Morgunblaðið - 30.11.1982, Blaðsíða 41

MORGUNBLAÐIÐ, ÞRIÐJUDAGUR 30. NÓVEMBER 1982
4 o
ifik^AKANDI
SVARAR Í SÍMA
10100 KL. 10—12
FRÁ MÁNUDEGI
Fyrirspurn til
Landakotsspítala
V.V. hringdi og hafði eftirfar-
andi að segja:
— Mig langar til að leggja
spurningu fyrir stjórn Landakots-
spítala. Svoleiðis er að maður á í
mestum erfiðleikum með að fara
með gamalmenni inn og út um
snúningshurðina við aðalinngang-
inn, vegna þess að ekkert handrið
er til að halda sér í þegar út er
komið og fara þarf niður tröpp-
urnar. Ekki geta báðir farið um
snúningsdyrnar i einu, svo að
maður þarf helst aö vera bæði á
undan og eftir gamla fólkinu. Það
er önnur hurð þarna, en hún er
alltaf lokuð. Er ekki hægt að bæta
úr þessu á einhvern hátt?
Mundi falla
undir svarta
atvinnustarfsemi
Gunnar Guðmundsson hjá
Landssambandi bakarameistara
hringdi og hafði eftirfarandi að
segja:
— Ég hringdi út af smáfyrir-
spurn í þættinum í morgun
(fimmtudag), þar sem verið er að
spyrjast fyrir um það hvort ein-
hverjar konur taki að sér að gera
heimabakaðar kökur. Ég vildi
benda á í þessu sambandi, að sam-
kvæmt lögum er ekki leyfilegt að
konur selji framleiðslu af því tagi
sem hér er fjallað um. Iðnlöggjöf-
in verndar bakarana að þessu
leyti og mundi það því falla undir
svarta atvinnustarfsemi, sem svo
er kölluð, ef einhver bæri þetta
við.
Þjónustuleysi og
stirðbusaháttur
Alda Magnúsdóttir hringdi og
hafði eftirfarandi að segja:
— Mig langar til að koma á
framfæri smákvörtun um þjón-
ustuleysi og stirðbusahátt sumra
lækna viö sjúklinga sína. Tvær
gamlar konur mér skyldar, sem
báðar þurfa að taka viss meðul að
staöaldri og hafa þurft þess lengi,
geta ekki fengið heimilislækninn
sinn til þess að hringja resept í
næstu lyfjabúð, heldur þurfa þær
að fara til hans eða senda bíl til
að ná í það og fara síðan og leysa
það út í apóteki. Lyfjagjöfinni
verður þó aðeins breytt að undan-
genginni rannsókn á sjúkrahúsi.
Aðstæður annarrar konunnar eru
þannig, að hún er ekkja og gengur
ekki óstudd á milli herbergja,
hvað þá niður af þriðju hæð þar
sem hún býr, svo að hún er alltaf
upp á aðra komin. Hin er þó það
betur sett, að hún getur ferðast
ein með leigubílum, en það hefur
drjúgan aukakostnað í för með
sér. Þessar konur hafa sinn lækn-
inn hvor, sem báðir eiga það sam-
eiginlegt að þekkja aðstæður
þeirra og vera með stofu í Domus
Medica, svo að þau rök þeirra aö
þeir hafi ekki tíma til að bíöa eftir
því að apótekin svari, standast
ekki. Símastúlkurnar í húsinu
gætu áreiðanlega séð um að ná
sambandi fyrir þá. Það furðu-
legasta er að þessir læknar eru á
sama aldri og umræddar konur og
ættu því kannski að skilja vanda
þeirra betur þess vegna.
Farið sé eftir
almennum um-
gengnisreglum
Jóhannes Pálmason, aðstoðar-
framkvæmdastjóri á Borgarspít-
alanum, hringdi og hafði eftirfar-
andi að segja:
— Vegna fyrirspurnar hér í
dálkunum 25. þ.m. um hvort
sjúklingar megi hafa eigin út-
varpstæki á sjúkrastofum er rétt
að eftirfarandi komi fram: Aðal-
reglan er sú, að fólk sé ekki með
glymjandi útvarpstæki eða annað
þess háttar, sem truflar stofufé-
laga. í sjúklingabæklingi sem nú
er í endurprentun, en hefur verið
afhentur sjúklingum við komu á
spítalann, segir m.a.: „Við hvert
rúm er púðahátalari, sem hægt er
að stilla eftir þörfum. Á vegg við
rúm er stilling fyrir útvarp. Rás 1
er rikisútvarp. Rás 2 er útvarps-
stöð spítalans, sem útvarpar guð-
sþjónustum, þegar þær eru haldn-
ar, og á öðrum tímum léttri tón-
list fyrir sjúklinga. í dagstofum
eru hátalarar. Sjónvarpstæki eru
í dagstofum og skálum. Sjón-
varpstíma er lokið kl. 22. Sýnið
meðsjúklingum tillitssemi. Hafið
útvarp lágt stillt og talið ekki hátt
þegar aðrir vilja hvíla sig.“ Þetta
er kjarni málsins og það er alveg
ljóst að hugsunin með þessum út-
vörpum sem eru við hvert rúm er
sú að fólk þurfi ekki að koma með
tækin með sér. Við höfum þó látið
það óátalið að fólk hafi tekið með
sér útvarps- eða segulbandstæki,
enda séu þau notuð í samræmi við
heilsu sjúklings og trufli ekki
aðra, eins og stendur í bæklingn-
um, og höfð séu samráð við með-
sjúklinga og hjúkrunarfólk um
það, hvort nota megi þessi tæki.
