir Guðrúnu Kristínu
Steingrímsdóttur, titlaða tann-
lækni, þar sem hlakkað var yfir
hótunum um líkamlegt ofbeldi sem
hafðar höfðu verið í frammi af al-
kunnum ofbeldismanni við ætt-
ingja starfsmanna á DV – í kjölfar
þess að blaðið hafði skrifað um of-
beldisverk viðkomandi, hótanir
hans í garð fólks og annan ófögnuð
af því tagi.
Látum vera þótt Guðrúnu Krist-
ínu þyki það skemmtilegt. Hitt
þykir mér verra að Morgunblaðið
skuli athugasemdalaust birta
dæmalausar fullyrðingar Guðrún-
ar Kristínar um vinnubrögð á DV.
Þar er beinlínis fullyrt – eins og um
staðreynd sé að ræða – að blaða-
menn á DV „birta [vísvitandi] þeir
meiðyrði, upplognar sögur um
heiðvirt fólk“. Jafnframt er fullyrt
að „sögur“ sem „illa gert og/eða
vanheilt fólk“ hefur „spunnið upp“
hafi blaðamenn á DV síðan
„skreytt með upplognum staðhæf-
ingum“. Ef „sagan er ekki nógu
djúsí þá sjá þeir um að redda því“.
Og áfram í sama dúr talað um
„lygar“, að lesendur DV láti
„ljúga“ að sér og svo framvegis.
Fyrir þessum óhróðri og rógi um
alla starfsmenn á DV, sem undir
þessu hljóta að liggja, birtir Guð-
rún Kristín engin dæmi. Ekki eitt
einasta.
Fullyrðingar hennar geta því
ekki verið svaraverðar en alvar-
legra að Morgunblaðið skuli hafa
birt þessa ritsmíð. Rökstudd gagn-
rýni er eitt, en er það ný stefna
Morgunblaðsins að birta svívirð-
ingar um fólk algjörlega án rök-
stuðnings? Dæmalaust með öllu?
Ég get að minnsta kosti upplýst
hér að grein af því tagi sem Morg-
unblaðið birti í gær hefði ég ekki
leyft birtingu á í DV. Ekki í
óbreyttu formi.
Þótt greinin sé – vegna þeirra
annmarka sem á henni eru – ekki
svaraverð hlýt ég þó að setja hér
fram fáeinar athugasemdir um efni
hennar. Hvaða skoðun sem Guðrún
Kristín kann að hafa á ritstjórn-
arstefnu DV, framsetningu frétta
og þvíumlíku, þá verð ég að frá-
biðja mér mjög stranglega allar
fullyrðingar hennar um „upplogn-
ar fréttir“ og þess háttar. DV fer
að mörgu leyti aðrar leiðir en tíðk-
ast hefur í íslenskri blaðamennsku
um skeið og birtir til dæmis ýmsar
fréttir sem hvorki Morgunblaðið
né Fréttablaðið myndu birta en
upplognar fréttir birtast EKKI á
síðum blaðsins.
Fyrir því eru
engin dæmi
Þótt blaðamenn DV hafi gegnum
tíðina skrifað um mörg erfið og við-
kvæm mál hefur það heldur aldrei
gerst að blaðið hafi orðið uppvíst
að upplognum fréttum. Stundum
hefur mátt deila um framsetningu
– stöku sinnum hafa blaðamenn
gert mistök eins og allir blaðamenn
á öllum blöðum gera – haft ekki alls
kostar rétt eftir, túlkað eitthvað
kannski ekki sem nákvæmast og
þess háttar, eins og hendir alla
blaðamenn stöku sinnum – en
dæmi um slíkt af DV eru þó sárafá.
Og þessi sárafáu dæmi eru ein-
göngu til marks um mannleg mis-
tök á ritstjórn blaðsins en auðvitað
ekki vilja til að birta „upplognar
sögur“.
Við þolum alveg gagnrýni á
vinnubrögð okkar. Ef við reynumst
hafa gert eitthvað rangt
viðurkennum við það fúslega og
leiðréttum. En ég hef litla þolin-
mæði gagnvart ásökunum af því
tagi sem birtist í grein Guðrúnar
Kristínar. Um „upplognar fréttir“
og þess háttar. Fyrir því er enginn
staður.
