Morgunblaðið - 11.10.1979, Side 27

MORGUNBLAÐIÐ, FIMMTUDAGUR 11. OKTÓBER 1979
27
Alþýðuflokkur
og S jálf stæðis-
flokkur verða
að fylgja f ram
ósk með st jórn
— segir Lúðvík Jósepsson
form. Alþýðubandalagsins
„MÉR FINNST í stöðunni
eðlilegt að forsætisráð-
herra biðjist lausnar fyrir
sig og ráðuneytið, þar sem
stjórnin nýtur nú ekki
lengur stuðnings meiri-
hluta Alþingis. Eg skil vel
að lausnarbeiðnin hafi
þótt óviðurkvæmileg
svona daginn fyrir þing-
setningu, eða á þingsetn-
ingardaginn sjálfan, en úr
þessu á ég von á henni. En
ég undirstrika að þetta er
algjörlega mál forsætis-
ráðherra,“ sagði Lúðvík
Jósepsson formaður Al-
þýðubandalagsins í sam-
tali við Mbl. að lokinni
þingsetningu í gær.
„Þegar þetta hefur gerzt þykir
mér einsýnt að hafnar verði til-
raunir til stjórnarmyndunar að
nýju og ég tel að nú liggi fyrir nýr
meirihluti á Alþingi um það að
rjúfa þing og efna til kosninga í
desember," sagði Lúðvík. „Alþýðu-
flokkur og Sjálfstæðisflokkur
verða að framfylgja ósk sinni um
kosningar á þessu ári á þennan
hátt. Eg fullyrði að það ætti ekki
Leiðrétting
I tónlistargagnrýni Jóns Ás-
geirssonar í blaðinu sl. þriðjudag
misritaðist nafn fiðluleikarans, en
rétta nafnið er Hlíf Sigurjónsdótt-
ir.
að verða heilsdagsverk fyrir þessa
tvo flokka undir núverandi kring-
umstæðum að mynda sína ríkis-
stjórn til að rjúfa þing og boða til
kosninganna. Að fá óskina upp-
fyllta kostar að menn þori að
standa við hana.“
10 kr. dag-
sektir á bók
Reyðarfirði. 10. okt.
BÓKASAFN Reyðarfjarðar hef-
ur verið opnað að nýju eftir
gagngerðar breytingar. Jósefína
Olafsdóttir bókasafnsfræðingur
og Guðný Sigurðardóttir bóka-
vörður unnu í allt sumar við
skráningu og flokkun bóka. Þá
var og breytt um útlánakerfi.
Hér hefur verið sá háttur á að
greitt hefur verið félagsgjald
fyrir árið, en nú fáum við út-
lánskort og ef gleymist að skila
bókum fyrir tilsettan tima koma
10 kr. dagsektir á bók. 5000
bækur eru nú i safninu. Boka-
safnið var stofnað 14. des. 1924
og fyrsti bókavörður var Sæ-
mundur Sæmundsson, Sigurjón
Gíslason formaður og meðstjórn-
andi Jón Pálsson og Ferdinand
Magnússon. Þá voru greiddar 6
kr. fyrir árið og fyrstu tekjur
eftir árið voru 765 kr.
I stjórn bókasafnsins eru nú
Karl Ferdinandsson formaður,
Jósefína Ólafsdóttir bókasafns-
fræðingur og Kristinn Einarsson.
Bókasafnið er nú í mjög góðu
húsnæði í ráðhúsi hreppsins.
Gréta
Hörku árekstur í gærkvöldi
Allharkalegur árekstur varð í gærkvöldi við Elliðavoginn
er tveir fólksbílar rákust þar saman og stórskemmdust
eins og sjá má á meðfylgjandi myndum. Ekki munu hafa
Orðið alvarleg slyS á fÓlkÍ. Lió«mynd JúHus SIKurjón8««n.
Cr einni ferð Útivistar, leirbað í Landmannalaugum. Ljósmynd Jón I. Bjnrna«,n
Haustferd Útivistar
f arin um næstu helgi
HAUSTFERÐ Útivistar í Land
mannalaugar, Jökulgil og Hatt-
ver verður farin um næstu helgi
segir í frétt frá félaginu. Lagt
verður af stað á föstudagskvöld
og komið til baka á sunnudags-
kvöid.
