Morgunblaðið - 21.04.1983, Blaðsíða 29

MORGUNBLAÐIÐ, FIMMTUDAGUR 21. APRÍL 1983
33
Áttræð á morgun:
Sigríður Erlingsdóttir
fv. yfirhjúkrunarkona
liðsmaður, hógvær í málflutningi
en rökfastur með afbrigðum og
ákveðinn væri skoðun hans mótuð.
Minni Þorsteins er trútt og
glöggskyggni hans viðbrugðið.
En þó að Þorsteinn sé hógvær
og hlédrægur að eðlisfari hefur
hann komið víðar við en líklega
allir aðrir um framvindu og þróun
sveitarstjórnarmála á Selfossi.
Þannig hefur hann starfað í bygg-
inga- og skipulagsnefnd Selfoss
um 30 ára skeið og á þar enn sæti.
í einkalífi hefur Þorsteinn Sig-
urðsson verið gæfumaður. Kona
hans, Guðrún Valdimarsdóttir,
hefur búið honum fagurt heimili
og hlýlegt að Birkivöllum 18. Þar
er gott að vera gestur.
Þeim hefur orðið fimm barna
auðið, sem öll eru uppkomin og
hafa stofnað sín heimili. Þau eru:
Valdimar, vélvirki hjá Hitaveitu
Selfoss, býr á Selfossi, kvæntur
Guðrúnu Sveinsdóttur. Þorsteinn,
rafvirki og verkstjóri hjá Rafveitu
Selfoss, býr á Selfossi, kvæntur
Sjöfn Jónsdóttur. Erlingur, tré-
smiður, starfar með föður sínum í
trésmiðju ÞÁ, býr á Selfossi,
kvæntur Hlín Daníelsdóttur.
Trausti, skólastjóri, býr á Dalvík,
kvæntur Önnur Báru Hjaltadótt-
ur. Guðfinna, starfsmaður Pósts
og síma, býr á Selfossi, gift Jens
Uwe. Barnabörnin eru 15.
Þorsteinn Sigurðsson hefur
vissulega fulla ástæðu til að gleðj-
ast yfir góðu gengi á þeim tíma-
mótum, sem nú eru í lífi hans.
Ég færi honum, Guðrúnu konu
hans og fólki hans öllu hugheilar
afmæliskveðjur í tilefni sjö-
tugsafmælis Þorsteins frá okkur
Svövu og fjölskyldunni allri.
Kærlega þakka ég honum alla lið-
veislu og leiðbeiningu fyrr og síð-
ar.
Megi hann njóta farsældar og
starfsþreks um mörg ókomin ár og
umfram allt una sem lengst við
ávöxt elju sinnar.
Óli Þ. Guðbjartsson
Það er sérstakur unaður að
standa á hlaðinu á Ytri-Sólheim-
um í Mýrdal og sjá opinn himinn
Guðs á fögru sumarkveldi.
Sigríður Erlingsdóttir fv. yfir-
hjúkrunarkona við Sjúkrahús
Hvítabandsins hér í Reykjavík er
fædd 22. apríl 1903 að Kaldrana-
nesi, Hvammshreppi, V-Skaft, en
tveggja ára að aldri fluttist hún
með foreldrum sínum og systkin-
um að Ytri-Sólheimum í Mýrdal,
landnámsjörðinni og höfðingja-
setrinu. Foreldrar hennar voru
hjónin Erlingur Brynjólfsson
bóndi og Hallbera ísleifsdóttir.
Sigríður ólst upp hjá foreldrum
sínum og í góðum hópi kærra
systkina. Sigríður stundaði nám í
Flensborg í Hafnarfirði og við
Kvennaskólann á Blönduósi. Lauk
hjúkrunarnámi við Rigshosp. í
Kaupmannahöfn 1932. í meira en
hálfa öld hefir frk. Sigríður starf-
að að hjúkrun. Það hefir verið
yndi hennar að hlynna að sjúkum
og er hún mjög dáð af sjúklingum
sínum, enda rækti hún starf sitt
vel. Allir hafa dáðst að enda er
það áberandi í fari hennar, hve
skyldurækin hún er, stappar
nærri ofurkappi. Skylduræknin er
frk. Sigríði í blóð borin og hún
rækir öll sín hjúkrunarstörf svo
afburða vel. Þess vegna er og var
svo oft til hennar leitað, þessarar
ágætu konu. Hún hefir aldrei
brugðist, henni má alltaf treysta.
Frk. Sigríður er mjög vel gefin
kona til sálar og líkama, fjölhæf,
fróð og drengur góður, glöð og reif;
hún flytur gleðina með sér, þar
sem hún kemur og léttir yfir.
Frk. Sigríður er sérstakur unn-
andi tónlistar gömlu meistaranna,
en alveg sérstakt er ennfremur,
hvað hún er dugleg að ferðast, og
hefir mikið yndi af ferðalögum. A
heimili hennar er hógværð og
mikil kyrrð sem gerir það að
björtum dvalarstað. Allir sem
koma á heimili hennar, finna yl-
inn, yl hjartans, koma á móti sér,
finna að þar er gott að vera. Frk.
Sigríður er alltaf logandi af
áhuga, iðandi af fjöri, full af gleði
og góðsemi. Ég óska frænku minni
allra heilla á þessum merkisdegi.
Helgi Vigfússon
Fróóleikur og
skemmtun
fyrirháa sem lága!
Sumarkaffi
Skátafélagið Kópar og kvennadeildin Urtur halda sína árlegu kaffisölu í
Félagsheimili Kópavogs (uppi) frá kl. 3—6. Hlaðborð með girnilegum kök-
um. Styrkið okkur í starfi.
Kvennadeildin Urtur og Skátafélagið Kópar.
Búnaðarfélag Dyrhólahrepps:
Skora á ríkisstjórnina að út-
vega Aburðarverksmiðjunni fé
MORGUNBLAÐINU hefur borizt
eftirfarandi ályktun frá Búnaðarfé-
lagi Dyrhólahrepps:
Aðalfundur Búnaðarfélags
Dyrhólahrepps haldinn í Ketils-
staðaskóla 30. mars 1983 skorar á
ríkisstjórnina að útvega fé til
reksturs Áburðarverksmiðjunnar
eins og annarra ríkisfyrirtækja
sem rekin eru með tapi, því ef það
áburðarverð sem kynnt hefur ver-
ið kæmi á áburð í vor væri hætta á
að það kæmi mjög illa við bændur
og gæti valdið röskun á hinum
hefðbundnu búgreinum. Telur
fundurinn að ríkið verði að laga
hallarekstur verksmiðjunnar svo
áburður hækki ekki til bænda um-
fram almennar verðhækkanir í
landinu.
Þá mótmælir fundurinn harð-
lega að það fé sem tekið er með
kjarnfóðurskatti sé notað til að
greiða niður áburðarverð og telur
að sá skattur kæmi að meirihluta
frá mjólkurframleiðendum. Því
telst óréttmætt að ein búgrein
greiði meira í áburðarverði en
aðrar, þar sem ýmsar búgreinar
greiði alls ekki kjarnfóðurskatt
svo sem garðyrkjubúin. Einnig
nota Vegagerðin og Landgræðslan
áburð og framleiðendur garð-
ávaxta í þéttbýli sem greiða held-
ur ekki skattinn.
IVIUNIÐ
LANDSSÖFNUNINA
Eflum einn flokk til ábyrgðar
SJÁLFSTÆDISFLOKKURINN.