Morgunblaðið - 23.06.1981, Qupperneq 27

MORGUNBLAÐIÐ, ÞRIÐJUDAGUR 23. JÚNÍ 1981
27
Þróttur vann sanngjarnan
sigur í Borgarnesi
Nyliðinn skoraði
ÞRÓTTUR Reykjavík sigraði lið
Skalla-Grims Borgarnesi, 1—0, i
leik liðanna i 2. deild íslands-
mótsins í knattspyrnu sem fram
fór i Borgarnesi á laugardaRÍnn.
SÍKur Þróttar voru sanngjörn
úrsiit þessa leiks og hafa Þróttar-
ar nú styrkt stöðu sína mjög í
dcildinni. Eftir fjóra tapieiki i
röð, þar af þrjá i íslandsmótinu,
fer staða Borgarnesliðsins mjög
versnandi, en nýliðarnir í deild-
inni geta þó hrósað happi yfir þvi
fljúgandi starti sem þeir fengu i
deildinni.
Leikurinn þróaðist þannig að
Þróttur hafði algera yfirburði í
fyrri hálfleik og sýndi mjög góða
knattspyrnu sérstaklega var sam-
spilið hjá liðinu gott. Hvorugu
liðinu tókst að skora í hálfleiknum
en færi Þróttara voru fleiri og
betri. Á 18. mín. skapaðist hætta
við mark Skalla-Gríms þegar Jón
Pétursson átti lausan skalla að
marki og Júlíus markvörður
missti boltann frá sér aftur, en
hættunni var bægt frá. Á 28. mín.
varði Júlíus ævintýralega með
tánni í horn eftir skalla frá Arnari
Friðrikssyni. Á 37. mín. skapaðist
hætta eftir varnarmistök hjá
Skalla-Grími þegar Páll Ólafsson
komst inní sendingu á Júlíus
markvörð og gaf fyrir tómt mark-
ið en hættunni var bægt frá.
Skalla-Grímsmenn áttu einnig
sín tækifæri í hálfleiknum. Næst
voru þeir því að skora þegar
Guðmundur Þróttarmarkvörður
varði góðan skallabolta frá Birni
Jónssyni eftir fyrirgjöf Sigurgeirs
fyrirliða Erlendssonar.
Skalla-Gr.—
Þróttur R.
0:1
I seinni hálfleik jafnaðist leik-
urinn meira og sóttu liðin til
skiptist. Páll Ólafsson hljóp
Skalla-Grímsvörnina af sér á 15.
mínútu og átti Júlíus markvörð
einan eftir en Júlíus bjargaði með
því að slá knöttinn yfir. Úr
hornspyrnunni sem þá var tekin
komst Jóhann Hreiðarsson í
dauðafæri en skot hans geigaði. Á
30. mín. skoruðu Þróttarar eina
mark leiksins þegar knötturinn
barst fyrir mark heimamanna
eftir slæm varnarmistök, og þar
var Sverrir Brynjólfsson réttur
maður á réttum stað og skoraði
með viðstöðulausu skoti frá víta-
teigshorni í bláhornið. Óverjandi
fyrir Júlíus markvörð.
Eftir markið sóttu heimamenn
meira, á 26. mín. komst Björn
Axelsson í gott færi eftir góða
sókn en Guðmundur í markinu var
vel staðsettur og varði. Á 4. mín.
hálfleiksins var Skalla-Gríms-
maður felldur á vítateig og vildu
Skalla-Grímsmenn fá vítaspyrnu
en dómarinn dæmdi aukaspyrnu
eftir að hafa ráðfært sig við
línuvörðinn. Uppúr aukaspyrn-
unni átti Gunnar Orrason hörku-
skot á Þróttarmarkið en Guð-
mundur varði eftir að knötturinn
hafði breytt um stefnu af vörn-
inni. Skömmu síðar handlék einn
Þróttarinn knöttinn inní vítateig
en dómarinn sá það ekki svo
Þróttarar sluppu með skrekkinn.
Þróttarar áttu þennan sigur
fyllilega skilið þeir voru betri
aðilinn í leiknum en með smá
heppni hjá heimamönnum hefði
leikurinn allt eins getað endað
með jafntefli. Bestu menn Þróttar
voru Páll Ólafsson, Jón Pétursson
og Ásgeir Elíasson.
í liði Skalla-Gríms var vörnin
betri hluti liðsins eins og oftast
áður með Júlíus Marteinsson
markvörð og Einar Friðþjófsson
þjálfara sem bestu menn.
Dómari var Páll Árnason. HBj.
