Þjóðmál - 01.06.2010, Blaðsíða 22
20 Þjóðmál SUmAR 2010
kvæmda stjóra fjármálasviðs Seðlabankans,
grein fyrir stöðu mála og klukkan tíu næsta
morg un áttu þeir William og Óttar Pálsson,
aðal lög fræðingur Straums, fund með seðla
banka mönnum, þeim Svein Harald Øygard
banka stjóra, Arnóri Sighvatssyni aðal hag fræð
ingi og Tryggva Pálssyni . Þetta var þriðji dagur
norska seðlabankastjórans í embætti . Á fund
inum gerðu Straumsmenn grein fyrir að kall
andi lausafjárvanda bankans, sem þeir töldu
tímabundinn þar eð sala eigna var á allra næsta
leiti . Á fundinum óskaði Straumur eftir fyrir
greiðslu að fjárhæð hundrað milljónir evra .
Fundur þessi stóð yfir í um klukkustund og
mestur tími fór í að kynna málefni Straums
fyrir nýjum seðlabankastjóra . Engar almennar
umræður fóru því fram um þessi mál, en
fulltrúar Seðlabankans kváðust vera undrandi
á harkalegri afstöðu breska fjármálaeftirlitsins .
Svein Harald Øygard segir að Straumsmenn hafi
ekki gert Seðlabankanum grein fyrir áhyggjum
breska fjármálaeftirlitsins á þessum fundi, en
Seðlabankinn hafi fengið vitneskju um þær
áhyggjur síðar um daginn . Hefði þeim þá orðið
ljóst að lausafjárstaða Straums var enn alvarlegri
en þeir höfðu búist við .11
Laust fyrir hádegi sama dag funduðu þeir
William Fall og Óttar með þremur fulltrúum
Fjármálaeftirlitsins, þeim Ragnari Hafliðasyni,
starfandi forstjóra, Helgu Rut Eysteinsdóttur og
einum starfsmanni til viðbótar . William reifaði
stöðu mála fyrir fulltrúum Fjármálaeftirlitsins,
en honum þótti auðheyrt að Bretarnir hefðu rætt
við starfsmenn íslensku systurstofnunarinnar .12
Eftir hádegi fóru William og Óttar til fundar
við tvo fulltrúa forsætisráðuneytis og var þeim
kynnt áætlunin Project Return, sem fjallaði um
það hvernig Straumur gæti komið að endurreisn
íslensks efnahagslífs, en þessi kynning var útbúin
í byrjun febrúarmánaðar . Kynningunni mun
hafa verið vel tekið . Í forsætisráðuneytinu finnst
þó ekki eitt einasta skjal sem varðar málefni
StraumsBurðaráss .13
11 Svein Harald Øygard, viðtal 17 . desember 2009 .
12 William Fall, viðtal 21 . september 2009 .
13 Bréf Ragnhildar Arnljótsdóttur, ráðuneytisstjóra
forsætisráðuneytis, til höfundar, dags . 19 . nóvember 2009 .
Stjórnendur Straums upplýstu breska fjár
málaeftirlitið um það klukkan 16:00 sama dag
að 19 af 21 banka hefðu fallist á að framlengja
lán sem voru á gjalddaga mánudaginn 9 . mars .
Sölur á ýmsum eignum voru fyrirliggjandi og
töldu stjórnendur Straums ágætar líkur á að
staðið yrði við skuldbindingar bankans í næstu
viku .
Klukkan 10:00 að morgni föstudagsins 6 .
mars settu þeir William Fall og Stephen Jack,
fjármálastjóri Straums, sig aftur í samband
við breska fjármálaeftirlitið . Þá höfðu allir
bank arn ir 21 samþykkt að afborgunum
skyldi frestað og allt stefndi í að sölu á
fjarskiptafélaginu Netia lyki síðar hinn sama
dag . Stephen Jack var staddur á Íslandi þessa
daga, og þeir Fall og Jack áttu dagleg samskipti
við breska fjármálaeftirlitið dagana 4 . til 8 .
mars .14 Ákveðið var að þeir skyldu kynna
stöðu mála fyrir Bretunum aftur síðdegis
sama dag og kl . 18:00 ræddu þeir á nýjan
leik við Bretana . Þá höfðu verið undirritaðir
samningar við alla bankana 21 . Salan á Netia
hafði tekist og búist var við að greiðsla bærist
undir lok dags miðvikudaginn 11 . mars . Þeir
Stephen Jack og William Fall höfðu engu að
síður komist að þeirri niðurstöðu þennan sama
dag að án frekari fyrirgreiðslu Seðlabanka yrði
Straumi fyrirmunað að opna fyrir viðskipti að
morgni 9 . mars .15 Í samkomulagi Straums við
helstu lánardrottna fólst að gjalddagar lána
upp á 130 milljónir evra í maí færðust yfir
á þriðja ársfjórðung . Tímann skyldi nýta til
aðhaldsaðgerða, svo sem sölu eigna . Afrakstur
þeirrar sölu yrði síðan notaður til að greiða
niður lánin . Raunar hafði verið unnið að
eignasölu frá hausti 2008 . Var uppskeran farin
að skila sér og búist var við að 200 milljónir
evra myndu fást fyrir sölu eigna á næstu
mánuðum .16
Lausafjárstaða bankans hafði versnað eftir
mik ið útstreymi af innlánsreikningum bank
ans . Alls munu innlendir innistæðueigendur
14 Tölvupóstur Stephen Jack til William Fall, dags . 24 .
ágúst 2009 .
15 Sama heimild .
16 „Straumur samdi við kröfuhafa í síðustu viku .“
Fréttablaðið, 13 . mars 2009 .