Morgunblaðið - 01.05.2005, Blaðsíða 4
4 SUNNUDAGUR 1. MAÍ 2005 MORGUNBLAÐIÐ
FRÉTTIR
KJARTAN J. Hauksson kafari,
sem fyrir tveimur árum varð að
hætta við hringróður sinn um land-
ið á árabát, er ekki af baki dottinn
og ætlar hann í sumar að ljúka ætl-
unarverki sínu. Ferðalagið hefst í
Bolungarvík á sjómannadaginn
sem er 5. júní og áætlar hann að
ljúka ferðinni á sex til átta vikum.
Þá hefur hann lagt að baki um
3.000 kílómetra. Sem fyrr er ferðin
tileinkuð ferðasjóði Sjálfsbjargar.
Tvisvar í sjávarháska
sama árið
Flestum er væntanlega í fersku
minni fyrri tilraun Kjartans sum-
arið 2003. Ferðalagið hófst í ágúst
og sóttist honum ágætlega þar til
ógæfan dundi yfir í Rekavík bak
Látrum um mánuði síðar þar sem
ankeri bátsins slitnaði upp með
þeim afleiðingum að bátinn rak
upp í brimgarðinn þar sem honum
hvolfdi og hann gjöreyðilagðist.
Kjartan slapp sem betur fer lítið
meiddur og skip Grænfriðunga,
Rainbow Warrior, fann seinna bát-
inn og kom honum til hafnar. Þar
með var hrakningum Kjartans það
árið þó ekki lokið því í desember
var hann við annan mann um borð
í trillu sem sökk vestur af Reykja-
nesi og björguðust þeir eftir að
hafa ríghaldið sér í björgunarhring
í um hálftíma. Þegar Morgun-
blaðið ræddi við hann daginn eftir
sagði hann að í ljósi síðustu at-
burða væri réttast að breiða sæng-
ina yfir sig og taka því rólega það
sem eftir var af árinu. Nú er Kjart-
an greinilega kominn undan sæng-
inni og tilbúinn til að takast á við
aðra þrekraun.
Báturinn sem Kjartan reri árið
2003 hafði agnarsmátt hús sem
Kjartan gat notað til að hvílast
milli þess sem hann reri 14 tíma á
dag og var ætlun hans að koma
einungis 3–4 sinnum í land meðan
á ferðalaginu stóð. Nú hefur Kjart-
an fengið nýjan bát sem er veru-
lega frábrugðinn þeim eldri og er
t.a.m. ekki aðstaða til að sofa um
borð. Kjartan mun því koma reglu-
lega í land en á útvöldum stöðum
verður tekið á móti honum með
viðhöfn.
Vekur athygli á ferða-
möguleikum fatlaðra
Markmiðið með ferðinni er að
vekja athygli á möguleikum fatl-
aðra til ferðalaga og að safna fé í
hjálparliðasjóð Sjálfsbjargar sem
hefur það markmið að auðvelda
hreyfihömluðum að ferðast. Sjóð-
urinn var stofnaður árið 1997 og
voru veittir úr honum margir
styrkir þar til sjóðurinn tæmdist
árið 2004.
Að sögn Arndísar Guðmunds-
dóttur, fræðslufulltrúa Sjálfs-
bjargar, er nú stefnt að því að
safna nægilegu fé til að vextirnir
dugi fyrir greiðslum úr sjóðnum.
Fjáröflun meðal fyrirtækja
muni hefjast von bráðar, á vefsíðu
samtakanna verði tengill inn á
styrktarsíðu auk þess sem fleira
verði gert í fjáröflunarskyni. Arn-
dís segir að Sjálfsbjörg beri engan
kostnað vegna leiðangursins. Atl-
antsskip hafi þegar styrkt verk-
efnið með því að flytja bátinn frá
Bandaríkjunum til Íslands.
Kjartan J. Hauksson kafari er ekki af baki dottinn
Ætlar að ljúka hringróðr-
inum í kringum landið
Morgunblaðið/Árni Sæberg
Kjartan J. Hauksson ætlar að róa bátnum réttsælis um landið frá Bol-
ungarvík til Reykjavíkur og safna fé fyrir Sjálfsbjörgu.
