Morgunblaðið - 05.07.1979, Blaðsíða 11

MORGUNBLAÐIÐ, FIMMTUDAGUR 5. JÚLÍ1979
11
nm
Fréttir af landsbyggðinni Fréttir af landsbyggðinni F réttir af landsbyggðinni Fréttir af landsbyggðinn i
„Eríitt er að vera
bóndi í dag“
Borg, Miklaholtshreppi, 2. júlí.
OKKUR heíur hrjáð kalt vor.
Þessi kuldi var þangað til í lok
maímánaðar en þá tók við vot-
viðrasamur júnímánuður. En að-
faranótt hins 24. júní snjóaði hér
í hlíðum og muna elstu menn
ekki slíkt á þessum árstíma. Fé
hefur nú verið í húsum í 7
mánuði og fylgja því kvillar í
sauðfé, sem koma fram þegar þvf
er sleppt.
Grasspretta er einum mánuði á
eftir miðað við venjulegt árferði.
Bændur hafa orðið að grípa til
vorbeitar á heimatúnum, en það
fer illa með túnin. Eftir eina til
tvær vikur fer að verða hægt að
byrja slátt sums staðar en
almennur sláttur hefst líklega
ekki fyrr en seint í júlí. Síðastliðin
ár hefur oft verið hægt að byrja
slátt viku af júlí, en nú er tíðin
önnur. Það er erfitt að vera bóndi í
dag þegar bændur hrjá bæði erfitt
veðurfar og erfitt stjórnarfar.
A Jónsmessu var hér haldin
Bændasamkoma með afbrags-
góðum skemmtiatriðum sem fólk
héðan úr sveitinni flutti. Meðal
annars tróðu hér upp brottfluttir
Snæfellingar með söng og margt
fleira var gerðu menn sér til
gamans á þessari samkomu.
- Fréttaritari.
Forðast að minnast
á slátt
Lónseyri, ísafjarðardjúpi. 2. júlí.
GRÓÐURINN er rétt kominn af
stað og nú erum við að láta út
kýrnar. Við höfum lokið við að
bera áburð á tún þannig að
gróður er að taka við sér á
heimatúnum.
Hér er forðast að minnast á
slátt, — svo fjarlægt er það okkur
að geta hafið hann. Það má búast
við því að hægt verði að byrja
slátt að einhverju gagni um
mánaðamótin júlí—ágúst eða um
miðjan ágúst.
Sauðburður gekk ágætlega og
ekki var mikið um vanhöld.
Afréttir á fjöllum eru alveg ógrón-
ir. Það má segja að jörð grænki
hér mánuði síðar en í lélegu
meðalári. Ennþá er nú klaki í jörð.
Vegir eru þokkalegir og raunar
með betra móti í samanburði við
fyrri ár.
- Jens.
Aldrei almennileg
hlýindi í sumar
Skálholti. Biskupstungum, 2. júlí.
HÉR hefur verið kalt og gras-
spretta er tveimur til þremur
vikum á eftir. Ennfremur seink-
aði áburði til okkar vegna verk-
falls farmanna. Harðindunum
hefur fylgt aukinn kostnaður við
fóðurbætiskaup, þar sem kúm
var ekki hleypt út fyrr en fyrir
hálfum mánuði. Sauðfé hefur
verið beitt á heimatún en því
miður fer það illa með túnin.
Ef tíð verður sæmileg og það
tekur að hlýna má búast við því að
sláttur geti hafist um 20. júlí. En
það sem af er sumrinu hafa aldrei
orðið almennileg hlýindi. Bændur
eru byrjaðir að rýja og í næstu
viku verður byrjað hleypa fé á
afrétti, en ástand afrétta er víða
mjög lélegt.
Hér er mikil gróska í reiö-
mennsku og þessa dagana er í
gangi námsskeið fyrir hestamenn
úr sveitinni á vegum hestamanna-
félagsins Loga. Þátttakendur á
námsskeiðinu sem fer fram á
nýjum velli á Torfastöðum eru 40
talsins. Leiðbeinandi á þessu
námsskeiði er Guðmundur Gísla-
son á Torfastöðum.
- Fréttaritari.
Fáir
ferðamenn
ennþá
Lagarfelli. Norður-Múlasýslu. 2. júlí.
HÉR er allt mánuði seinna á ferð
en vanalega. En ef hlýnar í veðri
þá horfir allt til betri vegar. Ef
við fáum hlýindi í eina til tvær
vikur þá má búast við góðri
sprettu.
Veðurfar hér hefur verið
frábrugðið því sem við höfum áður
átt að venjast. Vanalega hefur hér
gert þurrka á þessum árstíma sem
hafa staðið gróðri fyrir þrifum.
