Morgunblaðið - 19.01.1984, Blaðsíða 30

30
MORGUNBLAÐIÐ, FIMMTUDAGUR 19. JANÚAR 1984
Fréttabréf úr Mývatnssveit:
Á margan hátt farsælt ár
.Kringla". — Hráefnisþró og umhverfi Kísiliðjunnar. Námafjall nær en Búrfell í baksýn.
Um jól og áramót var veður
frekar hagstætt hér í Mývatns-
sveit. Færð var allgóð á flestum
vegum, þó var ófært austur á
Hólsfjöll, nema á snjóbíl.
Samkomur um jól og áramót
hér í sveitinni voru að mestu með
hefðbundnum hætti, messað var í
báðum kirkjum, og var kirkjusókn
mjög góð. Haldin var jólatrés-
skemmtun fyrir börn í Skjól-
brekku og var mikið fjölmenni.
Einnig var haldinn þar svokallað-
ur jólafundur sem er orðinn árviss
viðburður. Eftir miðnætti á gaml-
árskvöld var dansleikur í Hótel
Reynihlíð. Mikið var um flugelda-
skot og stjörnublys víða í sveitinni
það kvöld.
Á síðasta ári var lokið við að
leggja sjálfvirkan síma á alla bæi
í Mývatnssveit.
Atvinnuleysi
hjá konum
Telja verður að atvinna hafi
verið góö sl. sumar hér í sveitinni.
Með haustdögum fór þó að bera á
atvinnuleysi, og er skráning at-
vinnulausra nú meiri en áður hef-
ur þekkst. Skráðir atvinnulausir
eru eingöngu konur. Leiðir það
hugann að mjög fátæklegu at-
vinnuframboði fyrir konur mikinn
hluta ársins í sveitarfélaginu.
Ekki verður þar úr bætt nema til
komi ný framleiðsla eða aukin
þjónusta. Leitað hefur verið eftir
aðstoð Byggðadeildar Fram-
kvæmdastofnunar um nokkurs
konar úttekt á atvinnu og fram-
leiðslumöguleikum hér í sveit, og
er þess að vænta að það starf verði
hafið með nýju ári. Möguleikar
Mývatnssveitar til framleiðslu
hljóta að vera fjölmargir ef litið
er til þeirrar miklu orku sem til
staðar er og ætti að geta grund-
vallað aukna og fjölbreyttari at-
vinnu.
Léttsteypan
Léttsteypan hf., sem framleiðir
holsteina og milliveggjahellur úr
hraungjalli, hefur verið starfandi
í Mývatnssveit síðan 1963 eða rúm
20 ár. Fyrirtækið varð fyrir miklu
tjóni af völdum kvikuhlaupa og
jarðskjálfta árið 1977, og stöðvað-
ist reksturinn þá í nokkra mánuði.
Komu þessi áföll í kjölfar mikillar
fjárfestingar í húsum og vélum.
Olli þetta m.a. verulegum rekstr-
arerfiðleikum næstu árin. Á síð-
asta ári tókst að snúa dæminu við
þrátt fyrir mikla ládeyðu hvar-
vetna í byggingariðnaði og varð
framleiðsla og söluaukning um
80% að magni frá árinu áður.
Töluvert hefur verið unnið að
vöruþróun hjá fyrirtækinu, og
hefur t.d. tekist að framleiða mun
léttari milliveggjahellur en áður
og lækka þannig flutningskostnað
til muna. Þá er núna að hefjast
framleiðsla á 7 cm þykkum hell-
um, 40x40 cm að stærð, en þessi
þykkt hefur ekki verið framleidd
um árabil. Framleiðslukostnaður
hjá Léttsteypunni er tiltölulega
mjög lágur m.a. vegna nálægðar
hráefnisnámanna og verð á öllum
framleiðsluvörum því mjög hag-
stætt. Starfsmenn hjá fyrirtækinu
í vetur eru 67.
