Náttúrufræðingurinn - 1936, Blaðsíða 40
34 NÁTTÚRUFRÆÐINGURINN
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiimiiiiimiiiiiimiiiiiiiuiimiiiiiiiiimiiiiiiiiiiiiiiiiiiiuiiiiiiiiiiiiimiiiiiiiiiiiiiiiiiiiiiiitr
Stærsta tegund af rækjubotnvörpu, sem hefir 110 feta höfuð-
línu, kostar 310 danskar krónur hjá „Fiskenetfabrikken Dan-
mark“, Helsingör, og auk þess kosta hlerarnir kr. 200. Býzt eg
við, að þetta firma gefi allar upplýsingar um verð á rækjubotn-
vörpum, og ef til vill rækjuháfum (Sænkenet for Rejer), og leið-
beini um notkun þeirra.
4. Aflamagn og verð. Bretar, Þjóðverjar, Danir, Frakkar
og fleiri þjóðir Evrópu veiða aðrar tegundir af rækjum en þessa,
kampalampinn lifir nefnilega einungis á nokkuð djúpu vatni, og
þær Norðurlandaþjóðir, sem nú veiða hann að nokkrum mun, eru
aðeins Norðmenn, og Svíar að nokkru leyti; en vegna mergðar-
innar veiðist, þrátt fyrir það, meira af honum en nokkurri ann-
arri tegund af rækjum. Árið 1933 veiddust alls í Evrópu rúmar
5000 smálestir af rækjum, og þar af hafa meira en fjórir fimmtu
hlutar verið kampalampar, því að Norðmenn einir veiddu 3321
smálest, en Svíar 1186 smálestir.
Því miður er ekki auðvelt að sjá það á alþjóðaskýrslum, hve
mikið fæst fyrir kampalampa á erlendum markaði, en á hinn bóg-
inn getum við fengið að vita um heildartölur. Árið 1933 fengu
þannig Norðmenn 4.796.000 kr., eða tæpar fimm milljónir fyrir
ýmis lægri sjávardýr, og af því var nærri helmingur rækjur. Svíar
fengu þetta sama ár 1.619.000 kr., og yfirgnæfandi hlutinn af því,
sem selt var fyrir þessa upphæð, var kampalampi. Með þessum
ófullkomnu tölum vildi eg sýna, að það eru ekki smávegis tekjur,
sem þessi eina tegund sjávardýra gefur, tegund, sem nóg er til af
hér við land, og að mestu hefir verið látin ónotuð fram til þessa.
5. Kampalampa-magnið hér við land. Kampalampinn lif-
ir einkum í köldum höfum. Við vestanvert Atlanzhaf nær heim-
kynni hans frá ströndum Grænlands suður að Massachusetts. Við
Evrópu er kampalampi á öllu svæðinu frá Franz Jósefs landi,
suður með öllum Noregs ströndum, alla leið suður í Skagerak, og
loks er hann einnig til í Norðanverðu Kyrrahafi. Við Noreg er
hann helzt í fjörðum með 100—700 m. dýpi, og mest kvað hann
veiðast, þar sem hitinn er um sex stig og seltan um 3.5%.
Kampalampinn hér við land hefir lítið verið rannsakaður, en
það er óhætt að fullyrða, að nóg er til af honum alls staðar þar,
sem skilyrði eru til, þar sem hiti og dýpi er innan ákveðinna
marka. Eg vil aðeins nefna það, þessu til sönnunar, að enginn hörg-
ull virðist vera á kampalampa úti fyrir Vestf jörðum, og meira að
segja ekki inni á fjörðum, þar sem dýpið er nægilegt. Sama máli