Læknablaðið - 15.09.2000, Page 65
UMRÆÐA & FRÉTTIR /
samkeppnisreglna? Um það verður fjallað í næsta
blaði.
Nýr ritari var kjörinn í stjórn Læknafélags íslands,
Hulda Hjartardóttir, og kom hún í stað Arnórs
Víkingssonar sem gaf ekki kost á sér.
Alyktanir þær sem lágu fyrir fundinum voru flestar
samþykktar, sumar með allmiklum breytingum eftir
meðferð í starfshópum. Þær ályktanir sem
samþykktar voru fylgja hér á eftir en umræðu
aðalfundarins verður fylgt eftir í Læknablaðinu síðar.
Samþykktir aðalfundarins
Aðalfundur Læknafélags íslands, haldinn á ísafirði
dagana 25.-26. ágúst 2000, heimilar stjórn félagsins að
kaupa eða leigja á fjárhagsárinu 2001 fjarfundabúnað
til nota í fundarsölum læknafélaganna í Hlíðasmára 8.
Aðalfundur Læknafélags íslands, haldinn á
ísafirði dagana 25.-26. ágúst 2000, ítrekar afstöðu
aðalfundar félagsins á fyrra ári þess efnis, að lögum
um gagnagrunn á heilbrigðissviði sé áfátt, þar sem
ekki sé gert ráð fyrir skriflegu samþykki sjúklings og
lögin geta því grafið undan þeim trúnaði, sem ríkja
þarf milli læknis og sjúklings. Fundurinn hvetur lög-
gjafarvaldið til að snúa þessu til betri vegar.
Aðalfundur Læknafélags íslands, haldinn á
ísafirði dagana 25.-26. ágúst 2000, lýsir yfir fullum
stuðningi við stjórn félagsins við þá vinnu sem hún
hefur lagt í að fá leyfishafa miðlægs gagnagrunns á
heilbrigðissviði til að afla gagna í grunninn með
viðunandi hætti. Fundurinn staðfestir þá skoðun
stjórnar félagsins að ekki verði við annað unað en að
aflað verði persónulegrar heimildar til flutnings
heilbrigðisupplýsinga um þá einstaklinga, sem
grunninn eiga að mynda.
Aðalfundur Læknafélags íslands haldinn
dagana 25. og 26. ágúst 2000 á ísafirði heimilar stjórn
félagsins að leita nýrra leiða við öflun samþykkis til
læknisfræðilegra rannsókna á upplýsingum í sjúkra-
skrám. Hún taki mið af því að eftir tiltekinn dag gildi
skrifleg heimild sjúklinga til að nota megi upplýsingar
úr sjúkraskrám til læknisfræðilegra rannsókna og að
þróaðar verði aðferðir til að eyða upplýsingum úr
gagnagrunnum samkvæmt ósk einstaklinga eða for-
ráðamanna þeirra.
Aðalfundurinn felur stjórninni að hafa að öðru
leyti í huga við vinnu sína sjónarmið, sem fram koma
í þeirri ályktunartillögu landlæknis, sem fyrir fund-
inum liggur og meðfylgjandi greinargerð og tillögur
formanns Læknafélags íslands, dagsettar 25. maf
2000, samþykktar á stjómarfundi þann 30. sama
mánaðar.
Aðalfundur Læknafélags íslands, haldinn á
ísafirði dagana 25.-26. ágúst 2000, telur biðlista innan
heilbrigðisþjónustunnar óviðunandi. Töf á meðferð
mun fyrr en síðar leiða til aukins kostnaðar í
heilbrigðiskerfinu, versnunar sjúkdóma, vinnutaps,
þjáninga og tvísýnni endurhæfingar. Læknafélag
Islands skorar á heilbrigðisyfirvöld og fjárveitingar-
valdið að leysa þennan vanda.
Aðalfundur Læknafélags íslands haldinn á
ísafirði dagana 25.-26. ágúst telur að skipulag
stjórnunar í heilbrigðiskerfinu þarfnist endur-
skoðunar. Fundurinn felur stjórn félagsins að leita
eftir viðræðum við heilbrigðisyfirvöld um þetta mál,
þannig að reynsla og fagleg þekking lækna nýtist til
stjómunarstarfa.
Aðalfundur LÍ haldinn á ísafirði dagana 25.-26.
ágúst 2000 skorar á stjórnvöld mennta- og heilbrigðis-
mála að endurskoða menntakerfi heilbrigðisstétta,
með það að markmiði að skilgreina þarfir sam-
félagsins í framtíðinni á þessari þjónustu og leita leiða
til að mæta þeim með nægu, vel menntuðu starfsfólki.
Jafnframt lýsir LÍ sig tilbúið til að taka þátt í þeirri
vinnu.
Aðalfundur Læknafélags íslands haldinn
dagana 25. og 26. ágúst 2000 á ísafirði samþykkir að
leggja ekki að svo stöddu frekari fjármuni úr sjóðum
félagsins til Nesstofusafns. Fellur niður það sem ónýtt
er af fjárveitingu samkvæmt ályktun aðalfundar
félagsins 1998 til Nesstofusafns.
Ennfremur beinir aðalfundur því til stjómar, að
erindi verði sent bæjarstjórn Seltjarnarness þess efnis
að lóð, sem var úthlutað fyrir lækningaminjasafn í
Norðurtúni verði haldið til haga fyrir byggingu
væntanlegs safns.
AÐALFUNDUR LÍ ■
Læknablaðið 2000/86 605