Reyndar get ég fullyrt að á DV
gildi strangari innanhússreglur um
að blaðamenn kanni sannleiksgildi
fullyrðinga viðmælenda sinna en á
nokkrum öðrum íslenskum fjöl-
miðli.
Að Morgunblaðið skuli birta
þennan dæmalausa atvinnuróg um
kollega þykir mér … ja, heldur
verra, skulum við segja.
Illugi Jökulsson
Dæmalaust
Höfundur er ritstjóri DV.
Allt til músaveiða
og fl ugnaveiða
Rafmagnsfl ugnabanar, límborðar,
fl ugnaljós o.fl .
Verslunin er staðsett á Selfossi
Opið mán.-fi m. 9-13,
föstudaga 9-18 og laugardaga 11-14
Gagnheiði 59 • meindyravarnir@meindyravarnir.is
www.meindyravarnir.is • s: 482 3337 & 893 9121
Fyrirtæki - stofnanir - heimili
Hér með tilkynnist að umsókn („umsóknin”) um tilskipun að heimila flutn-
ing almennrar áætlunar um vátryggingarviðskipti („áætlunin”) samkvæmt
VII hluta fjármagnsþjónustu- og markaðslaga 2000, var hinn 14. október
árið 2004 lögð fyrir undirrétt æðra dómstóls af hendi CMS. Áætlunin gerir
ráð fyrir flutningi til CMS á almennum vátryggingaviðskiptum Bretlandsúti-
bús flutningsaðilans.
Afrit af skýrslunni, sem óháður sérfræðingur hefur samið, og yfirlýs-
ing er gerir grein fyrir skilmálum áætlunarinnar og inniheldur ágrip af
skýrslunni, fást á heimasíðunni http://www.grmsolutions.com/mer-
ger.html. Einnig er hægt að fá afrit án afgjalds frá Reynolds Porter
Chamberlain (lögmönnum flutningsaðila og CMS) eins og segir hér að
neðan.
Ákveðið er að umsóknin verði tekin fyrir hjá umsóknadómaranum í Royal
Courts of Justice, Strand, London WC2A 2LL, hinn 17. desember 2004. Sér-
hver aðili, sem telur að hann eða hún mundi verða fyrir skakkaföllum vegna
framkvæmdar áætlunarinnar, á rétt á að koma máli sínu á framfæri
(sjálf(ur) eða af hendi löglegs fulltrúa) í æðri dómstólnum þegar umsóknin
verður tekin fyrir. Hver sá, sem hyggst gera það, og hver sá, er fellst ekki á
áætlunina en hyggst ekki vera viðstaddur réttarhaldið, er beðin(n) að til-
kynna mótbárur sínar Jonathan Hyde hjá Reynolds Porter Chamberlain að
Chichester House, 278-282 High Holborn, London, WC1V 7HA eins fljótt og
auðið er og allavega fyrir 15. desember 2004 eða í símbréfi í síma 00 44
(0)20 7242 1431 eða tölvupósti til jvh@rpc.co.uk
Í UNDIRRÉTTI ÆÐRI DÓMSTÓLS (SÉRDEILD DÓMS)
FÉLAGARÉTTUR Nr 6314 árið 2004
Málið varðandi THE CONTINENTAL INSURANCE COMPANY
(„flutningsaðili”)
og málið varðandi CONTINENTAL MANAGEMENT SERVICES
LIMITED („CMS”)
og málið varðandi fjármagnsþjónustu- og
markaðslög 2000
B L Ó Ð Þ R Ý S T I N G S M Æ L I R
Eirberg ehf. • Stórhöfða 25 • 110 Reykjavík • sími 569 3100 • www.eirberg.is
Blóðþrýstingsmælar frá Geratherm
eru sjálfvirkir, nákvæmir og
einfaldir í notkun. Mæla bæði
blóðþrýsting og púls.
Fylgstu með heilsunni. Greindu háþrýsting með reglulegum
mælingum og fyrirbyggðu alvarlegar afleiðingar hans
með viðeigandi læknismeðferð.
á líkamann!
Hlustaðu
VEÐUR
mbl.is