Ferskt vatn
Árið 1983 hlýtur að teljast mik-
ið merkisár í framkvæmdum á
vegum sveitarfélagsins. Þann 2.
desember sl. var ferskvatn frá
Austaraselslindum leitt í dreifi-
kerfi vatnsveitu Reykjahlíðar, þ.e.
11 km vegalengd. Þremur dögum
fyrr var vatnið tekið til nýtingar
inn á kerfi Hitaveitunnar. Nokkuð
er þó enn óunnið við vatnsveituna,
frágangur og fl. Eftir er einnig að
mestu þáttur Orkustofnunar, þ.e.
byBKÍng varmaskiptastöðvar og
endurnýjun lagna, bæði vatns- og
gufulagna. Á fjárlögum ársins
1984 er Orkustofnun ætlaðar 5
milljónir króna til þessa verkefnis
og er stefnt að gangsetningu
stöðvarinnar í endaðan júní nk.
Vatnsmagn úr Austraselslind-
um er mun meira en ætlað var eða
rúmlega 100 s/1 en upphaflegar
mælingar gáfu til kynna um 40
s/1.
Hitaveitur
Athuganir hafa farið fram á
Arnarvatnssvæðinu vegna hita-
veitu þar og telja jarðfræðingar
að finna megi nýtanlegt vatn á um
600 metra dýpi. Sótt hefur verið
um fyrirgreiðslu hjá Orkuráði og
Orkusjóði til borunar á þessu
svæði en svar hefur ekki borist.
Tregða Orkuráðs byggist á því að
ekki sé að vænta lægra orkuverðs
hjá hugsanlegri hitaveitu á þess-
um stað og kostnaður við að leiða
vatnið til lítils markaðar skapar
óvissu um endanlega hagkvæmni.
Ein þeirra athugana er fram fór
að tilhlutan orkunefndar sveitar-
innar var fólgin í að reka niður
sívalning um uppstreymi í Arn-
arvatni. Rennur þar nú 1 'k s/1 af
44 gr. heitu vatni um hálfan metra
yfir vatnsyfirborði.
Áfram verður unnið að athug-
unum á svæðinu og m.a. hefur
komið fram hugmynd um að
kanna jarðvarma þar sem sprunga
sú er leiðir heita vatnið undir
Arnarvatni tekur land og losna þá
við ýmis vandkvæði er tengjast
borun í vatni og hugsanlegt niður-
streymi úr Arnarvatni niður í
sprunguna.
Þá hefur einnig komið fram sú
hugmynd að bora með höggbor í
Varmholtsflötum skammt frá
Arnarvatnsbæjum, en þar rennur
upp 32 gr. heitt vatn, en horfið var
frá því ráði. Á Stöng var fyrir
nokkrum árum borað með höggbor
á kostnað bænda þar og fékkst
upp um 52 gr. heitt vatn.
Nærri ársreynsla er nú komin á
varmadæluupphitun á Hofsstöð-
um og virðist svo að hagkvæmni
þessarar aðferðar byggi á góðri
nýtingu raforku, þ.e. dælan þarf
aðeins um þriðjung þeirrar orku
er rafhitun krefst.
Unnið var á árinu 1983 að
endurnýjun hluta stofnkerfis hita-
veitu í Vogahverfi og tengd 420
metra einangruð stálpípa inn í
kerfið. Hefur breyst til hins betra
með hita hjá notendum í Vogum.
Sorpbrennsla
í ágúst sl. var tekin í notkun
sorpbrennsla er byggð var suð-
austan í Jarðbaðshólum. Jafn-
framt var akstri með sorp til
Húsavíkur hætt. Bygging sorp-
brennslunnar var kostuð af sveit-
arfélagi og Kísiliðjunni. Brennsl-
an hefur gengið mjög vel það sem
af er.
