Morgunblaðið - 05.07.1979, Blaðsíða 41

MORGUNBLAÐIÐ, FIMMTUDAGUR 5. JÚLÍ1979
41
fólk í
fréttum
+ Þessi mynd er tekin af hinum
landflótta keisarahjónum frd
íran, er þau rœddu við blaða-
menn fyrir nokkru, eftir að þau
voru komin til bæjarins Cuema-
vaca í Mexikó. Það var á þessum
blaðamannafundi, sem keisarinn
sagði að hann vœri kristinn
maður. Og kvaðst treysta því að
hann œtti eftir að snúa heim
aftur til ættlands síns. Blaða-
mennimir spjölluðu við keisara-
hjónin við útisundlaugina sem er
við hið veglega hús, sem þau
hafa tekið á leigu í þessumfrœga
mexikanska ferðamannabœ.
Á Ascot-
veðreiðunum
+ Frægustu veðreiðar í
heiminum eru brezku
Ascot-veðreiðarnar. —
Þar eru leiddir saman
gæðingar hestamanna frá
ýmsum löndum heims. —
En þar ríkir líka nokkur
spenna kringum kven-
þjóðina sem þangað fjöl-
mennir og er þar sagt
mikið kvennaval. Má oft
sjá glæsilega búnar konur
í þeim hópi og þá klæddar
samkvæmt nýjustu tísku.
— Á efri myndinni má t.d.
sjá Karl Bretaprins með
nellikku í hnappagatinu
og hefðbundinn Ascot-
hatt á höfði, á spjalli við
tvær leidíur, með barða-
stóra hatta samkvæmt
síðustu tísku. — Á þeirri
neðri, einnig tekin á
Ascot-veðreiðunum, mæt-
izt tíska frá sitthvorri
öldinni, er önnur kvenn-
anna er í skósíðum
chiffon-sumarkjól — með
sólhlíf frá því á Viktoríu-
tímabilinu og hin klædd
skv. klaufkj ólatísku 20.
aldarinnar.
Frá hinum árlega vorfundi Ferðamálaráða á íslandi.
Samtök ferðamálaráða Evrópu:
Funda í fyrsta
sinn á íslandi
Hinn árlegi vorfundur
European Travel Commission var
haldinn í Reykjavík dagana 8. og
9. júní. en ETC er samstarfsnefnd
opinberra ferðamálaaðila 25
Vestur-Evrópulanda. 20 lönd áttu
fulltrúa á fundinum og formaður
ETC og jafnframt framkvæmda-
stjóri Ferðamálaráðs Luxem-
borgar, Geoges Hausemer, var
forseti fundarins.
Aðal viðfangsefni fundarins var
framkvæmdaáætlun samtakanna
fyrir aðal markaðssvæðin þrjú,
Bandaríkin, Kanada og Japan.
Á fundinum var samþykkt yfir-
lýsing um réttindi manna til
frjálsra ferðalaga, sem beint er til
ríkisstjórna með þeim tilmælum
að ekki aðeins verði forðast að
hindra ferðlög þegnanna heldur
einnig að fjarlægðir verði tálmar
sem áður hafa verið settir, og ekki
síst að auðvelduð verði framþróun
ferðamála í heild.
Miklar umræður urðu á fundin-
um um áhrif þau sem olíuhækkun
og hugsanleg eldsneytisskömmtun
myndi óhjákvæmilega hafa á
þróun ferða og samgöngumála
Næsti fundir ETC verður hald-
inn í desember n.k. Stjórn samtak-
anna var endurkosin til eins árs.
Forseti ETC er Georges Hausemer
framkvæmdastjóri Ferðamála-
ráðs Luxemborgar, en varaforset-
ar þeir dr. Daskalakis, forseti
ferðamálastofnunar Grikklands
Claudio Bonvecchio, aðalforstjóri
ferðamálastofnunar ítaliu og
Heimir Hannesson, formaður
Ferðamálaráðs íslands.
TÍsku-
sýning
Föstudag kl. 12.30—13.30.
Sýningin, sem verður í Blómasal Hótels Loftleiða er
haldin á vegum Rammagerðarinnar, Islensks Heimilisiðn-
aðar og Hótels Loftleiða
Sýndir verða sérstakir skartgripir og nýjustu gerðir fatn-
aðar, sem unnin er úr íslenskum ullar- og skinnvörum.
Módelsamtökin sýna
Hinir vinsælu réttir kalda borðsins á boðstólum
Verið velkomin.
HÓTEL
LOFTLEIÐIR
Sími 22322