En nú horfir svo við að oft gerir
skúrir, sem þýðir að spretta gæti
orðið góð ef hlýnar.
Laxveiði á Héraði er ekki hafin
en hún hefst hér yfirleitt síðar en í
Aðaldal og Vopnafirði. í júlí eða
águst fara að koma laxar í laxa-
stigann í Lagarfljóti.
Minna er um ferðamenn en
vanaleg, enda eru vegir ekki búnir
að jafna sig og ennþá er klaki í
jörðu. Nú um síðustu helgi hélt
ÚIA héraðsmót að Eiðum og var
það fjölsótt.
- Fréttaritari.
Brá til betri
tíðar í júní
Scljavöllum. A-Skaftafellssýslu. 2. júlí.
HÉÐAN er sömu söguna að segja
um maí og víðar af landinu. Maí
var ákaflega kaidur í júníbyrjun
var 70 cm klaki í jörðu. Þetta
segir sína sögu um ástandið.
Síðan brá til betri tíðar í júní og
gerði þurrviðri og góðviðri, sem
gerði það mögulegt fyrir bændur
að vinna að jarðrækt.
Sáð var í kartöflugarða hálfum
mánuði síðar en vanalega og
enginn veit hvað árangri sáning í
frosna jörð skilar. Áburðardreif-
ing tókst vel en dróst lengur en
æskilegt var vegna farmannaverk-
fallsins. Annars höfðu menn næg
hey til að gefa. Sauðburður gekk
ágætlega hér vegna þess að fé var
vel fram gengið.
Gróður kom seint og það var
ekki fyrr en 20. júní að gróður var
kominn í úthaga. í síðari hluta
júní kom rekja og þeir bændur
sem höfðu nægan áburð um
mánaðamótin maí—júní hafa nú
tún sem hægt er að fara að slá.
Almennt má þó telja að menn geti
hafið slátt á tímabilinu 15. til 25.
júlí.
- Egill.
Hjálpar-
beiðni
frá Kvenfélagi starfs-
manna SÞ í Hondúras
Frá Kvenfélagi starfsmanna
Sameinuðu þjóðanna í Hondúras,
Kvenfélag þetta hefur tekið að
sér að reyna að sjá fyrir 99
drengjum og ungum piltum á
aldrinum 6—18 ára, sem flýðu frá
nágrannaríkinu Nicaragua þar
sem nú ríkir styrjaldarástand.
Þeir eru allir munaðarlausir og
hafa verið á hæli fyrir munaðar-
lausa pilta, scm kaþólskur
prestur, Rafael Maria Fabreto,
hefur rekið í Nicaragua um
þrjátíu ára skeið. Hann flýði með
þá yfir fjöllin til Hondúras vegna
bardaganna og standa drengirnir
nú allir uppi slyppir og snauðir. I
Hondúras eru nú tugþúsundir
flóttamanna frá Nicaragua og
eiga margir í miklum erfiðleikum.
Atvinnu fá þeir þar enga og
matvæli eru af skornum skammti.
Rauði krossinn í Hondúras hefur
haldið uppi búðum fyrir flóttafólk
frá Nicaragua alveg frá því átökin
hófust þar í landi í fyrra. Hefur sú
starfsemi verið vel skipuleg til
þessa, en hefur að undanförnu
mjög farið úr böndum vegna hinn-
ar geysiörD fjölgunar flóttamanna
síðustu vikurnar.
Kvenfélag starfsmanna
Sameinuðu þjóðanna er eins og
nafnið bendir til félag kvenna sem
starfa á vegum S.Þ. í Hondúras og
eiginkvenna karla er á vegum
samtakanna starfa. Hafa þær
allar leitað aðstoðar í heimalönd-
um sínum og kemur hjálparbeiðn-
in til íslendinga frá Áðalheiði
Guðmundsdóttur, eiginkonu
Sveins S. Einarssonar,
verkfræðings, sem starfar sem
ráðgjafi Sameinuðu þjóðanna í
jarðhitamálum fyrir öll ríki
Mið-Ameríku með aðsetri í
Hondúras.
Brýnust er þörf félagsins fyrir
fjárhagsaðstoð en einnig kæmi til
greina, ef áhugi væri fyrir hendi
af einhverra hálfu, að drengirnir
færu í fóstur utan Hondúras, ef
áfram heldur bardögum í
Nicaragua.
Hjálparstofnun kirkjunnar mun
veita- viðtöku framlögum til
styrktar flóttadrengjunum frá
Nicaragua, á gíróreikning nr.
20005.
LAUGAVEGI47, BANKASTRÆTI 7