Morgunblaðið - 20.02.1985, Blaðsíða 24

24
MORGUNBLAÐIÐ, MIÐVIKUDAGUR 20. FEBRÚAR 1985
Brœðraminning:
Fannar Karl Guðmundsson og
Brynjar Freyr Guðmundsson
Fannar Karl
Fæddur 14. desember 1976
Dáinn 16. febrúar 1985
Brynjar Freyr
Fæddur 14. mars 1980
Dáinn 16. febrúar 1985
Stundum er erfitt að skilja stað-
reyndir lifsins og sætta sig við
þær. Þannig var mörgum farið,
þegar þeir heyrðu þau hörmulegu
tíðindi að þeir bræður Fannar
Karl og Brynjar Freyr Guð-
mundssynir hefðu látið lífið í
eldsvoða síðastliðinn laugardag.
Fannar Karl var fæddur 14. des-
ember 1976 en Brynjar Freyr
bróðir hans hinn 14. mars 1980.
Þeir voru því aðeins 8 og 4 ára
gamlir þegar kallið kom.
Foreldrar þeirra eru hjónin
Jóna Dóra Karlsdóttir og Guð-
mundur Árni Stefánsson, til heim-
ils á Stekkjarhvammi 40, Hafnar-
firði.
Oft hafa íþróttamenn þurft að
hverfa burt af leikvelli í upphafi
leiks, ef óhöpp hafa borið að hönd-
um. En oftast eiga þeir sér aft-
urkvæmt síðar á leikvanginn, þeg-
ar meiðsl hafa læknast eða sár
gróið. *
Nú hafa þeir bræðurnir Fannar
og Brynjar yfirgefið leikvöllinn og
þeir koma ekki aftur til okkar í
leikinn, hvorki á æfingar eða í
keppni. Leiknum er lokið og var
hann þó varla hafinn.
Svona er lífið stundum óút-
reiknanlegt og erfitt.
Fyrir nokkrum árum hóf ég
störf hjá FH og kenndi þá m.a.
yngstu flokkunum knattspyrnu.
Ég veitti fljótt athygli dálítið
sérkennilegum, litlum ljóshærðum
og hrokkinhærðum knattspyrnu-
manni.
Yfirbragð hans og látbragð allt
gat ekki farið fram hjá þeim sem
fylgdust með hópnum. Lifandi
áhuginn, áhugi hans á að standa
sig vel, metnaðurinn að gera hlut-
ina rétt og samviskusamlega
ásamt því að hvetja félaga sína til
góðra verka, sem líkleg voru til að
skila árangri, allt var þetta svo
snar þáttur og einkennandi fyrir
þennan unga mann. Fannar Karl
hét hann, þessi efnilegi drengur.
Fljótlega eftir að Fannar var
búinn að festa sig í sessi á æfing-
unum fór hann að taka með sér
litla bróður sinn, Brynjar Frey,
sem þá var aðeins þriggja ára.
Brynjar litli kom fyrst til þess að
horfa á og fylgjast með því sem
gerðist hjá „stóra bróður“ úti á
vellinum. En fljótlega var sá litli
kominn í gallann og orðinn þátt-
takandi í leiknum.
Það var aðdáunarvert að sjá
umhyggju Fannars og áhuga við
að hjálpa Brynjari, litla bróður
sínum, við að komast í leikinn með
hinum drengjunum, sem eldri
voru og stærri. Það var hlaupið og
tekið í hendi hans, kallað og hvatt,
en eftir nokkar æfingar þurfti sá
litli ekki á hjálp að halda og tók
þátt í öllum leikjum af lífi og sál
eins og hinir drengirnir. Brynjar
litli Freyr er yngsti knattspyrnu-
maður sem ég hefi fengið á æf-
ingar í fótbolta.
Áhugi þeirra bræðra á knatt-
spyrnunni var dyggilega studdur
af foreldrum þeirra. ósjaldan sat
pabbi þeirra, Guðmundur Árni, á
áhorfendabekknum og fylgdist
með sonum sínum.
Og oft hljóp honum kapp í kinn
og gat hann þá ekki stillt sig um
að láta í sér heyra; hvatningu og
góð ráð. Það verður seint metið
sem skyldi, þegar foreldrar láta
sig skipta áhugamál barna sinna.
Slíkt segir jafnan til sín og skilar
góðri uppskeru.
