Morgunblaðið - 30.11.1982, Blaðsíða 24

28
MORGUNBLAÐIÐ, ÞRIÐJUDAGUR 30. NÓVEMBER 1982
!
I
KOMDU .
KRÖKKUNUM Á OVART!
Farðu til þeirru umjólin
Mömmur, pabbar, systur, bræður, afar, ömmur, frændur,
frænkur, synir, dætur og vinir geta nú brugðið undir sig betri
fætinum og farið sjálf með jólapakkana og hangikjötið til
útlanda.
Ástæðan er auðvitað hin hagstæðu jólafargjöld sem Flug-
leiðir bjóða til Norðurlandanna.
Fargjöld báðar leiðir eru sem hér segir:
Kaupmannahöfn Kr. 4.906,-
Gautaborg Kr. 4.853.-
Osló Kr. 4.475.-
Stokkhólmur Kr. 5.597.-
Barnaafsláttur er 50%.
Fargjöldin taka gildi 1. des.
Upplýsingar um skilmála og ferðamöguleika veita söluskrif-
stofur Flugleiða , umboðsmenn og ferðaskrifstofurnar.
FLUGLEIDIR
Gott fólk hjá traustu félagi
Líf og land efndi til Vís-
indaþings um helgina
SAMTÖKIN Líf og land efndu til
borgaraþings undir heitinu „Maður
og vísindi" á Kjarvalsstöðum um
helgina.
Þekktir fræði- og vísindamenn
fluttu stutt erindi og jafnframt
voru umræður um stöðu og gildi
vísinda.
Nokkur stórfyrirtæki sýndu
hluti, sem lýstu tækniþróun síðari
ára. Meðal annars var sýndur lyft-
arinn á meðfylgjandi mynd, sá
stærsti sem hingað hefur komið.
Hann er í eigu Eimskipa, er af
Kalmar-gerð og vegur 42 tonn.
Hér má sjá hvar verið er að flytja
lyftarann að Kjarvalsstöðum.
Sigursveitin að tafli, í þetta sinn gegn Strætisvögnum Reykjavíkur: Sveit
Búnaðarbankans er til hægri en hana skipuðu Jóhann Hjartarson, sem er
næstur á myndinni, Bragi Kristjánsson og Hilmar Karlsson.
Skákmót Flugleiða:
Búnaðarbankinn
bar sigur úr býtum
SKÁKSVEIT Búnaðarbankans bar
sigur úr býtum á fjórða skákmóti
Flugleiða. Hlaut sveitin alls 58,5
vinninga í 23 umferðum, en þrír
tefldu í hverri sveit. Sveitina skip-
uðu Jóhann Hjartarson, Bragi
Kristjánsson og Hilmar Karlsson.
Sveit Ríkisspítalanna varð í
öðru sæti með 56,5 vinninga, Dag-
blaðið og Vísir í 3. sæti með 54
vinninga, Flugleiðir urðu í 4. sæti
með 53,5 vinninga og Skákfélag
Akureyrar varð í 5. sæti með 48
vinninga. Alls tóku 24 sveitir þátt
í mótinu, þar af 10 utan af landi.
Beztum árangri á fyrsta borði
náði Jón L. Árnason, Dagblaðinu
og Vísi, eða ails 21,5 vinningum. Á
öðru borði varð Dan Hansson,
Ríkisspítölunum, hlutskarpastur
með 20,5 vinninga og á þriðja
borði Róbert Harðarson, Ríkis-
spítölunum, með 20 vinninga.
Hálfdán Hermannsson flugvél-
stjóri stjórnaði mótinu og Björn
Theodórsson framkvæmdastjóri
markaðssviðs afhenti verðlaun.
Bryndís og
Þórður mættu
ekki í Garðinn
(iarði, 2K. nóvember.
EKKI fengum vió Garðbúar að sjá
lokaþátt l'órðar og Bryndisar i Stund-
inni okkar af þeirri ástæðu að rafmagn
fór af þorpinu skömmu áður en útsend-
ingin hófst. Þetta er i annað sinn á
skömmum tíma sem við pabbarnir
missum af þættinum okkar og i þriðja
sinn sem rafmagn fer af þorpinu eða
hluta þess í lengri eða skemmri tíma.
1 óveðrinu sem gekk yfir landið
fyrir nokkrum dögum varð raf-
magnslaust á nokkrum bæjum í eina
14 tíma samfleytt. Það er því ekki
ólíklegt að einhverjir fari að hugsa
sig um tvisvar, þegar þeir gera stór-
innkaupin ef búast má við að frysti-
kistan þiðni upp með nokkurra daga
millibili ásamt öllu sem í henni er,
s.s. einn kindaskrokkur, 10 slátur,
fimm laxar frá í sumar og 10 kjúkl-
ingar auk 10 kílóa af nýjum fiski
o.s.frv.
Vonandi er hér um óhöpp að ræða
hve oft rafmagn hefir farið af þorp-
inu að undanförnu, þannig að fóik
þurfi ekki að setja upp rafstöðvar
hjá sér og taka upp aladinlampann
sem t.d. var brúkaður á hverjum bæ
við ísafjarðardjúp fyrir 20 árum.
Arnór.
Fyrirlestur
um frönsk
stjórnmál
ÞRIÐJUDAG 30. nóvember kl. 20.30
heldur Friðrik Páll Jónsson, frétta-
maður, fyrirlestur um ástand
franskra stjórnmála, í Lögbergi, Há-
skóla íslands, stofu 101. Fyrirlestur-
inn er haldinn á vegum Alliance
Francaise og er öllum heimill að-
gangur.