Morgunn - 01.12.1974, Blaðsíða 86

164
MORGUNN
Einn þessara manna, sr. Bolli Gústafsson, hélt þessu fram
í hugvekju í Mbl. sunnudaginn 13. okt. s.l.
Hann vitnar i predikun eftir próf. Harald heitinn Níelsson
til þess aS hressa upp á hugvekju sína. En bætir svo við þess-
ari klausu:
„Prófessor Haraldur Níelsson var of vitur maður til
að ala á öfgum, þótt hann va>ri boðberi nýrra, róttæki-
legra (sic!) skoðana í trúarefnum, sem vöktu ólgu í ís-
len/.ku þjóðfélagi og skiptu mönnum i andstæðar fylk-
ingar. En sennilega hefur hann aldrei órað fyrir því, að
sálarrannsóknarstefnan ætti eftir að leiða til sértrúar,
sem tæki þá öfgafullu afstöðu, að ekkert skipti manninn
meira máli en það eitt, að eignast áþreyfanlega tryggingu
fyi'ir því, að lif sé að þessu loknu. Að líkindum hefur
fátt átt drýgri þátt í því að draga úr þekkingarþrá manna
eftir boðskap Jesú Krists. . . .“
Hvað á maðurinn við með þessari ægilegu „sálarannsóknar-
stefnu“? Á hann við stefnu sálarrannsóknafélaganna á ís-
landi? Og hún leiðir til „sértrúar"? Það kemur þeim vafa-
laust á óvart, sem tekið hafa þátt i starfi þessara félaga að
heyra, að þeir með því hafi gengið á hönd einhverjum sér-
trúarflokki! Og það svo stórhættulegum kristninni í landinu
að „Að líkindum hefur fátt átt drýgri þátt (hressilega stuðl-
að!) í þvi að draga úr þekkingarþrá manna eftir boðskap Jesú
Krists! Það munar ekki um það!
Til þess að ganga í sálarrannsóknarfélag á Islandi, þarf
maður ekki að fallast á neina sérstaka skoðun, hvorki í trú-
málum né öðrum efnum. Þelt.a eru bara samtök frjáls fólks,
sem hefur áhuga á að fræðast eitthvað um hin huldu öfl
mannssálarinnar. Þessu fólki hefur aldrei verið boðið að trúa
einhverri „sálarrannsóknarstefnu“. Hitt er annað mál, að
rannsókn dularfullra fyrirbæra leiðir vitanlega hugann fyrst
og fremst að Kristi, hinum máttuga manni kraftaverkanna.
Séra Bolli Gústafsson er hér því bersýnilega að berjast við
vindmillur sinnar eigin ímyndunar. En úr því hann er svona