Já, nú eru þeir dánir, horfnir
félagarnir okkar litlu og ljúfu,
þeir Brynjar og Fannar. Strákarn-
ir í FH sem æfðu með þeim og
léku, sakna þeirra sárt. Það gerum
við allir FH-ingar sem höfðum af
þeim einhver kynni. Minningin um
þá er skýr og lifandi. Hún mun
ekki gleymast heldur lýsa okkur
björt og hlý og verða okkur hvati
til að gera ávallt okkar besta, vera
sjálfum okkur trúir.
Að lokum flyt ég foreldrum
Fannars Karls og Brynjars Freys,
systkinum þeirra, vandamönnum
og öllum þeim öðrum sem eiga um
sárt að binda, hugheilar samúö-
arkveðjur allra félagsmanna í FH.
Fannari og Brynjari þakka ég
stutta en ógleymanlega samfylgd.
Blessuð sé minning þeirra.
Albert Eymundsson
f dag kveðjum við elsku litlu
frændur okkar, Fannar Karl og
Brynjar Frey, sem létust með
hörmulegum hætti aðfaranótt síð-
astliðins laugardags. Hvernig get-
ur slíkur sorgaratburður sem
þessi gerst? Lífið tekið frá tveim-
ur litlum bræðrum í einni svipan
og eftir standa foreldrarnir, systk-
inin litlu og öll fjölskyldan harmi
slegin. í huganum spyrjum við,
„hver er tilgangurinn" en fátt er
um svör. Við höfum þá trú að þeim
sé ætlað æðra hlutverk sem við
ekki skiljum.
Þeir bræður, Fannar og Brynj-
ar, voru fallegir, prúðir og yndis-
legir drengir. Hvorugur mátti af
hinum sjá, svo samrýndir voru
þeir. Áhugi þeirra á íþróttum var
mikill og varla komum við svo inn
á heimili þeirra að ekki væri bolt-
inn á lofti, setið yfir íþróttaþætt-
inum í sjónvarpinu eða rætt um
úrslit leikja, sem Fannar fræddi
yngri bróður sinn um, enda for-
eldrarnir miklir íþróttaunnendur.
Við vitum að missirinn er mikill
og skarðið verður aldrei fyllt en
fallegar minningar lifa í hjörtum
okkar allra.
Elsku Jóna Dóra frænka og
Guðmundur, Kalli frændi og Lilla
og aðrir ástvinir. Við vottum ykk-
ur samúð okkar og biðjum algóðan
guð að styrkja ykkur og blessa við
þennan mikla missi.
Anna Jóna, Stella,
Berglind, Harpa
og litli Vírtir.
f dag stöndum við yfir moldum
litlu frænda okkar, Fannars og
Brynjars, sem á svo óskiljanlegan
máta kvöddu þennan miskunnar-
lausa heim. Það er óskýranlegur
helkuldi, sem grípur um sig í sál-
inni þegar slík harmafregn skellur
á manni fyrirvaralaust.
Tveir litlir drengir — 4 ára og 8
ára — bræður — tápmiklir gló-
kollar — heilbrigðir og fallegir
kallaðir burt fyrirvaralaust.
Mikinn styrk þurfa foreldrar og
nánustu skyldmenni til að stand-
ast slíkt reiðarslag.
Við vonum að góður guð lini
þrautir þeirra sem um sárt eiga að
binda og gefi þeim styrk til að
horfast í augu við þessa köldu
staðreynd.
Fannar og Brynjar voru greind-
ir og vel af guði gerðir, miklir efn-
isdrengir — þeir voru samrýndir
og miklir vinir. Alltaf fylgdu þeir
pabba sínum suður með sjó þar
sem hann stundar handknattleiks-
þjálfun — þeir voru þrír sem einn
maður þar.
Þeir tóku mikinn þátt í áhuga-
málum pabba síns og voru miklir
FH-ingar og höfðu mikinn áhuga
á íþróttum eins og títt er um unga
stráka. Þeir dýrkuðu mömmu sína
og voru henni þægir og eftirlátir
— hjálpsamir og duglegir.
Ætíð var efst í huga þeirra
beggja að gæta vel litlu systkina
sinna. Ævi þeirra á þessari jörð
var ekki löng en hún var sannar-
lega gæfurík. Þeir ólust upp í mik-
illi ástúð og hlýju hjá foreldrum
sínum, Jónu Dóru og Guðmundi
Árna, með tveimur systkinum,
Margréti Hildi og Heimi Snæ.
Þær voru ófáar ferðirnar til afa og
ömmu á Tunguvegi 50, þar sem
öllum var tekið opnum örmum.
Þar var oft glatt á hjalla þegar
fjölskyldurnar hittust og oft voru
þeir miðpunktur þess sem var að
gerast.
Þeim var ekki ætlað lengra líf á
þessari jörðu en við erum sann-
færð um að guð hefur kallað þá til
stærri hlutverka hjá sér.
