Morgunn - 01.12.1974, Side 45

HAFSTEINN BJÖRNSSON MIÐILL SEXTÍU ÁRA 123
átakiimikil þjálfun miðils er. Hann verður iðulega að þola
miklar líkamlegar þjáningar meðan verið er að „tengja“ hann
hinum æðri sviðum. Oft létu Kvaranshjónin Hafstein gista
hjá sér. þegar hann var illa haldinn eftir erfiða fundi, því
þá var hann hræddur við að fara heim í einmanalegt her-
bergi sitt. Það var honum ómælanleg huggun á þessu erfiða
tímabili að njóta verndar þessara þroskuðu lijóna, og því hef-
ur hann aldrei gleymt og telur sig aldrei geta fullþakkað það.
Þann 30. okt. s.l. var Hafsteinn Björnsson sextugur og
stendur nú á hátindi frægðar sinnar. Fyrir tíu árum gaf einn
af hans mestu velunnurum, Jónas Þorbergsson, fjrrrv. útvarps-
stjóri, honum þennan vitnisburð:
„Af hugrænuin eða sálrænum miðlum, sem ég hefi um
ævina kynnzt, er Hafsteinn Björnsson langsamlega mestur.
Hjá honum hefur þrennt farið saman: 1 fyrsta lagi frábærir
hæfileikar allt frá bernsku. 1 öðru lagi kunnáttusamleg og
vandvirk þjálfun undir handarjaðri Einars H. Kvarans. 1
þriðja lagi óhvikul, einlæg trúmennska og kostgæfilegt starf
um meira en aldarfjórðungsskeið í þágu spíritismanns og
ætlunarverks hans fyrir okkur mennina á jörðu hér.“
Hafsteinn Bjömsson er umvafinn góðum og hlýjum hugs-
unum frá hvers konar fólki um allt land, þvi með starfi sínu
hefur hann læknað ótal sár, bæði andlegs og líkamslegs eðlis.
Þakklætið streymir þvi til hans úr öllum áttum. Fyrir slíkan
mann er gott að lifa. Hann verður vafalaust allra karla elztur.
Mér dettur því ekki í hug að fara að rekja hér í þessari grein
æviferil hans. Það liggur ekkert á því. Ég vil heldur í tilefni
þessa merkisafmælis hans reyna að sýna stöðu hans sem
miðils i dag.
í bókmenntum Islendinga úir og grúir af frásögnunr um
dularfull fyrirbæri, allt frá fornritum okkar, sögunum, til
æviminninga einstakra Jslendinga á 20. ökl. 1 bókaverzlun-
uni fer þeim bókum fjölgandi með ári hverju, sem eingöngu
fjalla um sálræn eða dularfull fyrirbrigði og eru bækur um
slíkt efni iðulega metsölubækur.
Af hverju sem það kann nú að stafa þá er það staðreynd,