Gla'silegt mark nýliðans unga
Magnúsar (iarðarssonar, fa'rði
ÍBK mjög sanngjarnan sigur
gegn Þrótti frá Neskaupstað í
2. deild íslandsmótsins í
knattspyrnu um helgina. en
liðin áttust við í Keflavík.
Markið skoraði Magnús með
gla-silegri hjólhestaspyrnu á 39.
mínútu leiksins og þrátt fvrir
sa‘g góðra ta*kifæra, reyndist
það eina mark leiksins.
Keflvíkingar réðu bókstaflega
lögum og lofum á vellinum í
þessum leik og þeir Björn Ing-
ólfsson, Steinar Jóhannsson og
Magnús tvívegis, höfðu allir
fengið dauðafæri áður en Magn-
ús kom tuðrunni loks í netið. Og
ekki dró úr dauðafæraflaumnum
og þeir Steinar og Óskar Færset
sáu báðir markvörð Þróttar
verja glæsilega skot sín áður en
blasið var til hlés.
Síðari hálfleikurinn var þóf-
kenndari, en yfirburðir ÍBK þó
engu minni, bara heldur lengra á
milii dauðafæra. Magnús átti
þrjú opin færi sem öll fóru
forgörðum, Skúli Rósantsson og
Kári Gunnlaugsson voru einnig
nálægt því að skora, en Þróttar-
ar áttu aðeins eitt sæmilegt
færi, er skalli Bjarna Jó geigaði.
Tveir leikmenn báru nokkuð af á
vellinum, Magnús Garðarsson,
sem hins vegar var klaufi að
skora ekki meira, og Ágúst
markvörður Þróttar, sem bjarg-
aði liði sínu frá stórtapi. —Vig.
Fyrsti sigur Hauka í sumar
Selfyssingar eru enn eina liðið án
stiga í 2. deild íslandsmótsins í
knattspyrnu eftir að þeir töpuðu
fyrir Ilaukum 1—0 (0—0) í
Hafnarfirði um helgina. Haukar
löguðu þar með stöðu sína og eru
nú í þriðja neðsta sæti deildar-
innar með 4 stig og einu stigi
meira en Norðfjarðar Þróttur.
Leikurinn var heiid fremur slak-
ur, einkum þó af hálfu Selfyss-
inga, en þó áttu bæði liðin
nokkrar góðar sóknarlotur.
Fyrri hálfleikur var fremur jafn
og skiptust liðin þá á sóknum og
tókst að skapa sér nokkur mark-
tækifæri, sem ekki tókst að nýta
og voru Haukar þó heldur að-
gangsharðari. I seinni hálfleik
sóttu Haukar meira í sig veðrið,
enda léku þeir undan því, og sóttu
nær látlaust að marki Selfyssinga
Haukar:
Selfoss
1:0
og er um 20 mínútur voru til
leiksloka átti Valur Sigurðsson
hörkuskot af 30 metra færi í
samskeyti selfossmarksins og út á
völlinn. Sóknarlotur Hauka buldu
á vörn Selfyssinga þar til að Einar
Einarsson tók af skarið og skoraði
fallegt mark með þrumuskalla
eftir hornspyrnu og tryggði Hauk-
um þar með sinn fyrsta sigur í 2.
deildinni að þessu sinni. Selfyss-
ingar sóttu svo í sig veðrið síðustu
mínútur leiksins og áttu þá Hauk-
ar mjög í vök að verjast og
björguðu meðal annars þrisvar
sinnum á línu í sömu sókn Selfyss-
inga. En þrátt fyrir góða baráttu
síðustu mínúturnar uppskáru
Selfyssingar ekki eins og sáð var
til og því varð enn eitt tap þeirra
staðreynd.
Eins og fyrr sagði var leikurinn
fremur slakur, samspil ónákvæmt
en nokkur færi sköpuðust þó, en
oftast meira fyrir tilviljun en
góðan samleik. Leikkerfi beggja
liðanna virtust áhorfendum mjög
óljós og mikinn hluta leiktímans
var knötturinn utan vallar.
Hjá Haukum bar mest á mark-
verðinum Guðmundi Hreiðars-
syni, sem greip oft vel inn í leikinn
og varði það sem á markið kom,
Guðmundi Sigmarssyni og Einari
Einarssyni.
Hjá Selfyssingum bar mest á
Anton Hartmannssyni markverði
og Heimi Bergssyni.
gegn
Laugardalsvelli
í kvöld kl. 20.00
Heiöursgestir veröa
Brynjólfur Bjarnason,
framkvæmdastjóri ósamt
starfsliöi sínu frá
Almenna Bókafélaginu.