Skjólbrekka
Á árinu 1983 var gerð fokheld
miðálma viðbyggingar Skjól-
brekku. Ennfremur var unnið að
hinu nýja eldhúsi í vesturálmu
viðbyggingar. Þá var hafin lag-
færing á anddyri og smíði fata-
hengis í gamla eldhúsi. í kjallara
miðálmu er bókasafni sveitarinn-
ar ætlað rými og mun þá þjónusta
þess væntanlega batna.
Vegir og samgöngur
Fátt skiptir dreifbýlið meira
máli en góðar og greiðar samgöng-
ur. Á hverju ári eru mörkuð ein-
hver spor í þeim efnum. Sýslu-
vegafé var á síðasta ári varið nær
eingöngu til framkvæmda á vegin-
um milli Litlustrandar og Bald-
ursheims svo og Heiði. Samkvæmt
upplýsingum bænda þar hefur
brugðið til hins betra með vetrar-
samgöngur á þeirri leið nú.
Eftir talsverða óvissu var loks
ráðist í uppbyggingu á veginum á
Mývatnsheiði sunnan Brattáss á
haustdögum. Þá var einnig byggð-
ur upp að nokkru vegurinn um
Víðafell. Mælt var fyrir vegastæði
milli Skútustaða og Garðs og tvö-
földuð klæðning á veginum við
Voga og Reykjahlíð. Baráttan um
vegaframkvæmdir og vegafé er
nokkuð harðvítug enda margir um
hituna.
Mikil nauðsyn er á að lagfæra
Kísilveg og byggja upp þá kafla
sem ætíð setur snjó fyrst á þannig
að hann verði greiðfærari og ör-
uggari samgönguleið að vetri.
Engar endurbætur hafa verið
gerðar á þessum vegi síðan hann
var gerður. Þó er vitað um sömu
staðina ár eftir ár sem setur snjó
á. Verulegur kostnaður er við að
halda veginum opnum á vetrum,
auk allra óþæginda fyrir vegfar-
endur.
Vitað er að þessi vegur gegnir
svo mikilvægu hlutverki fyrir
þetta byggðarlag, að nu þegar
verður að krefjast þess að úr verði
bætt innan tíðar. Með því má líka
spara mikið fé vegna snjómokst-
urs.
Áfram þarf markvisst að vinna
að framkvæmdum við veginn
norðan Mývatns. Þá er einnig
mjög áhugavert að leggja nýjan
veg milli Skútustaða og Garðs,
m.a. sökum hinnar sameiginlegu
þjónustu sveitarinnar að Skútu-
stöðum og Reykjahlíð.
Bætt kennsluaðstaða
Við upphaf skólaárs á síðast-
liðnu hausti var tekin í notkun
laustengd kennslustofa við
Reykjahlíðarskóla og bætt þar úr
brýnni þörf. Viðbyggingin er um
76 fermetrar, tengigangur, for-
stofa, snyrting, geymsla og
kennslustofa. Byggingin, sem var
flutt á staðinn fullsmíðuð, var
byggð hjá Sniðli hf., en teiknuð af
Einari Fr. Jóhannessyni, bygg-
ingarfulltrúa á Húsavík.
Fullorðinsfræðsla
og tónlistarnám
Efnt var til námsframboðs fyrir
fullorðna sl. haust. Sextíu og níu
nemendur stunduðu námskeið í
ensku og bókfærslu, og var mikil
ánægja með þessa starfsemi. Full-
orðinsfræðslunefnd hefur lagt til,
í ljósi þess mikla áhuga er fram
kom, að áfram verði haldið með
nýju ári og boðið upp á nám í
ensku, vélritun og þýsku.
Starfsemi tónlistarskólans hef-
ur aldrei verið meiri en í vetur. Á
haustönn voru 77 nemendur við
skólann og kennarar alls 7, þar af
3 kennarar er starfa við Tónlist-
arskóla Húsavíkur en kenna hér
einn dag í viku.
