Morgunblaðið - 31.07.1984, Blaðsíða 19

MORGUNBLAÐIÐ, ÞRIÐJUDAGUR 31. JÚLÍ 1984
19
Á hestbaki í fjöllum Ástralíu
Kvikmyndír
Ólafur M. Jóhannesson
Á hestbaki í fjöllum Ástralíu
Nafn á frummáli:
The Man from Snowy River.
Leikstjóri: George Miller.
Handrit eftir John Dixon, byggt á
Ijóói eftir A.B. Paterson.
Tónlist: Bruce Rowland.
Myndatökustjórn: Keith Wagstaff.
Sýnd í Nýja Bíói.
Hvað eigum við tslendingar
sameiginlegt með andfætlingum
vorum í Ástralíu, ansi fátt er ég
hræddur um nema nægt land-
rými, jú og svo má ekki gleyma
björtu kvikmyndasumri sem von-
andi bregður ekki skjótt til vetr-
ar, hvorki I hinni sólbjörtu Ástr-
alíu né hér norður í Dumbshafi.
Ég skal ekki spá hér frekar um
lífsvon íslenskrar kvikmynda-
gerðar, en það virðist ganga
bærilega hjá andfætlingum vor-
um á kvikmyndasviðinu. Mér
skilst að Ástralíubúar þyrpist
inní forsælu kvikmyndahúsa,
þrátt fyrir gífurlega útbreiðslu
myndbanda, og þarlendir menn
sækja ekki aðeins í breiðtjalds-
myndir á borð við: E.T., Gandhi
og Tootsie, sem allstaðar gera
það gott, heldur og í listrænar
myndir svokallaðar, sem sýndar
eru í þar til gerðum bíóhúsum.
Hvað varðar aðsókn að kvik-
myndum framleiddum á heima-
velli, þá virðist hún neinnig
skapleg, þannig hafa áströlsk
kvikmyndahús halað inn drjúgan
skilding á myndum eins og: Galli-
poli, Mad Max, Puberty Blues og
Starstruck. Hér eru aðeins nefnd-
ar vinsælustu myndir síðastlið-
ins árs og hins næsta þar á und-
an og er þá ótalin sú kvikmynd er
nú prýðir sal Nýja Bíós — The
Man from Snowy River.
Ekki get ég sagt að þessi feng-
sæla mynd sanni styrka stöðu
kvikmyndarinnar í áströlskum
menningarheimi, þessa stundina.
Þrátt fyrir fagmannlega mynda-
töku, er gefur ekki ósvipaða
mynd af áströlsku landslagi og
sætu íslenskir kvikmyndatöku-
menn bak við myndavélarnar,
skortir söguþráð þessarar mynd-
ar dýpt og sannfæringarkraft.
Finnst mér myndin helst eiga
heima í hópi unglingamynda, þar
sem ástin og hugrekkið sigrast
að lokum á ævintýralegan hátt á
mannvonskunni. En myndin
greinir í fáum orðum frá ungum
manni, Jim Craig, er býr upp til
fjalla í Viktoríufylki. Sá missir
föður sinn, og hrekst þar með
niðrá sléttuna, í vist hjá stór-
bónda einum sem náttúrulega á
bráðfallega dóttur, sem verður
umsvifalaust skotin í stráknum.
Er ekki að orðlengja, að strákur
er hetja hin mesta og vinnur sig
brátt í álit hjá stórbóndanum og
hyski hans. Hvort hann fær dótt-
urina að verkalaunum, læt ég
liggja á milli hluta, en hest einn
góðan hreppir hann að lokum.
Snýst mynd þessi raunar
meira um hesta en menn, og
verður ekki annað sagt en að
hópreiðin undir lok myndarinnar
sé einhver sú áhrifamesta sem
sést hefur í kvikmynd. Verður að
leita aftur til hinna Sjö hetja
Kurosawa til að finna hliðstæðu.
Gætu íslenskir kvikmynda-
gerðarmenn — þeir er hyggja á
filmun fornsagnanna — margt
lært í þessu efni af mynda-
tökustjóranum Keith Wagstaff
og leikstjóranum George Miller.