Eftir Rúnar Pálmason
runarp@mbl.is
KÁRAHNJÚKAVIRKJUN Bor-
verkið í Kárahnjúkavirkjun hefur
sem kunnugt er sigið nokkuð aftur
úr áætlun. Fyrir því eru að sögn
Sigurðar Arnalds hjá Landsvirkjun
nokkrar ástæður. Þar á meðal erf-
itt berg sem þarf að styrkja sér-
staklega. Borinn þarf þá að stoppa
á meðan bergið er styrkt með stál-
bogum og sprautusteypu. Borinn
TBM1, sem er á leiðinni inn eftir
Fljótsdalsheiði og hefur gengið
hvað verst, borar t.d. samsíða jarð-
lögum. Lendi hann í mjúku jarðlagi
er hann lengi að tafsa í því. Önnur
ástæða tafa er bilanir. Borarnir
sjálfir hafa ekki bilað og ekkert
hefur hent krónurnar sem mylja
bergið, en færiböndin sem hanga
aftan úr borunum hafa viljað bila.
Þá hefur TBM 3, sem byrjaði inn af
Glúmsstaðadal og borar í átt að
Hálslóni, verið undanfarið í mjög
vatnsríku bergi og myndarlegur
lækur verið inni í þeim göngum.
Vatnsaginn þar hefur með jarð-
fræðina að gera, en þar eru berglög
sem hafa orðið til við eldgos undir
jökli; bólstraberg, kubbaberg og
mjög brotið berg sem aldrei hefur
verið þjappað almennilega saman
af mörgum ísöldum. Þetta berg er
því mjög vatnsríkt og pípir hraust-
lega inn í göngin þar.
Verði borverkið nokkra mánuði á
eftir áætlun megi t.d. bora með
gömlu aðferðinni, að bora og
sprengja, á móti TBM-risabor-
unum.
Morgunblaðið/Steinunn Ásmundsdóttir
Vatn streymir í umtalsverðu magni út úr gangamunna í Glúmsstaðadal,
þar sem risabor þrjú hefur snúist 4,5 km á rúmlega 150 m dýpi í áttina að
Hálslóni. Hann á tæpan kílómetra eftir á áfangastað.
Pípir hraustlega
inn í göngin
Eftir Steinunni Ásmundsdóttur
steinunn@mbl.is
EKKI verður gengið lengra í aðhaldi
og sparnaði ef Háskólinn á áfram að
geta staðið undir þeim kröfum og
væntingum sem þjóðfélagið gerir til
hans. Þá þarf fjárveiting til rann-
sókna við Háskóla Íslands að
minnsta kosti að tvöfaldast, til að það
sé sambærilegt við rannsóknafé ann-
arra norrænna háskóla.
Þetta kemur fram í ályktun Há-
skóla Íslands vegna skýrslu Ríkis-
endurskoðunar, sem samþykkt var á
sameiginlegum fundi háskólaráðs og
deildarforseta. Einnig segir í álykt-
uninni að fjárveiting til kennslu við
HÍ sé einnig lág í samanburði við
hliðstæða erlenda háskóla. Í skýrslu
Ríkisendurskoðunar eru sex nor-
rænir háskólar bornir saman, en að
meðaltali eru tekjur á skráðan nem-
anda 90% hærri í hinum norrænu
skólunum en í HÍ. Að lokum segi: „Í
kjölfar skýrslu Ríkisendurskoðunar
hefur menntamálaráðherra lýst því
yfir að efla þurfi háskólamenntun í
landinu með Háskóla Íslands í far-
arbroddi. Um leið og tekið er undir
þessi ummæli ráðherra verður að
ætlast til þess að stjórnvöld hækki
fjárveitingar til Háskóla Íslands svo
þær verði sambærilegar við fjárveit-
ingar til norrænna háskóla.“
Bæta þarf hlut
Háskóla Íslands
ÞINGMENN Vinstrihreyfingarinnar
– græns framboðs hafa birt upplýs-
ingar um fjárhagsleg málefni sín,
eignatengsl og allar tekjur í því skyni
að opna fyrir umræðu um fjármál
stjórnmálaflokka og stjórnmála-
manna. Upplýsingar um fjármál
þingmannanna er að finna á vefsíðu
flokksins, www.vg.is undir liðnum
„Þingmenn“. Bókhald flokksins hefur
einnig frá upphafi legið fyrir.
Fæstir þingmenn Vinstri-grænna
hafa aðrar tekjur en þingfararkaup
og þiggur Ögmundur Jónasson þing-
flokksformaður ekki að jafnaði tekjur
fyrir störf sín í þágu BSRB.
Í tilkynningu frá VG segir að þótt
gott sé og blessað að einstakir þing-
menn birti upplýsingar um hagi sína
sé síður en svo nóg að gert. Aðalatrið-
ið sé að fjármál flokkanna liggi ljós
fyrir og gefi ekki tilefni til tortryggni
og gruns um óeðlileg hagsmuna-
tengsl. Gera verði þá kröfu til stjórn-
málaflokkanna að þeir opni bókhald
sitt og upplýsi um fjármál sín.
Þingmenn VG upp-
lýsa um fjármál sín