Bústofn
Samkvæmt skýrslu Búnaðarfé-
lags íslands er byggir á upplýsing-
um úr forðagæsluskýrslum frá í
haust er bústofn, uppskera og fóð-
urbirgðir sem hér segir í Skútu-
staðahreppi:
Nautgripir 199
Sauðfé 7.095
Hross 137
Hænur 189
Heyforði 1.453.807 fóðureiningar,
fóðurforði umfram þörf telst
279.637 fóðureiningar. Kartöflu-
uppskera um 55 tunnur.
Árið sem nú er nýbúið að kveðja
hefur á margan hátt verið okkur
farsælt. Afkoma íbúa þessarar
sveitar er almennt góð og fram-
kvæmdir hafa verið verulegar og á
vettvangi sveitarfélagsins hefur
verið unnið að margvíslegri og
stærri verkefnum en áður.
Að lokum óska ég öllum árs og
friðar.
Kristján Þórhallsson
Bridge
Arnór Ragnarsson
Bridgefélag
Kópavogs
Aðalsveitakeppni félagsins
hófst fimmtudaginn 12. jan. með
þátttöku 10 sveita.
Staðan að tveimur umferðum
lokum er þessi:
Sveit Jakobs Kristinssonar 40
Sveit Gríms Thorarensen 37
Sveit Sigurðar Vilhjálmss. 34
Sveit Björns Halldórssonar 30
Næsta umferð verður spiluð
fimmtudaginn 19. jan. og hefst
hún kl. 19.45 stundvíslega.
Bridgefélag
Akureyrar
Metþátttaka er í Akureyrar-
mótinu í tvímenningi sem nýlega
er hafið. Spilað er með barómet-
erfyrirkomulagi og mættu 50 pör
til leiks.
Staða efstu para eftir 14 umferð-
ir af 49:
Stefán Vilhjálmsson.
— Guðmundur Gunnlaugss. 252
Magnús Aðalbjörnsson
— Gunnl. Guðmundsson. 245
Arnar Daníelsson
— Stefán Gunnlaugss. 240
Hörður Steinbergsson
— Friðfinnur Gíslason 200
Símon Gunnarsson
— Jón Stefánsson 199
Stefán Ragnarsson
196
— Pétur Guðjónsson
Gunnar Berg
— Trausti Haraldsson
Gunnar Berg jr.
— Anton Haraldsson
Helgi Sigurðsson
— Vilhjálmur Hallgrímsson 150
Úlfar Kristinsson
— Hilmar Jakobsson 146
180
178
Örn Einarsson
— Zarioh Hammado 129
Gylfi Pálsson
— Helgi Steinsson 106
Meðalskor 0. Spiluð eru 3 spil
milli para. Næstu umferðir
verða spilaðar á þriðjudaginn í
Félagsborg kl. 19.30 stundvís-
lega.
Loks má geta þess að Magnús
Aðalbjörnsson stendur nú fyrir
bridgenámskeiðum hér á Akur-
eyri í samráði við BA. Er full-
bókað í fyrsta námskeiðið. Þá
hafa mörg fyrirtæki á Akureyri
sýnt áhuga á að fá Magnús til að
leiðbeina starfsfólki sínu, en
hann hefir staðið fyrir slíkum
námskeiðum sem hafa verið
mjög vel sótt. Þetta framtak Ak-
ureyringa er mjög athyglisvert
og til eftirbreytni.
Bridgefélag
kvenna
Aðalsveitakeppni félagsins
hófst mánudaginn 9. jan. 16
sveitir taka þátt í keppninni.
Eftir tvö kvöld eru þessar sveitir
efstar:
Sveit Öldu Hansen 67
Sveit Guðrúnar Halldórsson 67
Sveit Aldísar Schram 61
Sveit Guðrúnar Bergsdóttur 60
Sveit Sigrúnar Pétursdóttur 53
Sveit Gunnþórunnar Erlingsd.44
Næst verður spilað mánudag-
inn 23. jan.