Morgunblaðið - 01.05.2005, Blaðsíða 22

22 SUNNUDAGUR 1. MAÍ 2005 MORGUNBLAÐIÐ
Á
Hrafnistuheimilun-
um fjórum búa um
700 heimilismenn og
þar eru að sögn
Sveins H. Skúlasonar
forstjóra 950 starfs-
menn í 650 stöðugild-
um. Veltan er tveir og hálfur millj-
arður. Þetta er því umfangsmikil
starfsemi og margt sem kallar að,
bæði í endurbótum og rekstri. Nú
eru hafnar framkvæmdir við endur-
bætur á húsnæði Hrafnistu í
Reykjavík.
„Hrafnista í Reykjavík var opnuð
1957 og samkvæmt ýtrustu kröfum
þess tíma. Vaxandi þrýstingur er í
þjóðfélaginu nú þess efnis að eldri
heimilum fyrir aldraða sé breytt
þannig að sem flestir eigi kost á að
búa í sérbýlum með sérsnyrtiað-
stöðu. Í daglegu starfi finnum við
mjög greinilega fyrir þessu, bæði
hjá væntanlegum heimilismönnum
og aðstandendum þeirra. Því höfum
við nú hafið framkvæmdir við breyt-
ingar á herbergjum þannig að við
gerum tvö herbergi að einu, stærð
herbergisins verður þá um 25 fer-
metrar með salerni.
Einnig höfum við verið að fækka
fjölbýlum og á þessu stóra heimili
þar sem erum 340 heimilismenn nú
eru aðeins um 40 sem eru í fjölbýlis-
herbergjum.
Svar við kalli tímans
Framkvæmd þessi er mjög viða-
mikil og dýr og áætlaður kostnaður
er um 800 milljónir króna.
Fjármögnun framkvæmda sem
þessara er þannig háttað að ríkið
tekur þátt í 40% kostnaðar en 60%
eru þá sjálfsaflafé. Við uppbyggingu
og breytingu á Hrafnistu hefur
happdrættið lagt inn ómældar fjár-
hæðir í áranna rás, enda er allur
hagnaður af happdrættinu settur í
slík verkefni en aldrei í rekstur.
Það eru sjómannasamböndin í
Reykjavík og Hafnarfirði sem hafa
byggt upp Hrafnistuheimilin og pen-
ingalegur arður hefur aldrei gengið
til samtakanna. Þeim sem eru í for-
ystu Sjómannadagsráðs er þetta
hugsjón sem enn lifir og á sér rætur
allt aftur til 1938, er umræður fyrst
urðu um þetta mál.
Eins og fram kemur hefur pen-
ingalegur arður aldrei gengið til sjó-
mannasambandanna en það má
segja að ef að sjómaður er metinn í
mjög brýnni þörf, sambærilegri við
aðra, þá er litið til hans með velvilja
vegna sögulegra forsendna og er það
eini arðurinn sem sjómenn hafa af
því að eiga þessi heimili.
Auk þess að eiga Hrafnistuheim-
ilin í Reykjavík og Hafnarfirði rekur
Sjómannadagsráð hjúkrunarheimil-
Hugsjónin lifir
Mikil umræða hefur verið
að undanförnu í samfélag-
inu um kjör eldra fólks. Á
Hrafnistuheimilunum búa
700 manns. Guðrún
Guðlaugsdóttir ræddi við
Svein H. Skúlason forstjóra
um breytingar og fram-
kvæmdir á heimilunum og
gekk með honum um
Hrafnistu í Reykjavík.
Morgunblaðið/Eyþór
Á vaktinni. F.v. Elsa María Þór, Gerður Sigurjónsdóttir, Valdís Antonsdóttir og Ingibjörg Ólafsdóttir.
Það er mikið spjallað í anddyri Hrafnistu í Reykjavík.
Fundarsalur í risi, þar voru áður vistherbergi.
F.v. starfsstúlkurnar Sigrún Pálsdóttir og Sigrún Indriðadóttir.