Morgunblaðið - 27.11.1984, Blaðsíða 26
26
MORGUNBLAÐIÐ, ÞRIÐJUDAGUR 27. NÓVEMBER 1984
Leikfélag Keflavíkur:
Sýnir „Fjölskyld-
una“ í Félagsbíói
LEIKFÉLAG Keflavíkur frumsýndi
síðastliðinn laugardag leikritið
„Fjölskyldan“ eftir Finnann Claes
Anderson í Félagsbíói Keflavík.
Leikritið fjallar um mann sem
er að reyna að hætta að drekka
áfengi og hvernig fjölskyldan
bregst við því. Fjölskyldan hefur
vanist að umgangast manninn
sem drykkjumann og á erfitt með
að sætta sig við að hann hætti að
drekka. Leikendur eru sex, en það
eru Ríkharður Ásgeirsson sem
leikur Ragnar Back (drykkju-
manninn), og Björk Mýrdal sem
leikur Svövu konu hans. Þau fara
með aðalhlutverk. Börn þeirra
leika Helga Jakobsdóttir sem leik-
ur Mörtu, Guðfinnur Kristjánsson
sem leikur Þóri og Sigríður Vig-
fúsdóttir sem leikur Súsönnu.
Helgi Hermannsson leikur lækni.
Leikstjóri er Ásdís Skúladóttir.
Hún útskrifaðist úr Leiklistar-
skóla Leikfélags Reykjavíkur árið
1968, en hefur síðan leikið í Iðnó
og leikstýrt víða um landið og í
Færeyjum.
Leikfélag Keflavíkur ráðgerir
sex sýningar. Næstu sýningar
verða þriðjudaginn 20. nóvember,
miðvikudaginn 21. nóvember og
föstudaginn 23. nóvember og hefj-
ast sýningarnar kl. 20.30 í Félags-
bíói.
Eins og undanfarin ár er ætlun-
in að bjóða öldruðum Keflvíking-
um á leiksýningu. Þá á Leikfélagið
von á hópi gesta úr Kópavogi á
sýninguna þann 23. nóvember. Að
þessu sinni hafa æfingar farið
fram í barnaskólanum í Höfnum.
Leikfélag Keflavíkur færir eitt
til tvö leikrit upp á hverjum vetri.
Formaður félagsins er Guðrún
Karisdóttir. E.G.
Frá fundinum þar sem vinnuhópur um tengsl heimila og skóla kynnti niðurstöður sfnar og ifangaskýrshi. F.v.
Hrólfur Kjartansson, fulltrúi skólaþróunardeildar menntamálaráðuneytisins. Salóme Þorkelsdóttir, alþingismaður;
formaður vinnuhópsins, og Inga Jóna Þórðardóttir, aðstoðarmaður menntamálaráðherra.
„Samfelldur skóladagur
- Aukin áhrif foreldra“
Niðurstöður vinnuhóps um tengsl heimila og skóla kynntar.
Frá sýningu Leikfélags Keflavfkur.
AUKIN tengsl foreldra við skóla
barna sinna, samfelldur skóladagur
og skynsamleg skipan nestismála
eru þau atriði sem brýnast er að
leggja áherslu á, eigi að bæta tengsl
fjölskyldu og skóla, að því er segir
m.a. í áfangaskýrslu vinnuhóps, sem
menntattiálaráðherra, Ragnhildur
Helgadóttir, skipaði í fyrrasumar og
FRISKk
/UIN Nýr heilsuvökvi
fyrir böm og fulloröna.
Frískamín er blanda rík af A-, B-, C-
og D-vítamínum. Hæfilegur
skammtur uppfyllir vítamínþörf
allraaldurshópa. Dagleg notkun
Frískamíns kemur í veg fyrir
vítamínskort á vaxtarskeiði barna
og unglinga.
Frískamín með fersku ávaxta-
bragði fæst í næstu matvöruverslun.
kynnt var á fréttamannafundi sl.
þriðjudag.
Skýrslan ber heitið „Samfelldur
skóladagur. Tengsl heimila og
skóla." I henni er fyrst og fremst
fjallað um stöðu þessara mála í
þéttbýli, en gert er ráð fyrir að
dreifbýlinu verði gerð skil í næsta
áfanga.
