Þjóðmál - 01.06.2010, Blaðsíða 28
26 Þjóðmál SUmAR 2010
Klukkan fimm að morgni mánudagsins 9 . mars
kom skilanefndin til höfuðstöðva Straums .
Formaður hennar var skipaður Reynir Vignir,
en aðrir nefndarmenn voru Kristinn Freyr
Kristinsson, Arna Guðrún Tryggvadóttir, Elín
Árnadóttir og Ragnar Þórður Jónasson . Fimm
menningarnir í skilanefndinni virtust ekki vita
hvert hlutverk þeirra væri og þurftu að hringja
fjölmörg símtöl til Fjármálaeftirlits til að fá
svör við fyrirspurnum stjórnenda Straums .39
William Fall spurði formann skilanefndarinnar
þriggja spurninga þá um nóttina: Hver væri
eigandi bankans, í umboði hvers væri hann
nú sem forstjóri og hvort gætt yrði jafnræðis
gagnvart kröfuhöfum . Formaður nefndarinnar
gat ekki svarað fyrri spurningunum tveimur,
en innlendir innistæðueigendur nytu forgangs
umfram aðra kröfuhafa .40
Það sem blasti við stjórnendum Straums var:
• að við svo búið var stjórnendum félagsins
óheimilt að leita greiðslustöðvunar;
• að bankinn gat ekki hafið viðskipti að nýju
nema fyrirmæli kæmu þar að lútandi;
• að lokað yrði með viðskipti á hlutabréfum
félagsins í Kauphöllinni;
• að til stæði að vernda innistæður íslenskra
innistæðueigenda í Straumi sérstaklega og
þar með yrði gengið á rétt annarra kröfu hafa .
Þetta væri að þeirra mati beinlínis ólög legt .41
Hins vegar var öldungis óljóst:
• hvernig eignarhaldi bankans væri háttað;
• hvort hann yrði áfram starfræktur;
• hver framtíð starfsfólksins yrði;
• hver lagaleg staða bankans væri, jafnt með
tilliti til íslenskra laga og ekki síður með hlið
sjón af alþjóðlegum reglum .42
William Fall ráðfærði sig við Óttar Pálsson
og voru þeir báðir þeirrar skoðunar að staða
39 William Fall, viðtal 21 . september 2009 .
40 Tölvupóstur William Fall til Ingva Snæs Einarssonar,
dags . 20 . ágúst 2009 .
41 William Fall: „Review of Events Leading up to STRB
going into administration“ .
42 Sama heimild .
Williams væri óverjandi (e . untenable position)
og því ekki um annað að ræða en hann segði
starfi sínu lausu . Þegar þarna var komið sögu
var klukkan 5:30 .43
Stephen Jack var mættur til skrifstofu sinnar
í Lundúnum klukkan 6:00 um morguninn
og átti samtal við Fall, sem tilkynnti honum
að sett hefði verið skilanefnd yfir bankann
og að hann hefði afráðið að láta af störfum .
Fall skýrði þessa ákvörðun svo fyrir Jack, að
hann kysi að hverfa frá störfum í ljósi þess að
íslenska Fjármálaeftirlitið hygðist mismuna
innistæðueigendum á grundvelli þjóðernis .
Slík mismunun gengi í berhögg við Evrópu
tilskipanir og hann gæti ekki hugsað sér að
koma nærri ákvörðunum sem hugsan lega
vörðuðu við lög . William Fall taldi sér ekki fært
að sitja lengur í embætti forstjóra við þessar
aðstæður vegna óljósrar stöðu og ólöglegrar
meðferðar á kröfuhöfum og nefndi við Jack að
það ætti hugsanlega einnig við um hann .44
Þá þegar um morguninn var unnið að því
hörðum höndum að semja áætlun um sam
skipti bankans, jafnt inn á við sem út á við,
en útibúin í austanverðri Evrópu opnuðu
tveimur tímum fyrr en skrifstofan í Reykja
vík . Því var nauðsynlegt að upplýsa stjórn
endur þar undireins um það sem gerst hafði .
Það féll algjörlega í hlut stjórnenda Straums að
upplýsa fjölmiðla og þar með almenning um
hina skyndilega breyttu stöðu en skilanefndin
kom ekkert að málum strax, enda virtist
hlutverk hennar enn vera mjög óljóst og
gátu nefndarmenn lítið svarað spurning
um stjórnenda Straums og þurftu ítrekað
að hringja til Fjármálaeftirlitsins um leið
beiningar .45 Klukk an 7:45 var tilkynning send
Kaup höll inni um að skilanefnd hefði tekið
yfir vald hlut hafa fundar og starfsmannafundir
boð að ir klukkan 9:00 . Enn fremur var boðað
til fram kvæmdastjórnarfundar .
William Fall flaug til Lundúna síðdegis hinn
43 Tölvupóstur William Fall til Ingva Snæs Einarssonar,
dags . 20 . ágúst 2009 .
44 Tölvupóstur Stephen Jack til William Fall, dags . 24 .
ágúst 2009 .
45 Tölvupóstur William Fall til Ingva Snæs Einarssonar,
dags . 20 . ágúst 2009 .