Þjóðmál - 01.06.2010, Blaðsíða 23

Þjóðmál SUmAR 2010 21
hafa tekið átján milljónir evra út úr bankanum
laust fyrir helgina . Var þetta tilkomið vegna
mikillar lækkunnar á hlutabréfamörkuðum,
en gefin höfðu verið út fjölmörg veðköll af
þeim sökum .17 Höfundur hefur ekki fund­
ið heimildir sem styðja að hugsanlegur upp­
lýsingaleki frá stjórnvöldum hafi leitt til hinna
miklu úttekta .
Að morgni laugardagsins 7 . mars átti
Óttar Pálsson óformlegt símtal við einhvern
af undirmönnum viðskiptaráðherra .18 Fann
Óttar að því að stjórnvöld gæfu erfiðleikum
Straums ekki nægjanlegan gaum . Óttar gerði
William grein fyrir efni þess samtals og William
punktaði hjá sér að Óttar
is being informed that, while the matter was
being discussed, a big issue was going to be
that the Government could not afford to be
seen “saving” BTB [Björgólfur Thor Björg­
ólfsson] in any way .19
Svein Harald Øygard kannast ekki við að skort
hafi á pólitískan vilja til að bjarga Straumi . Þvert
á móti hefðu allar ákvarðanir Seðlabankans
verið teknar á faglegum grundvelli . Í samtali
við höfund tók hann þó fram að hann gæti
vitaskuld ekki svarað fyrir aðrar stofnanir .20
Stjórnendur Straums sendu talsvert af texta ­
skilaboðum með símum og áttu símtöl við
ýmsa ráðamenn, jafnt í ríkisstjórninni, ráðu ­
neyt unum, hjá Fjármálaeftirlitinu og Seðla ­
bank anum . Engin viðbrögð bárust um hvaða
áform ríkisstjórnin, Fjármálaeftirlitið eða
Seðla bankinn hefðu . Að sögn William var
Straumi gert afar erfitt um vik að taka frekari
ákvarðanir þar sem ekki fengust nein skýr svör
hjá opinberum aðilum, auk þess sem óljóst var
hver væri hinn rétti viðsemjandi fyrir ríkisins
hönd .
Þeir William Fall og Stephen Jack ræddu enn
17 „Stjórnendum Straums átti að vera ljóst hvert stefndi .“
Fréttablaðið, 10 . mars 2009 .
18 Óttar rak ekki minni til þess, í samtali við höfund, hver
þessi starfsmaður væri .
19 William Fall: „Review of Events Leading up to STRB
going into administration“ .
20 Svein Harald Øygard, viðtal 17 . desember 2009 .
á ný við Peter Fox hjá breska fjármálaeftirlitinu
klukkan tíu að morgni laugardagsins . Eina
vonarglæta bankans var að jákvæð niðurstaða
fengist eftir fyrirhugaðan fund stjórnenda
Straums með fulltrúum stjórnvalda síðar um
daginn . Fox minntist á að bankinn þyrfti að
búa sig undir hugsanlegt greiðsluþrot .21
Klukkan 15:00 hófst fundur í fjár mála­
ráðuneytinu . Af hálfu Straums sátu á fundinum
William Fall, Stephen Jack og Óttar Pálsson .
Frá Seðlabankanum voru mættir Svein Harald
Øygard og Sturla Pálsson, framkvæmdastjóri
alþjóðasviðs bankans . Fundinn sátu einnig
þeir Ragnar Hafliðason, starfandi forstjóri
Fjár máleftirlitsins, Þórhallur Arason, fulltrúi
fjár málaráðuneytis, og embættismaður úr við­
skiptaráðuneyti . Stjórnendur Straums höfðu
útbúið mjög nákvæma greiningu á stöðu
bankans og þeim aðkallandi vandamálum sem
við væri að etja . Borin var upp formleg beiðni
um lausafjárstuðning að fjárhæð hundrað
milljónir evra til að ráða fram úr aðkallandi
lausafjárvanda til skamms tíma . Til lengri tíma
litið yrði dregið stórkostlega úr áhættu með sölu
eigna . Straumsmenn reifuðu enn fremur þá
hugmynd á fundinum að ríkið gerðist hluthafi
í bankanum . Viðbrögð fulltrúa hinna opinberu
stofnana voru lítil sem engin og sýndust þeir
flestir mjög áhugalitlir og beinlínis flóttalegir .
Fulltrúi viðskiptaráðuneytis yfirgaf fundinn
að stundarfjórðungi liðnum og hann lét ekki í
ljósi nein viðbrögð við hugmyndum Straums .
Embættismennirnir úr fjármálaráðuneyti og
frá Fjármálaeftirliti þögðu líka þunnu hljóði .
Fundurinn stóð ekki lengur en fimmtíu mín­
útur . Seðlabankamenn voru öllu áhuga samari,
sér í lagi Svein Harald .22
Í fjölmiðlum var síðar greint frá því að á laug­
ardeginum 7 . mars hefði stjórn endum Straums
gefist kostur á að gera embættis mönn um grein
fyrir stöðu bankans . Þessir embættismenn
munu hafa verið frá fjár mála ráðuneyti og
viðskiptaráðuneyti, en á umræddum fundi
munu einnig hafa setið seðlabankastjóri og
þrír fulltrúar frá Fjár málaeftirlitinu . Að sögn
21 William Fall, viðtal 21 . september 2009 .
22 Sama heimild .