Elsku svstir, Jóna Dóra og Guð-
mundur Arni, Margrét Hildur og
Heimir Snær, pabbi og mamma,
Stefán og Margrét, fátt er nú til
huggunar en við biðjum góðan guð
að styrkja ykkur nú og um alla
framtíð í ykkar djúpu sorg.
Jón og Erla,
Finnbogi og Stella,
Heimir og Anna Kristín.
í dag eru til moldar bornir elsku
litlu frændur okkar, Fannar Karl
og Brynjar Freyr.
Við skiljum ekki hvers vegna
þeir þurftu að deyja svona ungir
en trúum því að þeir séu komnir í
betri heim til Jesú Krists því þeir
voru svo góðir.
Aldrei framar getum við hitzt
hjá afa og ömmu, þar sem er svo
gott að koma. Aldrei framar leikið
okkur saman eins og áður.
En við geymum margar góðar
minningar um þá frá Iiðnum ár-
um.
Við biðjum góðan Guð að varð-
veita elsku Fannar og Brynjar um
alla eilífð, að styrkja mömmu
þeirra, pabba, og litlu systkinin
Margréti Hildi og Heimi Snæ í
þeirra miklu sorg. Við ætlum allt-
af að muna þá eins og þeir voru —
káta, glaða og fallega drengi.
Guð varðveiti okkur öll á þess-
ari erfiðu stundu og alltaf.
Tinna, Sif, Þóra Dögg,
Ragnhildur Ýr, Erla Björk,
Karl Fjölnir og Atli Freyr.
í voða, vanda og þraut
vel ég þig að förunaut,
yfir mér virstu vaka
og vara á mér taka.
Jesús mér fylgi í friði
með fögru englaliði.
(Hallgrímur Pétursson.)
Allt, hvað minn góði guð,
gaf mér í heimi,
einn taki aftur við,
annist og geymi.
(Hallgrímur Pétursson.)
Harmi slegnar yfir fregninni
um andlát litlu bræðranna, viljum
við með örfáum orðum þakka þau
kynni sem við fengum notið.
í hjörtum okkar lifa þeir hvor á
sinn hátt.
Við munum geyma minningu
þeirra, sannfærðar um að þeir
styrki og styðji hvor annan á
þeirri leið sem nú bíður þeirra.
Elsku Jóna Dóra, Guðmundur
Árni og litlu systkin, við munum
biðja Guð að geyma litlu drengina
ykkar.
Hann styrki ykkur og fjölskyld-
ur ykkar í sorg þeirri sem þið nú
búið við.
Guð veri með ykkur.
Hrefna Birgitta Bjarnadóttir
Sigurjóna Sigurrtardóttir
Hildur Siguröardóttir
Sigurbjörg Pétursdóttir
Oddgeröur Oddgeirsdóttir
Inga Birgisdóttir
og fjölskyldur.
I dag verða jarðsungnir í Hafn-
arfjarðarkirkju bræðurnir Fannar
Karl og Brynjar Freyr Guðmunds-
synir.
Kynni mín af Fannari og Brynj-
ari voru mest seinustu þrjú árin.
En ’83 og ’84 var ég tíður gestur á
heimili þeirra í Hvömmunum,
vegna þess að föðurbróðir þeirra
sem ég hafði þekkt frá því ég var
smástrákur bjó þar á þessum
tíma. Stundum þegar ég kom í
heimsókn voru strákarnir að leika
sér með fótboltann, annaðhvort
úti eða inni, enda var fótboltinn
aðaláhugamál Fannars, og upp á
það síðasta var áhuginn einnig
orðinn mikill hjá Brynjari.
Tilviljun réð því að við Fannar
urðum ferðafélagar með föður-
bróður hans til London en þar eiga
afi og amma Fannars og Brynjars
heima. Við vorum þar þrír saman
í góðu yfirlæti í hálfan mánuð og
skemmtum okkur við hitt og
þetta. Á þeim tíma sem við vorum
úti kynntist ég Fannari vel. Hann
var rólegur en þó hress og
skemmtilegur og að sumu leyti var
hann mjög fullorðinslegur. Sam-
vera okkar þarna úti var skemmti-
leg upplifun sem ég mun aldrei
gleyma.
Kynni mín af Brynjari voru því
miður ekki eins mikil en þó kynnt-
ist ég honum ágætlega. Hann var
opinn og oftast létt yfir honum
enda minnist ég hans sem lítils,
ánægðs drengs.