M.ö.o. að farið sé eftir almennum
u mgengnisreglum.
Naudsyn á sjálMrku bruna-
varnakerfi í Hátúni 10
Þórir Hilmarsson, brunamálastjóri
rikisins, skrifar vegna fyrirspurnar
hér í dálkunum 25. þ.m.:
„Aðstandandi íbúa í öryrkjahús-
inu við Hátún 10 í Reykjavík spyr,
hvort ekki sé þörf á að hafa reyk-
skynjara og aðrar brunavarnir bæði
á herbergjum og göngum öryrkja-
hússins.
Brunamálastjóri svarar fyrir-
spurninni hiklaust játandi. Það er
full þörf á slíkum ráðstöfunum í
húsum sem þessum.
Fyrirspurn til
forsvarsmanna
Starfsmannafé-
lags ríkisstofnana
Láglaunastarfsmaður skrifar:
„Samkvæmt frétt í Félagstíð-
indum 26. október sl. voru allir
starfsmenn ríkisstofnana, þ.e. þeir
er voru í flokkunum 13—19, hækk-
aðir um 1 launaflokk. Síðan bætt-
ust þeir við er voru í 20.—21.
flokki. Hvers vegna var gengið
framhjá skrifstofufólki í neðri
launaflokkunum, þ.e. undir 13.
launaflokki?“
í gömlu brunamálalögunum frá
1969 stóð undir 20. grein:
„Eiganda eða umráðamanni fast-
eigna eða annars mannvirkis er
skylt að leggja til að halda við
nauðsynlegum tækjum og búnaði
til björgunar á fólki úr eldsvoða.“
Þetta ákvæði er tekið óbreytt í
nýju lögin um brunavarnir og bruna-
mál, sem samþykkt voru á Alþingi
12. maí sl.
f reglugerð um brunavarnir og
brunamál frá 8. júní 1978 er ákveðið
fjallað um slík hús, sem hér um ræð-
ir, en þar segir orðrétt:
„í svefndeildum elliheimila, hjúkr-
unarheimila og annarra stofnana,
þar sem ætla má að vistmenn séu
vanbúnir að bjarga sér, ef eldur
verður laus, skal vera sjálfvirkt
brunaviðvörunarkerfi.
Viðvörunarkerfi skulu samþykkt
af Brunamálastofnun ríkisins."
Þess má þó geta, að það hús sem
hér er gert sérstaklega að umtals-
efni mun vera byggt fyrir gildistöku
reglugerðarinnar, þ.e. fyrir 1978.
Engu að síður lítur brunamála-
stjóri svo á að fullnægja skuli þessu
ákvæði reglugerðarinnar um viðvör-
unarkerfi eins fljótt og kostur er.
í fyrrnefndri reglugerð frá 1978 er
sérstaklega fjallað um slík mál, en
þar segir orðrétt:
„1 húsum og öðrum mannvirkjum,
sem fullgerð eru við gildistöku
reglugerðarinnar, er og skylt að
fara eftir ákvæðum hennar eftir
því sem unnt er og gera þær ráð-
stafanir, sem slökkviliðsstjóri tel-
ur nauðsynlegt til að afstýra
hættu fyrir menn og eignir.“
Með skírskotun til sömu reglu-
gerðar, sem getið er um að framan
um nauðsyn á sjálfvirku brunavið-
vörunarkerfi í svefndeildum stofn-
ana, þar sem ætla má að vistmenn
séu vanbúnir að bjarga sér verði eld-
ur laus, telur brunamálastjóri, að
málið liggi í sjálfu sér ljóst fyrir.
Virðingarfyllst."
GÆTUM TUNGUNNAR
lleyrst hefur: Þeir litu á hvorn anna
Kétt væri: Þeir litu hvor á annan.
Leiðréttum börn sem flaska á þessu
GOODfVEAR
VETRARDEKK
f-,-' '•

HEKLAHF
LAUGAVEG1170-172 SIMAR 28080 OG 21240
ÖRYGGI
GÆÐI
Polaroid
augnabliksmyndirnar
eru hrókur alls fagnaðar
Polaroid660 myndavélin tryggir fallegri,
litríkari og skarpari augnabliksmyndir
■ 660 vélin hefur sjálfvirka fjarlægðarstillingu
frá 60 cm til óendanlegrar, 640 vélin er með
fix focus og 650 vélin með fix focus og nærlinsu.
■ Óþarft að kaupa flash og batteri
því batteri er sampakkað filmunni. tskV'- ‘
■ Notar nýju Polaroid 600 ASA
litmyndafilmuna, þá hröðustu í heimi!
helmingi Ijósnæmari en aðrar sambærilegar filmur!
Tökum gamlar vélar upp í nýjar
Polaroid vélar!