Skírnir - 01.01.1920, Page 20

14
Dr. Paul Carns.
[Skirnir
það einnig upprunalega að þakka, að mér voru send gefins
tímarit félagsins, og flest hin merkustu heimspekisrit, sem
það gaf út á enskri tungu. Arið 1893 leiddist Bertel vistin
í Chicago og þótti húsbóndinn heldur vinnuharður, en
játaði þó lærdóm hans og dugnað. Stóð þá til hin mikla
veraldarsýning í Chicago og segir Bertel í bréfi til mín,
að nú sé hann á förum vestur að Kyrrahafi, til að flýja
bansetta fordild og hégóma veraldarinnar, er hann daglega
horfi á grindahjallana og tyldrið út í Jaekson Park. En
hvort hann eða aðrir hafa ráðið því, veit eg ekki, að eg
var kjörinn til að mæta á þinginu, sem »Folklorist« —
þjóðsagnafræðingur. í Chicago kyntist eg dr. Carusi, en
þó bréflega, því sjálfan fann eg hann aldrei; við þekt-
umst aðeins af bréfum og myndum. Eg kom upp til hans
einn dag þar sem hann bjó í einu turnhúsinu á 17. lofti^
og hugði að hitta hann heima, en sá þar ekkert annað
merkilegra en blekbyttu þá, sem Lúther varpaði á móti
kölska í Wartburg forðum. Carus gerði gaman að því í
hréfi til mín, og þótti ilt að hafa ekki fundið mig, og gat
þess sem var, að G-unnlögsen hefði mjög vakið forvitni
sína gagnvart eyjunni elds og sögu, er Island héti. hafði
og B. G-. birt nokkrar greinar um ísland og bókmentir
vorar í Open Court. Æ síðan eftir ferð mína vestur hélt
Carus trygð við mig og land vort, og skrifaði eg honum
aldrei svo línu að hann ekki svaraði því með mestu
mannúð, og nú á eg töluvert safn af völdum bókum
frá honum.
Dr. Carus andaðist snemma á þessu sumri 67 ára gamall
og þau minningarorð, sem hér fara á eftir, hefi eg eftir blaðinu
»Dial«, er samið hefir yfirlit yfir æfi Carusar og lýst per-
sónu hans, og heitir höfundurinn prófessor Leonard, eftir-
maður hins alkunna prófessors William James. Lýsir
hann dr. Carusi yfirleitt á þennan hátt:
Dr. Carus var hinn drengilegasti maður ásýndum,
göfuglyndur og vinfastur og svo mikill fræðimaður, að
hann má vel kalla hinn síðasta »polyhistor.« Mátti svo-
segja, að hann væri alstaðar heima og jafnvígur á alt.