Ennfremur segir að náttúru-
fegurð Landmannalauga sé al-
kunn, en færri þekki fegurð
Jökulgilsins og gróðurvina Hatt-
vers. Þá er fyrirhugað að ganga
á Skalla í ferðinni.
Þá verða farnar styttri göngu-
ferðir um nágrenni Lauganna,
eftir þörfum allra.
Landmannalaugar munu
einna frægastar fyrir heita
sundlaug frá náttúrunnar hendi,
en einnig er fyrir hendi leirbað
og gufubað.
Gist verður
lags íslands.
i skála Ferðafé-
Ritgerðasamkeppni í til-
efni 20 ára afmælis EFTA
Tæplega fimm milljón króna verðlaun í boði
Fríverzlunarsamtök Evr-
ópu, EFTA, efna nú til
verðlaunasamkeppni til að
minnast tuttugu ára af-
mælis gildistöku Stokk-
hólmssamþykktarinnar um
stofnun samtakanna. Af-
mælisdagurinn er 3. maí
1980. Verðlaunasamkeppn-
in er opin öllum þeim sem
áhuga hafa á einingu Evr-
ópu.
Væntanlegir þátttakend-
ur eiga að leggja fram
frumsamda ritgerð, sem
næst 20 vélritaðar síður,
um efni sem snertir verk-
efni EFTA og árangur sem
samtökin hafa náð á 20 ára
ferli sínum, eða þá um
framtíðarverkefni þeirra í
þágu efnahagslegrar ein-
ingar Evrópu.
Samkeppnisritgerðir mega vera
á hverju eftirtalinna tungumála:
Ensku, frönsku, þýzku, finnsku,
íslenzku, ítölsku, norsku, portú-
gölsku eða sænsku. Ritgerð ber að
senda nafnlausa en auðkennda
með málshætti eða talshætti.
Hann þarf einnig að letra á lokað
umslag utan um nafn og heimilis-
fang keppanda, sem fylgja skal
ritgerðinni.
Alþjóðleg dómnefnd, skipuð
fulltrúum EFTA-landanna og
framkvæmdastjóra samtakanna
eftir vali EFTA-ráðsins, dæmir
ritgerðimar til verðlauna. Fundir
dómnefndar verða lokaðir og val
hennar endanlegt.
Verðlaunaupphæðin nemur 20
þúsund svissneskum frönkum, eða
tæpum fimm milljónum íslenzkra
króna, fyrstu verðlaun skulu þó
ekki vera lægri en fimm þúsund
svissneskir frankar eða um 1,2
milljónir íslenzkra króna.
Með þátttöku í samkeppninni
fellst keppandi á að EFTA sé
heimilt að notfæra sér ritgerð
hans vinni hún til verðlauna.
Starfsmönnum fastanefnda
EFTA-landanna í Genf, embættis-
mönnum EFTA-landa sem fjalla
beint um málefni samtakanna og
starfsliði aðalstöðva EFTA er
óheimil þátttaka í keppninni. Rit-
gerðirnar skal senda í ábyrgðar-
pósti til EFTA Secretariat, 9—11
Rue de Varembé, 1211 Geneve 20,
Schweiz, fyrir febrúarlok 1980.
Póststimpill sker úr um hvort
settur frestur er haldinn.
Gítartónleikar
í Félagsstofn-
un stúdenta
þEIR Símon ívarsson og Sieg-
fried Kobliza halda gitartónieika
í Félagsstofnun stúdenta í kvöld.
fimmtudagskvöid. kl. 8.30. Eru
þetta síðustu tónleikar þeirra
félaga að sinni en þcir halda nú
utan til Vínar til frekari tónlist-
arnáms.
Á efnisskrá tónleikanna verður
spænsk tónlist og flamenco-tónlist
en báðir hafa þeir lagt sérstaka
stund á þess konar tónlist í sínu
námi.