Það er annars merkilegt hve
hestar geta hrært upp í tilfinn-
ingum manna, jafnvel haft miklu
djúptækari áhrif en mannfólkið,
með öllum sínum tiktúrum. Ráð-
legg ég viðkvæmum sálum af
hinu veikara kyni að hafa vasa-
klútinn við höndina þá lokaatriði
The Man from Snowy River eða
Mannsins frá Klakaá flennist yfir
tjald Nýja Biós.
Viðkvæmum bíóáhugamönn-
um er einnig bent á að Kirk
Douglas leikur í þessari mynd,
reyndar sjálfan sig í tveim útgáf-
um. (Ég hélt nú að það væri nóg
fyrir blessaðan manninn að heita
tveimur nöfnum, ekki bara Kirk
Douglas heldur líka Issur Dani-
elovitch Demsky, en það er nú
önnur saga.) Aðrir leikarar
myndarinnar eru flestir ástr-
alskir og standa sig prýðilega,
ekki síst Tom Burlinson sem Jim
Craig. Ég hef áður minnst á fag-
mannlega myndatöku Keith
Wagstaff, og fyrir þá sem hafa
áhuga á hestum, fögru landslagi
og unglingarómantík er þessi
mynd kjörin. Fyrir hina er kjósa
fremur kvikmynd, byggða á
hugmyndaríku og snjöllu hand-
riti, er til dæmis mynd Bíóhall-
arinnar í kröppum leik, betri
kostur. Þannig, góðir hálsar, geta
menn vissulega ratað inná bíó
við sitt hæfi í henni Reykjavík
þessa dagana, því einsog þið sjáið
hef ég bara bent á tvær myndir,
er hvor um sig höfðar til ólíkra
áhorfendahópa.
Leiðrétting: í grein er ég ritaði
hér í blaðið á föstudaginn var og
nefndi Eitt lítið orð — Vandi
gagnrýnandans í aðþrengdu
málsamfélagi, læddist meinleg
villa: „Ræður þá hnefarétturinn
ríkjum fremur en orðmargir
lagabjálkar?", stendur þar svart
á hvítu. Ekki veit ég í hvaða auga
þeir ágætu bjálkar kunna að
hafa rekist, en betur kann ég við
lagabálkana.
Nr. 1 í JAPAN
Já, í Japan, landi þar sem almenn
neytendaþekking er á háu stigi og gæðakröfur eru miklar, er
Panasonic mest keypta VHS myndsegulbandstækið.
Panasonic er að sjálfsögðu einnig mest keypta
VHS myndsegulbandstæki í heimi.
NV-370 NÝ HÁÞRÓUÐ TÆKI
FYRIR KRÖFUHARÐAN NÚTÍMANN.
8 liða fjarstýring
Quarts stírðir beindrifnir mótorar
Quarts klukka
14 daga upptökuminni
12 stöðva minni
OTR: (One touch timer recording)
Rafeindateljari
Myndleitari
Hraðspólun með mynd áfram
Hraðspólun með mynd afturábak
Kyrrmynd
Mynd skerpu stilling
Mynd minni
Framhlaðið 43 cm breitt (Passar í hljómtækjaskápa)
Upptökuminni til daglegrar upptöku t.d. er hægt
að taka 10—12 fréttatíma fram í tímann.
Sjálfspólun til baka
Fín Editering. Klippir saman truflanalaust nýtt og
gamalt efni.
Tækið byggt á álgrind.
Fjölvísir Multi-Function Display
Verð aðeins
36.900,-
stgr.
Panasonic gæðí. varanleg gæði.
AKRANES: Stúdíóval. AKUREYRI: Radíóvinnustofan Kaupangi. Tónabuðin BORGARNES: Kaupfélagið
ESKIF|ÖRDUR Pöntunarfélagið HAFNARF|ÖRDUR: Kaupfélagið Strandgötu HELLA Mosfell
HORNAFIÖRDUR: Radióþ|ónustan NESKAUPSTADUR: Kaupfélagið SAUDÁRKRÖKUR: Rafsjá.
SELFOSS: Vöruhus KÁ SEYDISFJÖRÐUR: Kaupfélagíð TÁLKNAFIÖRDUR: Bjarnarbúð
VESTMANNAEYIAR: Músík og Myndir
JAPIS hf
BRAUTARHOLTI 2 SÍMI 27133