Að lokum vil ég votta foreldrum
þeirra, Guðmundi Árna Stefáns-
syni og Jónu Dóru Karlsdóttur,
Tillaga fyrir Búnaðarþingi:
Ein sameiginleg stjórn fram-
leiðslu, leiðbeininga og rannsókna
FYRIR Búnartarþingi liggur erindi frá
Búnaðarsambandi Eyjafjarðar þar sem
þvf er beint til Búnartarþings art það
beiti sér fyrir samræmdri heildarend-
urskoðun laga um málefni landbúnað-
arins. Slík endurskoðun taki fyrst og
fremst til þeirra þátta er lúta að stjórn-
un framleirtslu — leiðbeininga og
rannsóknastarfsemi. Inn í það falli
einnig meðferð fjármuna þ.e. lán og
framlög hverskonar til landbúnaðar.
í erindinu segir að nú standi yfir
endurskoðun á ýmsum lögum og
starfsemi stofnana. Lagt er til að
með endurskoðun þessari verði haft í
huga hvort ekki sé rétt að mynda
eina sameiginlega stjórn allra þess-
ara þátta er varða framleiðslu —
leiðbeiningar og rannsóknir. Með því
fengist samræmdari og betri heild-
arstjórn og allir þessir þættir væru
samstiga í aðgerðum sem beita
þyrfti til stjórnunar búvörufram-
leiðslu. „Miðað við stöðu landbúnað-
arins í dag er mjög mikil nauðsyn á
að allar aðgerðir sem áhrif hafa á
framkvæmda- og framleiðsluhætti
hans séu markvissar og beinist allar
í sömu átt,“ segir einnig í erindi
Búnaðarsambands Eyjafjarðar.
Fyrstu tvo daga Búnaðarþings
voru 26 mál lögð fyrir þingið, frá
Alþingi, stjórn Búnaðarfélags ís-
lands, búnaðarsamböndum og ein-
stökum búnaðarþingsfulltrúum.
Fyrstu málin eru reikningar og fjár-
hagsáætlun og fleira, önnur mál sem
lögð hafa verið fram eru:
Mál nr. 3: Álit milliþinganefndar
Búnaðarþings 1984 um endur-
skoðun laga um Framleiðnisjóð
landbúnaðarins, Stofnlánadeild
landbúnaðarins og jarðræktar-
lög.
Mál nr. 4: Erindi Búnaðarsambands
Norður-Þingeyinga um raf-
magnsmál.
Mál nr. 5: Erindi Búnaðarsambands
Skagfirðinga um raforku til
súgþurrkunar á heyi.
Mál nr. 6: Nefndarálit Sambands
eggjaframleiðenda um stöðu
eggjaframleiðslunnar og ábend-
ingar til úrbóta. Lagt fyrir af
stjórn Búnaðarfélags íslands.
Mál nr. 7: Frumvarp til laga um
breytingu á lögum nr. 42, 12.
maí 1969, um afréttarmálefni,
fjallskil o.fl., með síðari breyt-
ingum, lagt fyrir 107. löggjafar-
þing. Lagt fyrir af stjórn Bún-
aðarfélags íslands.
Mál nr. 8: Frumvarp til laga um
breytingu á lögum um Fram-
leiðsluráð landbúnaðarins,
verðskráningu, verðmiðlun og
sölu á landbúnaðarvörum o.fl.,
nr. 95/1981, 10. mál 107. lög-
gjafarþings. Lagt fyrir af
stjórn Búnaðarfélags íslands.
Mál nr. 9: Tiliaga til þingsályktunar
um að hætta þátttöku í starf-
semi Búnaðarfélags Island, 24.
mál 107. löggjafarþings. Lagt
fyrir af stjórn Búnaðarfélags
íslands.
Mál nr. 10: Frumvarp til laga um
land í þjóðareign, 87. mál 107.
löggjafarþings. Lagt fyrir af
stjórn Búnaðarfélags Islands.
Mál nr. 11: Tillaga til þingsályktun-
ar um heimaöflun í landbúnaði,
97. mál 107. löggjafarþings.
Lagt fyrir af stjórn Búnaðarfé-
lags íslands.
Mál nr. 12: Tillaga til þingsályktun-
ar um skipanir framleiðslu-
stjórnar, verðlagningar og sölu-
mála í landbúnaði, 102. mál 107.
löggjafarþings. Lagt fyrir af
stjórn Búnaðarfélags tslands.
Mál nr. 13: Tillaga til þingsályktun-
ar um könnun á uppbyggingu
og rekstrargrundvelli slátur-
húsa, 158. mál 107. löggjafar-
þings. Lagt fyrir af stjórn Bún-
aðarfélags Islands.