Skírnir - 01.01.1920, Page 44

38 Elías Lönnrot og Kalevala. [Skírnir
sem svo sjaldan bar að garðif mentaða ferðamenn, og
ávinna sér traust þeirra, klæddist Lönnrot til ferðarinnar
finskum bóndabúningi og kom í öllu fram sem óbreyttur
alþýðumaður. Kvaðst hann vera bóndason austan úr
Kyrjálalandi, er væri á leið heim til ættingja sinna í
kynnisferð. G-at þeim, er ekki þektu manninn, sízt ann-
að til hugar komið en að svo væri sem hann sagði, er
hinn lærði magister — en það var hann orðinn þá —
barði að dyrum í bóndabúningi sínum með malpoka sinn
á bakinu, byssuna við öxl, stafinn í hendi, létta gönguskó
á fótum og stnttu reykjarpípuna sína i öðru munnvikinu.
Honum var þá líka víðast vel tekið. Þræddi hann í þess-
ari ferð sinni þær bygðir, þar sem helzt var að vænta
þess, að hann rækist á kvæðamenn (runolainer). En
þeirra vegna var ferðin farin: að skrifa upp eftir þeim.
Varð Lönnrot allmikið ágengt í þessari fyrstu ferð
sinni. En umfram alt sannfærðist hann um, að enn lifðu
í minni finskrar alþýðu gnóttir hinna einkennilegustu
söngva, fornra og nýrra, sem nauðsyn bæri til að færa í
letur, svo að þær ekki glötuðust ókomnum tímum og kyn-
slóðum. Jafnframt sannfærðist hann um, að afarmargt væri
sérkennilegt í fari alþýðunnar, sem verðskuldaði, að því væri
meiri gaumur gefinn, daglegum siðum hennar, lifnaðar-
háttum og lífsvenjum, slíku ljósi sem með því væri brugð-
ið yfir hugsana- og hugmyndalíf þessara barna eyðiskóg-
anna miklu bæði í nútíð og á löngu liðnum tímum.
Og þess þóttist hann og vís verða, að hér væri meira
en nóg æfistarf einum manni, enda var hann nú staðráð-
inn í að helga sig þvi og leggja með því sinn skerf til
endurvakningar finskrar menningar. Þó komst hann ekki
til Kyrjálalands í þessari fyrstu ferð sinni og þótti honum
það miður. En öllum vinum þjóðlegra finskra fræða í
Helsingfors fanst mikið til um, er þeir urðu þess vísari,
hve mikið honum hafði ágengt orðið í ferðinni, þótt ékki
hefði hann komist svo langt sem áformað var. Bjó hann
nú til prentunar kvæði þau, sem honum höfðu safnast í
þessari fyrstu ferð hans, og gaf þau út í nokkrum heftum