Vinnuhópnum var m.a. falið að
athuga hvernig samræma mætti
betur vinnutfma foreldra og skóla-
barna og voru tillögur þar að lút-
andi meðal þess sem kynnt var á
fundinum.
Formaður hópsins er Salóme
Þorkelsdóttir, alþingismaður, og
kynnti hún skýrsluna ásamt Ingu
Jónu Þórðardóttur, aðstoðar-
manni menntamálaráðherra, og
Hrólfi Kjartanssyni, fulltrúa. En
Hrólfur sat í vinnuhópnum sem
fulltrúi skólaþróunardeildar
menntamálaráðuneytisins og var
jafnframt starfsmaður hans, ann-
aðist samantekt skýrslunnar og
vann úr könnunum þeim sem voru
gerðar á vegum hópsins.
Aðrir sem skipuðu vinnuhópinn
voru Sólrún Jensdóttir, skrifstofu-
stjóri; varaformaður, Bryndís
Steinþórsdóttir, námsstjóri; ritari,
Áslaug Friðriksdóttir, skólastjóri,
Guðrún Agnarsdóttir, alþingis-
maður, Helga Hannesdóttir, lækn-
ir, Sigrún Magnúsdóttir, kaup-
maður og Þórunn Gestsdóttir,
blaðamaður.
„Það þarf að verða hugarfars-
breyting í þjóðfélaginu gagnvart
samskiptum foreldra og skóla, á
þann veg að áhrif foreldra á stjórn
skóla verði aukin,“ sagði Salóme
Þorkelsdóttir og bætti við, að inn f
það mál fléttaðist einnig endur-
mat á störfum kennara, þannig að
þeim yrði gert kleift að leggja
meiri áherslu á persónuleg sam-
skipti við nemendur og foreldra
þeirra.
En í skýrslunni mælir vinnu-
hópurinn með því að við hvern
grunnskóla starfi skólaráð, „sem
verði stjórn skólans til ráðuneytis
um innri mál skólans" og að f
skólaráði „eigi sæti fulltrúar for-
eldra, nemenda, starfsfólks skóla,
skólanefndar og skólastjóri eða
yfirkennari".
Einnig kom fram sú skoðun, að
koma þurfi á samfelldari viðveru
og heillegri vinnudegi nemenda f
grunnskólum en nú er og að það
sem nú kæmi í veg fyrir samfelld-
an skóladag, í merkingunni sam-
felld viðvera nemenda, væri eink-
um tvi- og þrísetning skólahús-
næðis, skortur á aðstöðu fyrir
verk- og listgreinar, skortur á að-
stöðu f skólum til að matast og
vanbúin skólagöfn.
. Þá er lagt til að skipulag og
stundaskrárgerð veröi bætt, tekið
verði tillit til samfeldni við hönn-
un skólahúsnæðis og að skólasöfn
og vinnuaðstaða nemenda utan
fastra kennslustunda verði efld.
Einnig er í tillögum hópsins um
endurbætur lagt til, að gefinn
verði kostur á nestispökkum eða
skólamáltíðum á skólatfma og að
skólastarf verði skipulagt á sveig-
anlegan hátt.
Nýtt tímarit
um dans og
fimleika
KOMIÐ er út nýtt tímarit, sem nefn-
ist „Dans og fimleikar", ritstjóri og
ábyrgðarmaður er Niels Einarsson.
Áætlað er að blaðið komi út fyrst um
sinn ársfjórðungslega. Tilgangurinn
með útgáfunni er að stuðla að efl-
ingu á dansi og fimleikum hérlendis.
Meðal efnis í blaðinu er grein,
sem nefnist „öld valsins", grein
um fimleika f Kina, lýsing á ferða-
lagi um Ítalíu, sagt frá alþjóðlegri
danskeppni á fslandi o.fl.
timlvikar i Kitu
1-VrAalag ttl ttaliu
AlþjAUn duRskrppm a ivimidt
AimriAÍa nwviisa - lii*« wutrrðl vj«k<t<ira<ir
IsUiidMiH'tsiarakt'Þpui f giimfu dóasitfltmi
Forsíða tímaritsins.